உலகக் கோப்பை கால்பந்து: ஐரோப்பா ஒன்றியத்தில் போர்ச்சுகல், போலாந்து தகுதி

ஆட்டம் தொடங்கிய முதல் 30 நிமிடம் வரை கேப்டன் கிறிஸ்டினோ ரொனால்டோ, நட்சத்திர வீரர் தியோகோ ஜோடா ஆகியோர் கோல் போடும் முயற்சியில் தீவிரமாக ஈடுபட்டனர். இதன் பின்னர் பெர்னான்டஸ் அவர்களோடு இணைந்து உறுதுணை அளித்தார்.

இதன் விளைவாக அடுத்த இரண்டு நிமிடங்களில் ப்ருனோ பெர்னான்டஸ் அற்புத ஷாட் மூலம் போர்ச்சுகலுக்கு ஒரு கோல் கிடைத்தது. தொடர்ந்து தங்களது ஆதிக்கத்தை செலுத்திய போர்ச்சுகல் வீரர்கள் வடக்கு மேசிடோமியா வீரர்களுக்கு சிறு வாய்ப்பும் அளிக்காமல் துல்லியமாக பந்தை பாஸ் செய்து விளையாடினர்.

முதல் பாதியில் முன்னிலையுடன் இரண்டாம் பாதியை தொடர்ந்த போர்ச்சுகல் அணியினர் தங்களது கூட்டு முயற்சியை சிறிதும் தவறவிடாமல் பார்த்துக்கொண்டனர். இதற்கும் பலனாக மீண்டும் பெர்னான்டஸில் அற்புத ஷாட் மூலம் 65வது நிமிடத்தில் இரண்டாவது கோல் கிடைத்தது.

பேர்ச்சுகல் அணி வீரர்களின் ஒருங்கிணைப்பான ஆட்டத்துக்கு முன்பு என்ன செய்வதென்று தெரியாமல் திகைத்தனர் வடக்கு மேசிடோமியா வீரர்கள். பலம் வாய்ந்த இத்தாலி அணியை வீழ்த்தி உலகக் கோப்பை விளையாட தகுதி பெறுவதற்கான இடத்துக்கு நெருங்கி வந்தபோதிலும், அதை அடையாமல் ஏமாற்றம் அடைந்தனர்.

முழு ஆட்ட நேர முடிவில் போர்ச்சுகல் 2-0 என்ற கோல் கணக்கில் அபார வெற்றி பெற்றதோடு, உலகக் கோப்பை தொடரில் விளையாடவும் தகுதி பெற்றது.

மற்றொரு ஆட்டத்தில் ஸ்வீடன் - போலாந்து அணிகள் பலப்பரிட்சை நடத்தின. இதில் ஸ்வீடன் வீரர்கள் ஆட்டத்தை தங்களது கட்டுப்பாட்டுக்குள் அதிகமாக வைத்திருந்தபோதிலும், போலாந்து வீரர்கள் அணிக்கு தேவையான கோல்களை எடுத்தனர்.

49, 72வது நிமிடங்களில் தலா ஒரு கோல் அடித்து, 2-0 என்ற கோல் கணக்கில் போலாந்து வெற்றி பெற்று உலகக் கோப்பை தொடரை விளையாடும் தகுதி பெற்ற மற்றொரு ஐரோப்பிய அணியாக மாறியுள்ளது.