நீ என்ன பண்ணுனாலும் நான் இருப்பேன்கிறது தான் காதல்.. நா.முத்துக்குமாரை இப்படி தான் நினைப்பேன்.. யுவன் சங்கர் ராஜா
- நீ என்ன பண்ணுனாலும் நான் இருப்பேன்கிறது தான் காதல் என்றும், நா.முத்துக்குமாரை இப்படி தான் நினைப்பேன் எனவும் இசையமைப்பாளர் யுவன் சங்கர் ராஜா பேட்டியளித்துள்ளார்.
- நீ என்ன பண்ணுனாலும் நான் இருப்பேன்கிறது தான் காதல் என்றும், நா.முத்துக்குமாரை இப்படி தான் நினைப்பேன் எனவும் இசையமைப்பாளர் யுவன் சங்கர் ராஜா பேட்டியளித்துள்ளார்.
(1 / 7)
நீ என்ன பண்ணுனாலும் நான் இருப்பேன்கிறது தான் காதல் என்றும், நா.முத்துக்குமாரை இப்படி தான் நினைப்பேன் எனவும் இசையமைப்பாளர் யுவன் சங்கர் ராஜா பேட்டியளித்துள்ளார். இதுதொடர்பாக கலாட்டா தமிழ் யூட்யூப் சேனலுக்கு இசையமைப்பாளர் யுவன் சங்கர் ராஜா அளித்த நேர்காணலில், ’’ஒரு நான்கு ஆண்டுகளாக எங்கோ போய்ட்டீங்க. என்ன செய்தீங்க?பதில்: '’எல்லோருக்கும் ஒரு தேடல் இருக்கும். என்னுடைய அம்மா இறந்திட்டாங்க. எனக்குத் தெரியும் அவங்க எங்கோயோ இருக்காங்கன்னு. ஆனாலும், அவங்களை மனது எங்கு இருக்காங்கன்னு தேடிட்டே இருக்கு. எனக்கு கனவுகள் மூலமாக அம்மா வந்திட்டே இருக்காங்க. இந்த ஒரு தேடலில் தான் நான் கடவுளை புரிந்து இருக்கேன். முதன்முறையாக கடவுளின் நினைப்பு உங்களுக்கு வருகிறது. அப்போது, நான் யாருடைய மனதை எல்லாம் காயப்படுத்தினேனோ, அதை நினைத்து என்னை மன்னித்துவிடுங்கள் என்று மனதார கடவுளிடம் மன்னிப்புக் கேட்கிறேன். இது என்னை அறியாமல் நடந்தது. இந்த தேடலில் எனக்கு கிடைச்சது. ஜென் மனநிலையில் இருக்கிறேன் எனச் சொல்கிறார்கள். இதெல்லாம் தான், அதற்கான காரணம்’’.
(2 / 7)
’’எல்லாத்துக்குமே அம்மாகிட்ட தான் போவேன். ஒருநாள் அவங்க இல்லை அப்படின்னு முடிவானதும், என்ன செய்றதுன்னு தெரியல. எனக்குத் தெரியும் எல்லோருக்கும் ஒரு காலாவதி ஆகும் நாள் பிறக்கும்போதே இருக்கும் என்று. அதை ஒவ்வொருவருஷமும் நாம் கடந்துட்டு வருகிறோம். அம்மா இறந்தவுடன் சிகரெட் குடிக்கவும், மது அருந்தவும் ஆரம்பிக்கிறேன். அதன்முன்பு, பார்ட்டி போய் இருக்கிறேன். ஆனால், சிகரெட், மது என்று எதையும் தொட்டதில்லை. ஒரு கட்டத்தில் இதெல்லாம் நமக்கு மேல் ஒருத்தன் எழுதிட்டான் அப்படின்னு புரியுது. இந்த பிராசஸ் எல்லாம் இஸ்லாமில் எனக்கு கிடைச்சது’’
(3 / 7)
அம்மாகிட்ட நீங்க பேசுறதுமாதிரி உணர்ந்து இருக்கீங்களா?பதில் - '’இஸ்லாம் என்ன சொல்லுது என்றால், நாம் எல்லோரும் மனிதர்கள். கடவுள் அதை முன்பே தீர்மானிச்சிட்டார் என்பதை புரிந்துகொண்டேன். அம்மாவை நான் மிஸ் செய்வேன். ஆனால், எங்க இருக்கீங்க அப்படின்னு அவங்களிடம் கேட்கமாட்டேன். என் சகோதரி இறப்பும் எனக்கு கஷ்டமானதுதான். பிரிவதைத் தருவது தான். அவங்களை நிறைய மிஸ் செய்கிறேன். ஆனால், அவர்கள் இல்லை என்பதை ஏற்றுக்கொண்டு தான் ஆகவேண்டும். எப்படி அம்மா உங்களுக்கு ஒவ்வொன்றாக சொல்லித்தந்தாங்களோ, அதைபோல், பிரபஞ்சத்தில் இருந்து கடவுள் நம்மை வழிநடத்துகிறார்’’.
(4 / 7)
நா. முத்துக்குமாரின் இழப்பு உங்களுக்கு ஏற்படுத்திய தாக்கம்?பதில்: '’நா. முத்துக்குமார் இறக்கிறதுக்கு முன்புகூட அமெரிக்காவில் இருந்து வந்திடுவேன். இரண்டுபேரும் ஒன்றாகசேர்ந்து சில பாடல்களை இறக்க திட்டமிட்டிருந்தோம். ஆனால், நான் வந்ததும் அவர் இறந்திட்டார். சமீபமாக ராம் கூட சேர்ந்து பேசும்போதுகூட, அவனை வரவைச்சு இந்நேரம் பாட்டை எழுதவைச்சு முடிச்சிருப்போம் அப்படின்னு சொல்வார். அப்படி தான், அவரை நினைச்சுக்குவோம்’’.
(5 / 7)
எல்லோரும் உங்களை மாதிரியான நினைப்பில் தான் வீட்டில் இருப்பாங்களா?பதில் - '’இல்லை. எல்லோருக்குமே அவங்க அவங்க நினைப்புன்னு இருக்கு. எல்லோருமே எல்லா நாளுமே ஒவ்வொன்றையும் கத்துக்கிறாங்க இல்லையா. என் மகள், அம்மா பிறந்த தேதியில் தான் பிறந்து இருக்காங்க. எல்லோரும் என் அம்மா தான் மீண்டும் மகளாக பிறந்திருக்கிறதா சொல்றாங்க. அப்போது நான் தேடுறேன். ஒரு நாளில் யதேச்சையாக குரான் படிக்கும்போது, ‘உங்களுக்குப் பிடித்த ஒன்றை எடுத்துட்டு, அதற்குமேலை ஒன்றை நான் தருவேன். அதை நீ தான் கண்டுபிடிச்சுக்குவ’ அப்படின்னு இருக்கு. அப்போது பிடிச்ச ஒன்றை நீங்க எடுத்துக்கிட்டீங்க. நீங்கள் தான் ஒன்றைத் தர்றீங்க. என்னைக்குத் தர்றீங்க. அம்மா உடைய பிறந்த நாள், பிறந்த நேரத்தில் ஒன்றைத் தர்றீங்க. இதுதான் அதற்கான பொருள்ன்னு புரிஞ்சுக்கிட்டேன்’’.
(6 / 7)
பெண் பிறந்ததுக்குப் பின், நீங்கள் உங்கள் அப்பாவிடம் பெறாததை எதை மகளுக்காகத் தருவீர்கள்?பதில் - எனது அப்பா எப்போதுமே பிஸியாகத் தான் இருப்பார். என் அம்மா தான் எப்போதுமே இருப்பாங்க. நான் சின்ன வயதில் ஏங்கியிருக்கேன். ஒரு தடவை ஸ்கூலில் வந்து டிராப் பண்ணுனாங்க. அதெல்லாம் நினைவு இருக்கு. நான் எங்கு பயணித்தாலும், எப்போது வருவீங்கன்னு மகள் கேட்பாங்க. நான் பொய்யே சொல்லமாட்டேன். நான் சரியாக கணக்குப் பண்ணி, இந்த தேதியில் வந்திடுவேன் அப்படின்னு சொல்வேன். அந்த தேதியில் போய் நிற்பேன். சில நேரம் அவள் கேட்பதை வாங்கித் தந்திடுவேன். யுவன் சங்கர் ராஜாவை பொறுத்தவரை காதல் என்பது என்ன?பதில் - காதல் என்பது ஒரு தாய் பிள்ளைக்குக் கொடுப்பதுபோல் இருக்கணும். கண்டிசன்போட்டு, ஒரு வட்டத்துக்குள் கொண்டுவர நினைத்தால் நிலைத்து நிற்காது. நீ என்ன பண்ணுனாலும் நான் இருப்பேன் அப்படிங்கிறது தான் லவ். அது ஒரு அன்கண்டிசனலாக இருக்கணும்.
(7 / 7)
‘’நீங்கள் நினைத்து ஃபீல் செய்த காதல் பாடல்கள்?பதில் - காதலின் தீபம் ஒன்று ஏற்றினாயே என் நெஞ்சில், காதல் ரோஜாவே, சஹாரா சாரல் தூவுதோ ஆகியப் பாடல்கள் பிடிக்கும். ரஹ்மான் சாரோட பையன் அமீன் எனக்கு குளோஸ். அடிக்கடி சந்திச்சுக்குவோம். ஜிவி கூட டின்னர் சாப்பிடப்போவேன்’ என இசையமைப்பாளர் யுவன் சங்கர் ராஜா கூறியுள்ளார்.
மற்ற கேலரிக்கள்