Chess World Cup: இரண்டாவது போட்டியும் டிரா! டை பிரேக்கரில் மோத இருக்கும் பிரக்ஞானந்தா - கார்ல்சன்
உலகின் நம்பர் 1 வீரரும், ஐந்து முறை உலக சாம்பியனுமான நார்வே நாட்டின் மேக்னஸ் கார்ல்சனுக்கு கடும் சவால் விடுத்து வருகிறார் இந்தியாவின் இளம் கிராண்ட் மாஸ்டர் பிரக்ஞானந்தா. இருவருக்கும் இடையிலான இறுதிப்போட்டியின் இரண்டாவது சுற்றும் டிரா ஆகியுள்ளது.
உலகக் கோப்பை செஸ் இறுதிப்போட்டியில் உலகின் நம்பர் ஒன் வீரர் மேக்னஸ் கால்சன் - இந்தியாவின் இளம் கிராண்ட் மாஸ்ட்ர் பிரக்ஞானந்தா மோதினர். பரபரப்பாக நடைபெற்ற முதல் சுற்று போட்டி டிராவில் முடிந்தது.
இதைத்தொடர்ந்து இன்று மாலை 4.30 மணிக்கு இரண்டாவது சுற்று போட்டி இருவருக்கும் இடையே தொடங்கியது. இந்த போட்டியிலும் கடும் சவாலை அளிக்கும் விதமாக விளையாடினார் பிரக்ஞானந்தா. இதைத்தொடர்ந்து இன்று நடைபெற்று முடிந்திருக்கும் இரண்டாவது போட்டியும் டிரா ஆகியுள்ளார். 30 நகர்த்தலுக்கு பிறகு இந்த போட்டியானது டிரா ஆகியுள்ளது.
இரண்டு சுற்று போட்டிகளும் டிரா ஆகியிருக்கும் நிலையில் வெற்றியாளரை தீர்மானிக்க டை பிரேக்கர் தீர்மானிக்கும் டைபிரேக்கர் போட்டி இருவருக்கும் இடையே நடைபெறவுள்ளது. டைபிரக்கர் ஆட்டத்தில் இருவரும் அதிவேகமாக காய்களை நகர்த்த வேண்டும்.
கார்ல்சன் - பிரக்ஞானந்தா இடையிலான டை பிரேக்கர் போட்டி நாளை நடைபெறவுள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்