WTC Final: கில்கிறிஸ்ட்டுடன் டிராவிஸ் ஹெட்டை ஒப்பிட்ட ஆஸி., முன்னாள் கேப்டன்

டாஸ் வென்ற இந்திய அணி, முதலில் பவுலிங்கை தேர்வு செய்தது. அதன்படி முதல் நாளில் முதல் இன்னிங்ஸை தொடங்கி விளையாடி வருகிறது.

முதல் நாள் ஆட்ட நேர முடிவில், 85 ஓவர்களில் 3 விக்கெட் இழப்புக்கு 327 ரன்களை குவித்துள்ளது ஆஸி.,

உஸ்மான் கவாஜா டக் அவுட்டானாலும், டேவிட் வார்னர் 43 ரன்களை விளாசினார். பின்னர் அவரும் ஆட்டமிழக்க, லபுஸ்சேன் 26 ரன்களில் நடையைக் கட்டினார்.

ஸ்டீவ் ஸ்மித், டிராவிஸ் ஹெட் நிதானமாக விளையாடி வருகின்றனர். டிராவிஸ் ஹெட் 156 பந்துகளில் 146 ரன்களை விளாசினார். ஸ்டீவ் ஸ்மித் 95 ரன்கள் எடுத்தார்.

இந்நிலையில், டிராவிஸ் ஹெட்டை ஆல்-டைம் கிரேட் ஆடம் கில்கிறிஸ்டுடன் ஆஸி., முன்னாள் கேப்டன் ரிக்கி பாண்டிங் ஒப்பிட்டு பேசினார்.

இதுகுறித்து அவர் கூறியதாவது:

கில்கிறிஸ்ட்டை போன்று விளையாடுகிறார் டிராவிஸ் ஹெட். உண்மையில் அவரை விட வேகமாக ரன் விளாசுகிறார் என்றே கூற வேண்டும். உலக டெஸ்ட் சாம்பியன்ஷிப் தகுதிச்சுற்றில் டிராவிஸ் ஹெட்டின் ஸ்டிரைக் ரேட் 81. இது உலகில் வேறு எந்த வீரரை காட்டிலும் அதிக ஸ்டிரைக் ரேட் ஆகும். அவர் 500 ரன்களுக்கும் மேல் எடுத்துள்ளார்.

டிராவிஸ் ஹெட்டின் நம்பிக்கை அதிகரித்து வருகிறது. அவருடைய ஸ்டிரைக் ரேட்டும் கூடிக் கொண்டே செல்கிறது. அவர் ஆரம்ப கட்டத்திலேயே பவுண்டரிகளை விளாசத் தொடங்குகிறார். மிடில் ஆர்டர் பேட்ஸ்மேன்கள் என்ன செய்ய வேண்டுமோ அதை செய்கிறார்.

கடந்த சில ஆண்டுகளாகவே அவருடைய ஆட்டத்திறன் அபாரமாக இருக்கிறது. இந்திய பந்துவீச்சாளர் லென்த்தில் கோட்டைவிட்டனர். இதனால் தான் டிராவிஸ் ஹெட் பொளந்துகட்டுகிறார். இரண்டாவது இன்னிங்ஸில் இந்திய பவுலர்கள் தங்களது யுக்திகளை மாற்றுவார்கள் என்றே எதிர்பார்க்கலாம் என்றார் ரிக்கி பாண்டிங்.

ஆஸி., முன்னாள் வீரர் கில்கிறிஸ்ட்டின் டெஸ்ட் ஸ்டிரைக் ரேட் 81.95 ஆகும்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil