Chennai Masters 2023: முதல் இடத்தை பிடித்த குகேஷ்! டாப் மூன்று இடத்தில் இந்திய வீரர்கள்
சென்னை கிராண்ட் மாஸ்டர்ஸ் 2023 நிகழ்வில் பெற்ற வெற்றியின் மூலம் இந்திய இளம் கிராண்ட் மாஸ்டரான குகேஷ் பிடே சர்க்யூட் புள்ளிப்பட்டியலில் முன்னேறியுள்ளார்.
சென்னை கிராண்ட் மாஸ்டர்ஸ் 2023 போட்டியில் 7க்கு 4.5 புள்ளிகளை பெற்று வெற்றி பெற்றுள்ளார் இந்திய வீரரான குகேஷ் தொம்மராஜு. இவருக்கு அடுத்தபடியாக இரண்டாவது இடத்தை மற்றொரு இந்திய இளம் கிராண்ட் மாஸ்டரான அர்ஜுன் எரிகைசி பிடித்துள்ளார்.
தனது சிறப்பான ஆட்டம் மூலம் பிடே சர்க்யூட் புள்ளிப்பட்டியலிலும் டாப் இடத்துக்கு முன்னேறியுள்ளார் குகேஷ்.
சக இந்திய வீரரான பெண்டாலா ஹரிகிருஷ்ணாவுக்கு எதிரான கடைசி சுற்று போட்டியில் போட்டியை டிரா செய்தார் குகேஷ்.
அர்ஜுன் எரிகைசி, ஹங்கேரி நாட்டு வீரர் சனான் ஸ்ஜுகிரோவை வீழ்த்தி வெற்றி பெற்றார். குகேஷ், அர்ஜுன் என இருவரும் 4.5 என ஒரே புள்ளிகளை பெற்ற நிலையில் டை பிரேக்கரில் அர்ஜுன் இரண்டாவது இடத்தை பிடித்தார்.
உக்ரைன் நாட்டு வீரர் பாவெல் எல்ஜனோ, இந்தியாவின் ஹரிகிருஷ்ணா ஆகியோர் 7க்கு 4 புள்ளிகளை பெற்றனர். இருப்பினும் ரேட்டிங் அடிப்படையில் அர்ஜுன் எரிகைசி மூன்றாவது இடத்தை பிடித்தார். இதன் மூலம் டாப் மூன்று இடங்களை இந்தியர்கள் பிடித்தனர்.
முதல் இடத்தை பிடித்த குகேஷ் ரூ. 15 லட்சம், இரண்டாவது இடத்தை பிடித்த அர்ஜுன் எரிகைசி ரூ. 10 லட்சம், மூன்றாவது இடத்தை பிடித்த ஹரிகிருஷ்ணா ரூ. 8 லட்சம் பரிசுத்தொகையை பெற்றனர்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்