PV Sindhu: ஆர்க்டிக் ஓபன் பேட்மிண்டன்-ஜப்பான் வீராங்கனையை 10வது முறையாக வீழ்த்தி பி.வி.சிந்து வெற்றித் தொடக்கம்

இரண்டு முறை ஒலிம்பிக் பதக்கம் வென்ற சிந்து, வான்டா எனர்ஜியா அரீனாவில் ஜப்பானிய வீராங்கனையை 21-13, 21-6 என்ற செட் கணக்கில் வீழ்த்தினார்.

19வது முறையாக நேருக்கு நேர் மோதிய பி.வி.சிந்து, நோசோமி ஒகுஹாராவை 10வது முறையாக தோற்கடித்தார். இரண்டு பேட்மிண்டன் வீராங்கனைகளும் இதற்கு முன்பு இரண்டு உலக சாம்பியன்ஷிப்களின் இறுதிப் போட்டியில் எதிர்கொண்டுள்ளனர், ஒவ்வொரு வீராங்கனையும் ஒரு முறை முதலிடம் பிடித்துள்ளனர்.

இந்திய பேட்மிண்டன் வீராங்கனை தொடக்கத்தில் பின்தங்கிய நிலையில் இருந்தார் மற்றும் ஆரம்ப சர்வ்களுக்குப் பிறகு 4-0 என பின்தங்கினார்.

இருப்பினும், பேட்மிண்டன் தரவரிசையில் 13வது இடத்தில் உள்ள பி.வி.சிந்து, பின்னர் 11-6 என்ற கணக்கில் உலகின் 29ம் நிலை வீரரான ஒகுஹாராவை கடந்து சென்றார். சிந்து தாக்குதல் ஆட்டத்தைத் தொடர்ந்தார் மற்றும் தொடக்க கேமை எளிதாக எடுத்தார்.

சிந்துவின் ஆக்ரோஷமான அணுகுமுறை இரண்டாவது கேமிலும் ஒகுஹாராவிடம் ஆதிக்கம் செலுத்த உதவியது. இடைவேளையின் போது அவர் 11-3 என முன்னிலை வகித்தார், பின்னர் போட்டியை முடித்து செய்து இரண்டாவது சுற்றுக்கு முன்னேறினார்.

மற்றொரு மகளிர் ஒற்றையர் பிரிவில், ஆகர்ஷி காஷ்யப் 18-21, 22-20, 21-18 என்ற செட் கணக்கில் பெல்ஜியத்தின் லியான் டானை தோற்கடித்தார். 41வது இடத்தில் உள்ள ஆகர்ஷி காஷ்யப், அடுத்த சுற்றில் உலகின் 11ம் நிலை வீராங்கனையான சீனாவின் வாங் ஷியை எதிர்கொள்கிறார்.

இதற்கிடையில், ஆடவர் ஒற்றையர் பிரிவில் ஹர்ஷித் அகர்வால் பிரதான சுற்றுக்கு வரவில்லை. அவர் 21-19, 21-12 என்ற செட் கணக்கில் பின்லாந்தின் ஜோகிம் ஓல்டார்ப்பிடம் தகுதிச் சுற்றில் தோல்வியடைந்தார்.

கலப்பு இரட்டையர் பிரிவில் இந்திய ஜோடியான கே சாய் பிரதீக் - தனிஷா க்ராஸ்டோ ஜோடி அடுத்த சுற்றுக்கு முன்னேறியது. தகுதிச் சுற்றில் டென்மார்க் ஜோடியான ஆண்ட்ரியாஸ் சோண்டர்கார்ட்-இபென் பெர்க்ஸ்டீனை 26-24, 21-18 என்ற கணக்கில் தோற்கடித்தனர்.

புதன்கிழமை, கிடாம்பி ஸ்ரீகாந்த் ஜெர்மனியின் மேக்ஸ் வெய்ஸ்கிர்சனை எதிர்த்து களமிறங்குவார். கிரண் ஜார்ஜ் மற்றும் மிதுன் மஞ்சுநாத் ஆகியோர் ஆடவர் ஒற்றையர் சவாலை தொடங்குவார்கள்.