Dindigul Dragons: வியக்க வைத்த ஷிவம் சிங்.. அரை சதம் விளாசிய இம்பேக்ட் பிளேயர் ஆதித்யா கணேஷ்!

7.15 மணிக்கு தொடங்க வேண்டிய ஆட்டம், மழை காரணமாக கால தாமதமாக தொடங்கியது.

டாஸ் வென்ற திண்டுக்கல் டிராகன்ஸ் அணி, பவுலிங்கைத் தேர்வு செய்தது. இதையடுத்து திருப்பூர் அணி முதலில் விளையாடியது.

தொடக்க வீரராக எஸ்.ராதாகிருஷ்ணன் களம் புகுந்தார் அவர் 10 ரன்கள் எடுத்தபோது பூபதி குமாரிடம் கேட்ச் கொடுத்து ஆட்டமிழந்தார்.

மற்றொரு ஓபனர் துஷார் ரஹேஜா 22 பந்துகளில் 30 ரன்கள் விளாசினார். எனினும் 8வது ஓவரில் அவர் ரன் அவுட்டானார். சாய் கிஷோர் அதிரடியாக விளையாடி 35 பந்துகளில் 45 ரன்களை விளாசி ஆட்டமிழந்தார். அவர் மொத்தம் 3 சிக்ஸர்களையும் 4 பவுண்டரிகளையும் பறக்க விட்டார்.

இவ்வாறாக அந்த அணி 20 ஓவர்களில் 5 விக்கெட் இழப்புக்கு 173 ரன்களை எடுத்தது. 174 ரன்கள் எடுத்தால் வெற்றி என்ற இலக்குடன் திண்டுக்கல் தமிழன்ஸ் விளையாடியது.

திண்டுக்கல் அணி வீரர்கள் விமர் குமார் 14 ரன்களிலும், பூபதி குமார் 14 ரன்களிலும் ஆட்டமிழந்தனர். அவர்களின் விக்கெட்டை சாய் கிஷோர் கைப்பற்றினார். ஆதித்ய கணேஷும், ஷிவம் சிங்கும் நிதானமாக விளையாடினர். ஷிவம் சிங், 42 பந்துகளில் அரை சதம் விளாசி அசத்தினார்.

கடைசி வரை ஆட்டமிழக்காமல் இருந்து 57 பந்துகளில் 74 ரன்களும், ஆதித்யா கணேஷ் 30 பந்துகளில் 59 ரன்களும் விளாசினர். இவர்களின் பார்ட்னர்ஷிப் 100 ரன்களை கடந்தது.

இவ்வாறாக 18.3 ஓவர்களில் 174 ரன்கள் எடுத்து வெற்றி கண்டது திண்டுக்கல்.

இன்றைய ஆட்டத்தில் ரவிச்சந்திரன் அஸ்வின் விளையாடவில்லை. பாபா இந்திரஜித் கேப்டனாக செயல்பட்டார்.

அடுத்து திண்டுக்கல் அணி சனிக்கிழமை நெல்லையை சந்திக்கிறது. அந்த ஆட்டத்தில் ஜெயிக்கும் அணி பிளே-ஆஃப் செல்லும்.

தமிழ்நாடு பிரீமியர் லீக் (Tamil Nadu Premier League) ஆண்டுதோறும் நடைபெறும் ஓர் உள்ளூர் கிரிக்கெட் போட்டி ஆகும்.

இந்தப் போட்டிகள் மூலம் பல இளம் வீரர்களின் திறமைகள் அடையாளம் காணப்படும் என்பதில் மாற்றுக் கருத்து இருக்க முடியாது.

2016-இல் தமிழ்நாடு கிரிக்கெட் சங்கத்தால் தொடங்கப்பட்ட இந்தப் போட்டி, இந்தியன் ப்ரீமியர் லீக் போட்டி போன்று தமிழக அளவில் நடைபெறும் கிரிக்கெட் தொடர் ஆகும். 7வது சீசன் போட்டி தற்போது நடைபெற்று வருகிறது.

இதுவரை லைக்கா கோவை கிங்ஸ் அணி, நெல்லை ராயல் கிங்ஸ், சேப்பாக் சூப்பர் கில்லீஸ், திண்டுக்கல் டிராகன்ஸ் ஆகிய அணிகள் வெற்றி பெற்றுள்ளன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9