World Brain Tumour Day 2024: நரம்பியல் குறைபாடுகளை தடுக்கும் வழிகள்!உலக மூளை கட்டி தினம் 2024 கருபொருள் என்ன?
உலக மூளை கட்டி தினம் இந்த ஆண்டு கருபொருள் ஆக மூளை ஆரோக்கியம் மற்றும் தடுப்பு உள்ளது. லக மூளைக் கட்டி தினம், இந்த கொடிய நோயை பற்றி மக்களுக்கு கற்பிக்க உதவும் இந்த நாள் நரம்பியல் அறிகுறிகள் மற்றும் குறைபாடுகளைத் தடுக்க உதவுகிறது.
மூளையை மிகவும் பலவீனப்படுத்தும் நோயாக மூளைக் கட்டி நோய் உள்ளது. ஆங்கிலத்தில் பிரெயின் ட்யூமர் என்று அழைக்கப்படும் இந்த நோய், மூளையின் செயல்பாட்டை சீர்குலைத்து, நடப்பதில் சிரமம், குறுகிய கால நினைவாற்றல் இழப்பு அல்லது கவனம் செலுத்துவதில் சிக்கல்கள் உள்ளிட்ட பல நரம்பியல் பிரச்னைகள் மற்றும் குறைபாடுகளை ஏற்படுத்தும்.
இந்த நோய் பாதிப்பு மூளை அல்லது அதன் உறையில் உள்ள திசுக்களின் அசாதாரண வளர்ச்சியாகும். மேலும் இது புற்றுநோயாகவோ அல்லது புற்றுநோயாக இல்லாமலோ இருக்கலாம். இந்த நோய் பாதிப்பை கண்டறிந்த பிறகு உடனடியாக சிகிச்சையளிக்கப்படாவிட்டால், மரணத்துக் வழிவகுக்கும். புற்றுநோய் கட்டிகளுக்கு உடனடி சிகிச்சை தேவைப்படும். இவை புற்றுநோய் அல்லாதவற்றை விட வேகமாக வளரும்.
மூளைக் கட்டியின் அறிகுறிகள் அவற்றின் இருப்பிடத்தைப் பொறுத்து வேறுபடலாம். மூளையின் குறைந்த செயல்பாட்டில் உள்ள பகுதிகளில் கட்டி உருவாகினால், கட்டி மிகப் பெரியதாக வளரும் வரை அறிகுறிகளை காட்டாது.