Sanju Samson: ‘எந்தா சாரே இது..’ அடுத்தடுத்து டக் அவுட் ஆன கேரள சேட்டன்! - சஞ்சுவை சட்னியாக்கும் ரசிகர்கள்!

இலங்கைக்கு சுற்றுப்பயணம் மேற்கொண்டிருக்கும் இந்திய அணி 3 டி20 மற்றும் ஒரு நாள் போட்டிகளில் விளையாடி வருகிறது.

கடந்த இரண்டு போட்டிகளில், இலங்கை அணியை வென்று இந்திய அணி தொடரில் 2-0 என்ற கணக்கில் முன்னிலையில் இருக்கிறது.

இன்றைய தினம் மூன்றாவது மற்றும் கடைசி டி20 போட்டியானது பல்லேகேலே மைதானத்தில்  நடைபெற்றது. 

இலங்கைக்கு எதிரான டி20 தொடரில் டாப் ஆர்டரில் விளையாட வாய்ப்பு வழங்கப்பட்ட போதும் தொடர்ச்சியாக 2 போட்டிகளில் பூஜ்ஜியம் ரன்னில் அவுட்டாகி வெளியேறியுள்ளார் சஞ்சு சாம்சன். இது ரசிகர்களை கோபத்திற்குள்ளாக்கியுள்ளது. 

அவ்வளவு திறமை கொண்ட ருதுராஜூக்கு இந்திய அணியில் இடம் கிடைக்காத நிலையில், தனக்கு கிடைத்த வாய்ப்பை வீண்டித்து விட்டதாக ரசிகர்கள் கொந்தளித்து வருகின்றனர். 

உங்களுக்கான வாய்ப்பை நீங்களே கெடுத்துக்கொண்டீர்கள் என்று விமர்சனம் செய்து வரும் நெட்டிசன்கள், இனி உங்களை டி 20 வடிவிலான கிரிக்கெட்டில் பார்ப்பதும் கடினம் என்று விமர்சனம் செய்து வருகின்றனர்.