Japan Open 2023: ஜப்பான் ஓபன் பேட்மின்டனில் பிரணாய் தோல்வி-அரையிறுதியில் லக்ஷயா சென்

முதல் செட்டை 21-19 என்ற கணக்கில் பிரணாய் கைப்பற்றினார். ஆனால் டென்மார்க் வீரர் கடைசி 2 செட் ஆட்டங்களிலும் வெற்றி பெற்று அரையிறுதிக்கு முன்னேறினார்.

இரண்டாவது கேமில் சற்று போராடினார் பிரணாய். தொடக்கத்தில் அவர் இரண்டாவது கேமை லீடு செய்தார். ஆனால் ஆக்செல்சன் மீண்டு வந்து செட்டை 21-18 என்ற கணக்கில் கைப்பற்றினார்.

கடைசி செட் ஆட்டத்தில் உலகின் நம்பர் 1 வீரரின் ஆதிக்கம் இருந்தது, அவர் முழு ஆட்டத்திலும் சிறப்பாக பயணித்தார், இந்திய பாட்மிண்டன் வீரருக்கு மீண்டும் திரும்புவதற்கான வாய்ப்பை வழங்கவில்லை. பிரணாய் இரட்டை இலக்கத்தை எட்டத் தவறியதால் ஆக்செல்சன் 21-8 என்ற புள்ளிக் கணக்கில் வெற்றி பெற்றார்.

இவ்வாறாக, ஆக்சல்சென் 19-21, 21-18, 21-8 என்ற செட் கணக்கில் பிரணாயை வீழ்த்தினார்.

முன்னதாக, 2022 காமன்வெல்த் சாம்பியனான இந்தியாவின் லக்ஷ்யா சென் 21-15, 21-19 என்ற நேர் செட் கணக்கில் வடனாபேவை வீழ்த்தி தொடர்ந்து மூன்றாவது முறையாக அரையிறுதிக்கு முன்னேறினார்.

இந்த மாத தொடக்கத்தில் கனடா ஓபன் சூப்பர் 500 பட்டத்தை வென்ற லக்ஷயா சென், தொடக்கத்தில் 5-3 என்ற கணக்கில் முன்னிலை பெற்று இடைவேளையின் போது 11-7 என சமநிலையில் இருந்தார். ஜப்பானியரை சமாளிப்பதில் சிறிது சிரமப்பட்ட இந்திய வீரர், ஆட்டத்தின் இருபுறமும் இரண்டு கிராஸ்-கோர்ட் ரிட்டர்ன்களுடன் தொடக்க ஆட்டத்தை விரைவாக முடித்தார்.

இவ்வாறாக 21-15, 21-19 என்ற செட் கணக்கில் வாடனேபை வீழ்த்தினார் லக்ஷயா சென்.

ஆடவர் இரட்டையர் பிரிவில் இந்தியாவின் சாத்விக்சாய்ராஜ் ராங்கிரெட்டி- சிராக் ஷெட்டி ஜோடி 15-21, 25-23, 16-21 என்ற செட் கணக்கில் சீன தைபேயின் லீ யாங்- வாங் சி-லானிடம் தோல்வியடைந்தது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9