Paris Olympics: ஆரம்பமே அமர்க்களம்..! குறிவைத்து தாக்கிய இந்திய அணி - வில்வித்தையில் காலிறுதிக்கு தகுதி
பாரிஸ் ஒலிம்பிக்கில் வில்வித்தை ஆரம்பகட்ட போட்டிகளில் குறிவைத்து தாக்கிய இந்திய அணி காலிறுதிக்கு தகுதி பெற்றுள்ளது. ஆண்கள் மற்றும் பெண்கள் அணியினர் சிறப்பான ஆட்டத்தால் ஒலிம்பிக்கின் ஆரம்பமே அமர்க்களமாக அமைந்துள்ளது.
வில்வித்தை ரிகர்வ் போட்டியில் ஆண்கள் மற்றும் பெண்கள் அணிகள் கால் இறுதிக்கு தகுதி பெற்றதால், பாரிஸ் ஒலிம்பிக்கில் இந்தியாவுக்கு நல்ல தொடக்கமாக அமைந்தது. வில்வித்தை நாயகர்களான அங்கிதா பகத், பஜன் கெளர் மற்றும் தீபிகா குமாரி ஆகியோர் 666 புள்ளிகளைப் பெற்று தரவரிசையில் நான்காவது இடத்தைப் பிடித்தனர்.
அதே நேரத்தில் தீரஜ் பொம்மதேவரா, தருண்தீப் ராய் மற்றும் பிரவின் ரமேஷ் ஜாதவ் ஆகிய மூவரும் ஆடவர் பிரிவில் மூன்றாவது இடத்தைப் பிடித்தனர்.
ஆண்களுக்கான தரவரிசை சுற்றில், தீரஜ் பொம்மதேவரா, ஒற்றையர் தகுதிச் சுற்றில் நான்காவது இடத்தை பிடித்தார். பொம்மதேவரா 335 புள்ளிகளுடன் முதல் பாதியின் முடிவில் 24வது இடத்தைப் பிடித்தார். அவர் 9Xகள், பதினைந்து 10 விநாடிகள் அடித்து 681 புள்ளிகளுடன் ரேங்கிங் சுற்றில் முடித்தார். தென் கொரியாவின் கிம் வூஜினை விட ஐந்து புள்ளிகள் பின்தங்கி இருந்தார்.
இந்திய அணி பெற்ற புள்ளிகள்
ஆண்கள் அணிகளில் தென் கொரியா 2049 புள்ளிகளுடன் முதல் இடத்தை பிடித்துள்ளது. இதற்கு அடுத்த போட்டிய ஒலிம்பிக் போட்டியை நடத்தும் பிரான்ஸ் பிரான்ஸ் 2025 புள்ளிகளுடன் இரண்டாவது இடத்திலும் உள்ளது. இந்தியா 2013 புள்ளிகளுடன் முடிந்துள்ளது.
பெண்களுக்கான போட்டியில், தீபிகா குமாரி போன்ற அனுபவமிக்க வீராங்கனைகளை விஞ்சி, பெண்களுக்கான தனிப்பட்ட வில்வித்தை ரீகர்வ் தகுதிகளில் 11வது இடத்தைப் பிடித்து அங்கிதா பகத், சிறந்த இந்திய வில்வித்தை வீராங்கனையாக மாறினார்.
மேற்கு வங்கம் மாநிலத்தை சேர்ந்த 26 வயதான அங்கிதா, 666 புள்ளிகள் பெற்று இந்திய அணியில் முன்னிலை வகித்தார். 2024 பாரிஸ் ஒலிம்பிக் விளையாட்டு தான் அங்கிதாவின் அறிமுக ஒலிம்பிக் போட்டியாகும்
மற்ற வீராங்கனைகளான பஜன் கெளர் மற்றும் தீபிகா குமாரி முறையே 659 மற்றும் 658 புள்ளிகளுடன் 22, 23 ஆகிய இடங்களைப் பிடித்தனர்.
குழு போட்டியில், இந்திய மகளிர் அணி 1983 புள்ளிகளுடன் நான்காவது இடத்தைப் பிடித்தது. தென் கொரியா 2046 புள்ளிகளுடன் முதலிடத்திலும், சீனா மற்றும் மெக்சிகோ முறையே இரண்டாவது மற்றும் மூன்றாவது இடத்திலும் உள்ளன.
இந்தியா காலிறுதிக்கு தகுதி
முதல் நான்கு அணிகள் காலிறுதிக்கு நேரடியாக நுழைந்தன. 16 போட்டிகளின் சுற்றுகளைத் தவிர்த்து, ஐந்தாவது முதல் பன்னிரண்டாவது அணிகள் மீதமுள்ள இடங்களுக்கு போட்டியிடும்.
பிரான்ஸ் மற்றும் நெதர்லாந்து அணிகளுக்கு இடையிலான போட்டியின் முடிவு இந்திய மகளிர் அணியின் காலிறுதி எதிர்கொள்ள இருக்கும் அணியை தீர்மானிக்கும் போட்டியாக உள்ளது.
இந்தியா காலிறுதியில் வெற்றி பெற்றால், ஒலிம்பிக் வில்வித்தையில் ஆதிக்கம் செலுத்தும் தென் கொரியா அணிக்கு எதிராக இந்தியா மகளிர் போட்டியிடும். இது சவால் மிகுந்த போட்டியாக அமையும்.
கொரியா பெண்கள் அணி குறிப்பாக வெல்ல உச்சகட்ட பார்மில் இருக்கும் அணியாகவும், வெல்ல முடியாத அணியாகவும் இருந்து வருகிறது. கடந்த 2020 டோக்கியோ ஒலிம்பிக்கில் பதக்கம் வென்றதன் மூலம், தொடர்ச்சியாக ஒன்பதாவது ஒலிம்பிக் பதக்கத்தைப் பெற்றது.
தனிநபர் போட்டியில் சாதனை
தனிநபர் போட்டியில், கொரியாவின் லிம் சிஹியோன் 694 புள்ளிகளை பெற்று புதிய உலக சாதனை படைத்தார், அத்துடன் புள்ளிப்பட்டியலில் முதலிடம் பிடித்தார். அவரது சக நாட்டவரான சுஹியோன் நாம் 688 புள்ளிகளுடன் இரண்டாவது இடத்தையும், சீனாவின் யாங் சியாவோலி 673 புள்ளிகளுடன் மூன்றாவது இடத்தையும் பிடித்தனர்.
கலவை போட்டிக்கான வாய்ப்பை இழந்த தீபிகா
நான்கு முறை ஒலிம்பிக் போட்டிகளில் பங்கேற்ற வீராங்கனையான தீபிகா குமாரி, இளம் வீராங்கனை அங்கிதாவின் வெற்றியால் கலவை அணி போட்டிக்கான வாய்ப்பை இழந்தார். கலப்பு அணி போட்டிக்கான தகுதிப் போட்டியில் அங்கிதா, தீரஜ் பொம்மதேவராவுடன் இணைகிறார்கள். இதன் மூலம் கலப்பு அணிக்கான வாய்ப்பை தீபிகா முதன்முறையாக இழந்துள்ளார்.
சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:
Twitter: https://twitter.com/httamilnews
Facebook" https://www.facebook.com/HTTamilNews
You Tube: https://www.youtube.com/@httamil
Google News: https://tamil.hindustantimes.com/
டாபிக்ஸ்