INDvsWI 1st Day: 5 விக்கெட் வீழ்த்திய அஸ்வின்! சுழலில் கலக்கிய ஜடேஜா - முதல் இன்னிங்ஸில் இந்தியா நிதான ஆட்டம்
வெஸ்ட்இண்டீஸ் அணிக்கு எதிரான முதல் டெஸ்டில் இந்திய அணி சூழல் கூட்டணியான ரவிச்சந்திரன் அஸ்வின் - ரவீந்திர ஜடேஜா ஆகியோர் கலக்கினர். வெஸ்ட் இண்டீஸ் பேட்ஸ்மேன்களை அற்புத பவுலிங்கால் திணறடித்த நிலையில், அஸ்வின் 5 விக்கெட்டுகளை வீழ்த்தினார்.
வெஸ்ட் இண்டீஸ் சுற்றுப்பயணம் மேற்கொண்டுள்ள இந்தியா டெஸ்ட், ஒரு நாள், டி20 போட்டிகளில் விளையாடுகிறது. இரு அணிகளுக்கு இடையிலான முதல் டெஸ்ட் போட்டி ரோசோ மைதானத்தில் தொடங்கியுள்ளது. இந்த போட்டியில் டாஸ் வென்ற வெஸ்ட் இண்டீஸ் முதலில் பேட்டிங்கை தேர்வு செய்த நிலையில், இந்திய அணியின் பவுலிங்கை சமாளிக்க முடியாமல் 150 ரன்களில் சுருண்டது.
முதல் நாள் ஆட்டத்தில், முதல் இரண்டு செஷன்கள் மட்டும் விளையாடியே வெஸ்ட்இண்டீஸ், இந்திய ஸ்பின் காம்போவான அஸ்வின் - ஜடேஜா சுழலில் சரிந்தது. அந்த அணியில் அதிகபட்சமாக அலிக் அத்தானாஸ் அதிகபட்சமாக 47 ரன்கள் எடுத்தார்.
இந்திய பவுலர்களில் அற்புதமாக பவுலிங் செய்து வெஸ்ட்இண்டீஸ் பேட்ஸ்மேன்களை மிரட்டிய அஸ்வின் 5 விக்கெட்டுகளை வீழ்த்தினார். இவருக்கு அடுத்தபடியாக ஜடேஜா 3 விக்கெட்டுகளை எடுத்தார்.
இதைத்தொடர்ந்து முதல் இன்னிங்ஸை தொடர்ந்த இந்தியா முதல் நாள் ஆட்ட நேர முடிவில் விக்கெட் இழப்பின்றி 80 ரன்கள் எடுத்துள்ளது. இந்திய அணியில் ஓபனிங் பேட்ஸ்மேனாக களமிறங்கியிருக்கும் அறிமுக வீரர் யஷஸ்வி ஜெய்ஸ்வால் 40 ரன்கள் எடுத்து களத்தில் உள்ளார்.
மற்றொரு ஓபனிங் பேட்ஸ்மேன் 30 ரன்கள் எடுத்து அவுட்டாகாமல் உள்ளார். தற்போதைய நிலையில் இந்திய 70 ரன்கள் வெஸ்ட்இண்டீஸ் அணியை விட குறைவாக உள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்