Ruturaj : சிஎஸ்கே வீரர் நெகிழ்ச்சி; சென்னை மக்கள் மகிழ்ச்சி – வைரலாகும் ருத்துராஜ் நிச்சய புகைப்படங்கள்
Ruturaj : சென்னை மக்கள் மற்றும் சிஎஸ்கே அணி எனக்கு அளித்த வாழ்க்கைக்காக மகாராஷ்ட்ரா முறைப்படி நடக்க வேண்டிய எங்கள் திருமண நிச்சயதார்த்தம், தென்னிந்திய பாரம்பரிய முறைப்படி நடக்க வேண்டும் என எனது மனைவி உத்கர்ஷாதான் முடிவு செய்தார் என சிஎஸ்கே வீரர் ருதுராஜ் நெகிழ்ச்சியாக பதிவிட்டுள்ளார்.
சென்னை அணியின் நட்சத்திர பேட்ஸ்மேன் ருதுராஜ் தனது நிச்சயதார்த்தத்தை சென்னை மக்களுக்காக செய்ய விரும்பினார். உட்கர்ஷாவும் கிரிக்கெட் வீரர்தான். மஹாராஷ்ட்ராவைச் சேர்ந்தவர். உள்ளூர் கிரிக்கெட்டில் அவர் மாநில அணிக்கு தலைமை வகித்துள்ளார்.
ருதுராஜீக்கு இந்த மாதத்தின் துவக்கத்தில் உத்கர்ஷாவுடன் திருமணம் நடைபெற்றது. அண்மையில் நடந்த அவரது திருமண புகைப்படங்களும் வைரலானது. தற்போது அவர்கள் வெளியிட்டுள்ள நிச்சயதார்த்த புகைப்படங்களும் வைரலாகி வருகிறது.
தென்னிந்திய பாரம்பரிய உடையான வேட்டி, புடவையில் அவர்களின் நிச்சயதார்த்த புகைப்படங்கள் சமூக வலைதளங்களில் வைரலாகி வருகிறது. குறிப்பாக அவர் சென்னை மக்களுக்கு எழுதியுள்ள நெகிழ்ச்சி பதிவால் தமிழ் மக்கள் மகிழ்ச்சியடைந்துள்ளனர்.
அந்தப்பதிவில் அவர் குறிப்பிட்டுள்ளது என்னவென்றால்
உத்கர்ஷா எனது வாழ்வின் முக்கியமான அங்கம். எனது வாழ்வு துவங்கியது முதல் எனது வாழ்வின் முக்கிய அம்சங்களை தெரிந்து வைத்துள்ளார்.
சென்னை மக்கள் மற்றும் சிஎஸ்கே அணி எனக்கு அளித்த வாழ்க்கைக்காக மகாராஷ்ட்ரா முறைப்படி நடக்க வேண்டிய எங்கள் திருமண நிச்சயதார்த்தம், தென்னிந்திய பாரம்பரிய முறைப்படி நடக்க வேண்டும் என எனது மனைவி உத்கர்ஷாதான் முடிவு செய்தார். ஏனெனில் சென்னை நகரம் மற்றும் சென்னை சூப்பர் கிங்ஸ் எனது வாழ்க்கைக்கு என்ன செய்துள்ளது என்பதை அவர் அறிந்துள்ளார் என சிஎஸ்கே வீரர் ருதுராஜ் நெகிழ்ச்சியாக பதிவிட்டுள்ளார். உண்மையில் அது மிக சிறப்பாக எங்களுக்கு அமைந்தது என்று குறிப்பிட்டு ஐ லவ் யூ – நான் உன்னை காதலிக்கிறேன் உத்கர்ஷா என்று முடித்துள்ளார்.
ருதுராஜ் அதில் வெளியிட்டுள்ள புகைப்படங்களில் தென்னிந்திய பாரம்பரிய உடையான வேஷ்டி மற்றும் சேலை அணிந்து தம்பதிகள் உள்ளனர். தென்னிந்திய பாரம்பரிய முறைப்படி நடந்த அந்த நிச்சயதார்த்தத்தில் மணமக்கள் அழகழகான க்யூட் லவ் போஸ்கள் கொடுத்துள்ளனர்.
ருதுராஜ் கெய்க்வாட் - உத்கர்ஷா பவார் தம்பதி எல்லா வளமும், நலமும் பெற்று வாழ மக்கள் தங்கள் வாழ்த்துக்களை அந்தப்பதிவில் தெரிவித்துள்னர். மேலும் இந்தாண்டு டெஸ்ட் மேட்சிலும் உங்களுக்க வாய்ப்பு கிடைக்கும். புது மாப்பிள்ளைக்கு வாழ்த்துக்கள், சென்னை பாசத்துல என்ன மிஞ்சிட்டய்யா என்ற வடிவேலு பாணியிலான கமென்ட்களையும் சென்னை மக்கள் இட்டு வருகிறார்கள்.
தற்போது சமூக வலைதளங்களில் வைரலாகி வரும் அவரது நிச்சயதார்தத புகைப்படங்களை புகைப்பட கேலரியில் பார்க்கலாம்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்