Tiruppur Tamizhans: மழையால் தாமதம்.. முதலில் பேட்டிங் செய்த திருப்பூர் 173 ரன்கள் குவிப்பு
நிர்ணயிக்கப்பட்ட 20 ஓவர்களில் திருப்பூர் அணி ரன்களை சேர்த்தது.
ஐட்ரீம் திருப்பூர் தமிழன்ஸ், திண்டுக்கல் டிராகன்ஸ் ஆகிய அணிகளுக்கு இடையே 20வது லீக் ஆட்டம் சேலத்தில் இன்றிரவு தொடங்கியது.
7.15 மணிக்கு தொடங்க வேண்டிய ஆட்டம், மழை காரணமாக கால தாமதமாக தொடங்கியது.
டாஸ் வென்ற திண்டுக்கல் டிராகன்ஸ் அணி, பவுலிங்கைத் தேர்வு செய்தது.
இதையடுத்து திருப்பூர் அணி முதலில் விளையாடியது.
தொடக்க வீரராக எஸ்.ராதாகிருஷ்ணன் களம் புகுந்தார் அவர் 10 ரன்கள் எடுத்தபோது பூபதி குமாரிடம் கேட்ச் கொடுத்து ஆட்டமிழந்தார்.
மற்றொரு ஓபனர் துஷார் ரஹேஜா 22 பந்துகளில் 30 ரன்கள் விளாசினார்.
எனினும் 8வது ஓவரில் அவர் ரன் அவுட்டானார். சாய் கிஷோர் அதிரடியாக விளையாடி 35 பந்துகளில் 45 ரன்களை விளாசி ஆட்டமிழந்தார். அவர் மொத்தம் 3 சிக்ஸர்களையும் 4 பவுண்டரிகளையும் பறக்க விட்டார்.
இவ்வாறாக அந்த அணி 20 ஓவர்களில் 5 விக்கெட் இழப்புக்கு 173 ரன்களை எடுத்தது. 174 ரன்கள் எடுத்தால் வெற்றி என்ற இலக்குடன் திண்டுக்கல் தமிழன்ஸ் விளையாடவுள்ளது.
திருப்பூர் தமிழன்ஸ் அணி, 4 ஆட்டங்களில் விளையாடி 2 இல் வெற்றி பெற்றும் 2 இல் தோல்வி அடைந்தும் இருக்கிறது.
லைக்கா கோவை கிங்ஸ், சேப்பாக் சூப்பர் கில்லீஸ் ஆகிய அணிகளிடம் தோல்வியும், நெல்லை ராயல் கிங்ஸ், பால்சி திருச்சி ஆகிய அணிகளிடம் வெற்றியும் பெற்றது திருப்பூர் தமிழன்ஸ்.
ரவிச்சந்திரன் அஸ்வின் தலைமையிலான திண்டுக்கல் டிராகன்ஸ் அணி, தொடர்ச்சியாக 3 ஆட்டங்களில் ஜெயித்து அசத்தியது.
முந்தைய ஆட்டத்தில் லைக்கா கோவை கிங்ஸ் அணியிடம் திண்டுக்கல் டிராகன்ஸ் சரணடைந்தது.
இன்றைய ஆட்டத்தில் ஜெயிக்க வேண்டும் என்ற எண்ணத்துடன் இரு அணிகளும் விளையாடும் என்பதால் ஆட்டத்தில் பரபரப்பு பஞ்சம் இருக்காது.
திண்டுக்கல் டிராகன்ஸ் அணியில் ஷிவம் சிங், சரத்குமார், ஆதித்ய கணேஷ், பாபா இந்திரஜித் ஆகிய பேட்ஸ்மேன்கள் நல்ல ஃபார்மில் உள்ளனர்.
பந்துவீச்சில் வருண் சக்கரவர்த்தி, அஸ்வின், மதிவானன், சரவண குமார், சுபோத் பதி ஆகியோர் பக்க பலமாக இருக்கின்றனர்.
திருப்பூர் தமிழன்ஸ் அணியில் சாய் கிஷோர், விஜய் சங்கர், எஸ்.ராதாகிருஷ்ணன் ஆகியோர் பேட்டிங்கிலும் புவனேஸ்வரன், பெரியசாமி ஆகியோர் பவுலிங்கிலும் நல்ல பவுலிங்கில் திறனுடன் உள்ளனர்.
ஐடிரீம் திருப்பூர் தமிழன்
எஸ்.ராதாகிருஷ்ணன், துஷார் ரஹேஜா (விக்கெட் கீப்பர்), பாலசந்தர் அனிருத், ராஜேந்திரன் விவேக், என்.எஸ்.சதுர்வேத் (கேப்டன்), விஜய் சங்கர், ரவிஸ்ரீநிவாசன் சாய் கிஷோர், எஸ்.அஜித் ராம், அல்லிராஜ் கருப்பசாமி, பி.புவனேஸ்வரன், எஸ்.கணேஷ்.
திண்டுக்கல் டிராகன்ஸ்
ஷிவம் சிங், பாபா இந்திரஜித்(விக்கெட் கீப்பர்), பூபதி குமார், ரவிச்சந்திரன் அஸ்வின்(கேப்டன்), ஆதித்யா கணேஷ், சி.சரத்குமார், சுபோத் பாட்டி, எம்.மதிவண்ணன், பி.சரவணகுமார், வி.பி.திரான், வருண் சக்கரவர்த்தி.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்