Union Budget 2024: மன்மோகன் சிங் ப.சிதம்பரத்தின் சாதனைகளை பின்னுக்கு தள்ளிய நிர்மலா சீதாராமன்

மத்திய நிதி அமைச்சர் நிர்மலா சீதா ராமன் இன்று 6ஆவது முறையாக மத்திய பட்ஜெட்டை தாக்கல் செய்துள்ளார்.

கடந்த 2019ம் ஆண்டு இரண்டாவது முறையாக மோடி அரசு மத்தியில் பதவியேற்ற போது நிதி அமைச்சராக நிர்மலா சீதாராமன் பதவியேற்றார். 

2019ம் ஆண்டு ஜூலை மாதம் தனது முதல் பட்ஜெட்டை அமைச்சர் நிர்மலா சீதா ராமன் தாக்கல் செய்தார்.

இந்நிலையில் இன்று தொடர்ந்து 6 ஆவது முறையாக பட்ஜெட் தாக்கல் செய்தார். தற்போது தாக்கல் செய்யப்பட்ட இடைக்கால மத்திய பட்ஜெட் என்பது குறிப்பிடத்தக்கது.

இந்நிலையில் இதற்கு முன்னாள் காங்கிரஸ் ஆட்சி காலத்தில் தொடர்ந்து 5 முறை பட்ஜெட் தாக்கல் செய்த ப.சிதம்பரம், முன்னாள் பிரதமர் மன்மோகன் சிங்கின் சாதனைகளை முறியடித்துள்ளார்.

5 ஆண்டு கால ஆட்சியில் தொடர்ந்து நிதியமைச்சராக இருந்து 6 முறை பட்ஜெட் தாக்கல் செய்த முதல் பெண் என்ற பெருமையை பெற்றுள்ளார்.

 டெல்லியில் கனமழை பெய்து வருகிறது, நடுங்கும் குளிர், கனமழை சூழலில் மத்திய பட்ஜெட் 2024 தாக்கல் செய்யப்பட்டது. 1959 முதல் 1964 வரை 6 முறை மத்திய பட்ஜெட்டுகளை தாக்கல் செய்த முன்னாள் பிரதமர் மொராஜி சேதாயின் சாதனையை நிர்மலா சீதாராமன் சமன் செய்துள்ளார்.