Asia cup 2022: யுவராஜ் சாதனை முறியடிப்பு, தோனி சாதனை சமன் செய்த பாண்ட்யா!

அந்த ஆட்டத்தில் 17 பந்துகளில் 33 ரன்கள் எடுத்த பாண்ட்யா, பெளலிங்கின் போது 25 ரன்கள் மட்டும் விட்டுக்கொடுத்து 3 விக்கெட்டுகளை வீழ்த்தினார். இதன்மூலம் யுவராஜ் சிங் நிகழ்த்திய சாதனையை அவர் முறியடித்துள்ளார். டி20 போட்டிகளில் 30 ரன்களுக்கு மேல் எடுத்து 3 விக்கெட்டுகளையும் இந்திய அணியின் முன்னாள் ஆல்ரவுண்டரான யுவராஜ் சிங் இரண்டு முறை எடுத்திருந்தார்.

ஏற்கனவே இதே போல் 30 ரன்களும், 3 விக்கெட்டுகளும் இரண்டு முறை எடுத்து யுவராஜின் சாதனையை சமன் செய்திருந்த பாண்ட்யா, மூன்றாவது முறையாக பாகிஸ்தானுக்கு எதிரான போட்டியில் மீண்டும் நிகழ்த்தி அதனை முறியடித்துள்ளார்.

இதேபோல் டி20 போட்டிகளில் 16 முதல் 20 ஓவர் வரை அதிக சிக்ஸர்கள் விளாசிய இந்திய பேட்ஸ்மேன்களின் பட்டியலில் தோனி 34 சிக்ஸர்கள் விளாசி முதல் இடத்தில் உள்ளார். இதையடுத்து பாண்ட்யாவும் தற்போது 34 சிக்ஸர்கள் விளாசி தோனியின் சாதனையை சமன் செய்துள்ளார். இவர்களுக்கு அடுத்தபடியாக 31 சிக்ஸர்கள் விளாசி யுவராஜ் சிங் உள்ளார்.