Asia Games Archery: "இந்திய வில்வித்தை வீரர்கள் வரலாறு படைத்துள்ளனர்": AAI துணைத் தலைவர் கைலாஷ் முரார்கா

வில்வித்தை போட்டிகளில் 5 தங்கம் உட்பட 9 பதக்கங்களை வென்றுள்ள இந்தியா, ஆசிய விளையாட்டு வரலாற்றில் தனது சிறந்த பதக்க எண்ணிக்கையை எட்டியுள்ளது.

"இது சந்தோஷமான விஷயம். வரலாறு படைத்த இந்திய வில்வித்தை வீரர்கள் இந்த செயல்திறன் மேலும் மேம்படும். அனைத்து இந்தியர்கள், வில்வித்தை வீரர்கள், அவர்களின் குடும்பத்தினர் மற்றும் விளையாட்டுத் துறையை நான் பாராட்ட விரும்புகிறேன். ஒலிம்பிக்கில் நமது வில்வித்தை வீரர்கள் இதே முறையில் செயல்படுவார்கள் என்ற நம்பிக்கை எனக்கு உள்ளது" என்று கைலாஷ் முரார்கா ஏ.என்.ஐ செய்தி நிறுவனத்திடம் தெரிவித்தார்.

இந்திய வில்வித்தை சங்கத்தின் பொதுச் செயலாளர் பிரமோத் சந்துர்கர், வில்வித்தை அணியினரின் பெயரை வரலாற்றில் பொன்னெழுத்துக்களால் எழுதியதற்காக பாராட்டினார்.

"இது இந்திய வில்வித்தைக்கு ஒரு பொன்னான நாள்... இந்திய வில்வித்தை சங்கம், இந்திய விளையாட்டு ஆணையம், இளைஞர் நலன் மற்றும் விளையாட்டு அமைச்சகம் மற்றும் ஐ.ஓ.ஏ ஆகியவை ஒருங்கிணைந்து செயல்பட்டதால்தான் இதுபோன்ற ஒரு நாளை நாம் காண முடிந்தது. இப்போது எங்கள் அடுத்த இலக்கு வரவிருக்கும் 2024 ஒலிம்பிக்" என்று பிரமோத் சந்துர்கர் கூறினார்.

19-வது ஆசிய விளையாட்டுப் போட்டியில் மகளிர் காம்பவுண்ட் வில்வித்தை பிரிவில் இந்தியாவின் ஜோதி சுரேகா வெண்ணம் தங்கப்பதக்கம் வென்றார்.

வளர்ந்து வரும் இந்திய வில்வித்தை வீரர் தென் கொரியாவின் சேவோன் சோவை 149-145 என்ற புள்ளிக்கணக்கில் தோற்கடித்தார்.

ஆண்களுக்கான காம்பவுண்ட் வில்வித்தையில் பிரவீன் ஓஜாஸ் தியோடலே, அபிஷேக் வர்மா ஆகியோர் முறையே தங்கம் மற்றும் வெள்ளி பதக்கங்களை வென்றனர்.

பிரவீன் 149-147 என்ற புள்ளிக்கணக்கில் அபிஷேக்கை தோற்கடித்து தங்கப் பதக்கம் வென்றார்.

மகளிர் குழு கபடி போட்டியில் இந்தியா தங்கப்பதக்கம் வென்றதன் மூலம் 100 பதக்கங்களை எட்டியது.

இந்தியா தற்போது 25 தங்கம், 35 வெள்ளி, 40 வெண்கலம் என மொத்தம் 100 பதக்கங்களுடன் பதக்க பட்டியலில் நான்காவது இடத்தில் உள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9