Sunil Chhetri: ஆசிய விளையாட்டுப் போட்டி-சுனில் சேத்ரி உள்பட 22 பேர் கொண்ட அணி அறிவிப்பு

வரவிருக்கும் ஆசிய விளையாட்டுப் போட்டிகளுக்கான 22 பேர் கொண்ட இந்திய ஆடவர் கால்பந்து அணியில் சுனில் சேத்ரி, மூத்த டிஃபென்டர் சந்தேஷ் ஜிங்கன் மற்றும் கோல்கீப்பர் குர்பிரீத் சிங் சந்து ஆகியோர் செவ்வாய்க்கிழமை சேர்க்கப்பட்டனர்.

1998-ம் ஆண்டு குரோஷிய உலகக் கோப்பை அரையிறுதி ஆட்டக்காரர் ஸ்டிமாக் பயிற்சியளித்த நிலையில், சுனில் சேத்ரி தலைமையிலான அணியை ஆசிய விளையாட்டுப் போட்டிக்கு அனுப்புவதில் அகில இந்திய கால்பந்து சம்மேளனம் (ஏஐஎஃப்எஃப்) தீவிரம் காட்டியது.

இந்திய அணி ஆசிய விளையாட்டு ஏற்பாட்டாளர்கள் மற்றும் ஆசிய ஒலிம்பிக் கவுன்சிலின் ஒப்புதலைப் பெற்றுள்ளதாகத் தெரிகிறது.

கண்டத்தில் முதல் 8 இடங்களில் உள்ள அணிகளை அனுப்புவதற்கான விளையாட்டு அமைச்சகத்தின் அளவுகோல்களின்படி, ஹாங்சோ ஒலிம்பிக்கில் இந்திய ஆண்கள் மற்றும் பெண்கள் கால்பந்து அணிகள் பங்கேற்பது முன்னதாக சந்தேகமாக இருந்தது.

ஏ.ஐ.எஃப்.எஃப் இன் மேல்முறையீட்டைத் தொடர்ந்து விதிமுறைகளை தளர்த்துவதன் மூலம் அமைச்சகம் பின்னர் இரு அணிகளுக்கும் ஒப்புதல் அளித்தது. தலைமை பயிற்சியாளர் ஸ்டிமாக் இந்த விவகாரத்தில் பிரதமர் நரேந்திர மோடி தலையிட வேண்டும் என்று கோரியிருந்தார்.

ஆசிய விளையாட்டுப் போட்டியின் கால்பந்து போட்டி 23 வயதுக்குட்பட்டோருக்கானது. ஆனால் இந்த எடிஷனை நடத்துவதில் ஒரு ஆண்டு தாமதம் காரணமாக, 24 வயதுடையவர்கள் பங்கேற்க ஏற்பாட்டாளர்கள் அனுமதித்துள்ளனர். வீரர்களின் பிறந்த தேதி ஜனவரி 1, 1999 ஆக நிர்ணயிக்கப்பட்டுள்ளது.

2018-ம் ஆண்டு ஜகார்த்தாவில் நடந்த ஆசிய விளையாட்டுப் போட்டியில் பங்கேற்காத தேசிய கால்பந்து அணி மீண்டும் ஆசிய விளையாட்டுப் போட்டிக்குத் திரும்புகிறது.

அணி:

கோல்கீப்பர்கள்: குர்பிரீத் சிங் சந்து, குர்மீத் சிங், தீரஜ் சிங் மொய்ரங்கதேம்.

டிஃபென்டர்கள்: சந்தேஷ் ஜிங்கன், அன்வர் அலி, நரேந்தர் கெலாட், லால்சுங்னுங்கா, ஆகாஷ் மிஸ்ரா, ரோஷன் சிங், ஆஷிஷ் ராய்.

மிட்ஃபீல்டர்கள்: ஜீக்சன் சிங் தௌனோஜம், சுரேஷ் சிங் வாங்ஜாம், அபுயா ரால்டே, அமர்ஜித் சிங் கியாம், ராகுல் கேபி, நவ்ரம் மகேஷ் சிங்.

முன்களம்: சிவா சக்தி நாராயணன், ரஹீம் அலி, சுனில் சேத்ரி, அனிகேத் ஜாதவ், விக்ரம் பிரதாப் சிங், ரோஹித் தாணு.