MS Dhoni Cut-out: எம்.எஸ்.தோனிக்கு பிரமாண்ட கட்-அவுட்: ரசிகர்களின் வானளாவிய நேசம்
ஆந்திரப் பிரதேச மாநிலம், நந்திகாமா பகுதியைச் சேர்ந்த தோனி ரசிகர்கள் 77 அடி உயர கட்-அவுட்டை வைத்து கொண்டாட்டத்தில் ஈடுபட்டு வருகின்றனர்.
இந்திய கிரிக்கெட் அணியின் முன்னாள் கேப்டன் எம்.எஸ்.தோனியின் பிறந்த நாள் நாளை கொண்டாடப்படவுள்ள நிலையில், ஆந்திராவில் அவரது ரசிகர்கள் மிக பிரமாண்டமான கட்-அவுட் வைத்துள்ளனர்.
இந்த கட்-அவுட் 77 அடி உயரம் இருக்கிறது. இதுவரை எந்தவொரு கிரிக்கெட் வீரர்களுக்கும் இத்தனை உயர கட்-அவுட் வைக்கப்பட்டதில்லை என கூறப்படுகிறது.
இது தோனியின் மீதான அளவு கடந்த பாசத்தையே காட்டும் வகையில் அமைந்துள்ளது. இந்திய கிரிக்கெட் அணிக்கு உலகக் கோப்பை வென்று தந்த கேப்டன் எம்.எஸ்.தோனி. கிட்டத்தட்ட 1983க்கு பிறகு வெறும் கனவாகவே இருந்த உலகக் கோப்பையை சச்சினுக்கு சமர்ப்பித்தார் 'தல' தோனி.
டி20 உலகக் கோப்பையையும் ஐசிசி சாம்பியன் கோப்பையையும் இவரது தலைமையிலான இந்திய அணி வென்றது குறிப்பிடத்தக்கது.
இதுமட்டுமல்லாமல், ஐபிஎல் கிரிக்கெட்டில் சிஎஸ்கே அணியை வெற்றிகரமாக 5 முறை சாம்பியன் பட்டத்தை வென்று தந்திருக்கிறார் தோனி.
நாளை 42வது பிறந்த நாளைக் கொண்டாடுகிறார். இந்நிலையில், ஆந்திரப் பிரதேச மாநிலம், நந்திகாமா பகுதியைச் சேர்ந்த தோனி ரசிகர்கள் 77 அடி உயர கட்-அவுட்டை வைத்து கொண்டாட்டத்தில் ஈடுபட்டு வருகின்றனர்.
இந்தப் புகைப்படம் சமூக வலைத்தளங்களில் தற்போது வைரலாகி வருகிறது. அதில் சிஎஸ்கே ஜெர்ஸியை அவர் அணிந்திருப்பது போன்ற படம் உள்ளது.
இதனிடையே, ஐதராபாத் ரசிகர்கள் தனியாக ஒரு தோனி கட்-அவுட்டை வைத்துள்ளனர். 52 அடி உயர கட்-அவுட் புகைப்படத்தில் தோனி இந்திய ஜெர்சியை அணிந்து, கையில் பேட்டை உறுதியாகப் பிடித்திருப்பது போன்ற காட்சிகள் இடம்பெற்றுள்ளன.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்