BWF World Championships 2023: உலக சாம்பியனை வீழ்த்திய இந்திய ஸ்டார் வீரர் பிரனாய் - அரையிறுதிக்கு தகுதி
இந்திய நட்சத்திர வீரரான எச்எஸ் பிரனாய், பிடபிள்யூஎஃப் உலக சாம்பியன்ஷிப் தொடரில் ஆண்கள் ஒற்றையர் பிரிவில் அரையிறுதிக்கு தகுதி பெற்றுள்ளார்
டென்மார்க்கில் நடைபெற்று வரும் 28வது பிடபிள்யூஎஃப் பேட்மிண்டன் தொடரில் ஆண்கள் ஒற்றையர் பிரிவு காலிறுதி ஆட்டம் இந்திய நட்சத்திர வீரர் எச்எஸ் பிரனாய் - டென்மார்க்கின் - விக்டர் ஆக்சல்சென் இடையே நடைபெற்றது. இந்த போட்டியில் முதல் சுற்றில் 21-13 என்ற கணக்கில் டென்மார்க் வீரர் விக்டர் ஆக்சல்சென் வெற்றி பெற்றார்.
இதைத்தொடர்ந்து நடைபெற்ற இரண்டாவது சுற்றில் விஸ்வரூம் எடுத்த பிரானாய் 21-15 என்ற கணக்கில் வெற்றி பெற்றார். பின்னர் வெற்றியாளாரை தீர்மானிக்கும் மூன்றாவது போட்டியில் தொடர்ந்து ஆதிக்கம் செலுத்திய பிரனாய் 21-16 என்ற செட் கணக்கில் வெற்றி பெற்றார்.
இந்த போட்டிக்கு முன்னர் நடைபெற்ற இரட்டையர் பிரிவு காலிறுதி போட்டியில் இந்தியாவின் சாத்விக் சாய்ராஜ் ராங்கிரெட்டி - சிராக் ஷெட்டி ஜோடி டென்மார்க் ஜோடியிடம் தோல்வியை தழுவி தொடரை விட்டு வெளியேறினார். இதையடுத்து நடைபெற்ற ஒற்றையர் பிரிவு ஆட்டத்தில் பிரனாய், டென்மார்க் வீரர் விக்டர் ஆக்சல்சென் வீழ்த்தி வெற்றி பெற்றார். விக்டர் ஆக்சல்சென் நடப்பு உலக சாம்பியனாக இருந்து வரும் நிலையில், அவரை வீழ்த்தி அரையிறுதிக்கு பிரனாய் நுழைந்திருப்பது சிறப்பு வாய்ந்த வெற்றியாக அமைந்துள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
டாபிக்ஸ்