Malaysia: ‘அப்றம் என்ன மலேசியாவுக்கு டிக்கெட் புக் பண்ணுங்க..’-டிச. 1 முதல் விசா தேவையில்லை!

பிரதமர் அன்வார் ஞாயிற்றுக்கிழமை தனது மக்கள் நீதிக் கட்சி மாநாட்டில் ஓர் உரையின் போது இந்த அறிவிப்பை வெளியிட்டார், விசா விலக்கு எவ்வளவு காலத்திற்கு பொருந்தும் என்று அவர் கூறவில்லை.

விசா தேவையில்லை என்றாலும், மலேசியாவிற்கு வருகை தரும் இந்திய பிரஜைகளுக்கு பாதுகாப்பு சோதனை வழக்கம்போல் இருக்கும் என அறிவிக்கப்பட்டுள்ளது.

குறிப்பாக இந்தியா மற்றும் சீனாவிலிருந்து வரும் சுற்றுலாப் பயணிகள் மற்றும் முதலீட்டாளர்களின் வருகையை மேலும் ஊக்குவிக்கும் வகையில், வரும் ஆண்டில் விசா வசதிகளை மேம்படுத்தும் திட்டங்களை பிரதமர் இப்ராஹிம் முன்பு வெளிப்படுத்தியிருந்தார்.

விசா செயல்முறையை எளிதாக்குவதன் மூலம், அதிக சுற்றுலாப் பயணிகளை ஈர்க்கவும், நாட்டிற்குள் அவர்களின் செலவினங்களை அதிகரிக்கவும் முடியும், அதன் மூலம் மலேசியாவின் பொருளாதார வளர்ச்சிக்கு பங்களிக்க முடியும் என்று அந்நாட்டு அரசாங்கம் நம்புகிறது.

சீனாவும் இந்தியாவும் முறையே மலேசியாவின் நான்காவது மற்றும் ஐந்தாவது பெரிய மூலச் சந்தைகளாகும்.

அரசாங்கத் தரவுகளின்படி, இந்த ஆண்டு ஜனவரி மற்றும் ஜூன் மாதங்களுக்கு இடையில் மலேசியா 9.16 மில்லியன் சுற்றுலாப் பயணிகளின் வருகையைப் பதிவு செய்துள்ளது, சீனாவிலிருந்து 498,540 மற்றும் இந்தியாவில் இருந்து 283,885 பேர் மலேசியாவுக்கு சுற்றுலா சென்றதாக அந்த தரவுகள் தெரிவிக்கின்றன. இது தொற்றுநோய்க்கு முந்தைய 2019 ஆம் ஆண்டின் இதே காலகட்டத்தில் சீனாவிலிருந்து 1.5 மில்லியன் மற்றும் இந்தியாவில் இருந்து 354,486 வருகையுடன் ஒப்பிடப்பட்டது.

இலங்கை, வியட்நாம் மற்றும் தாய்லாந்தைத் தொடர்ந்து இந்திய சுற்றுலாப் பயணிகளுக்கு விசா இல்லாத நுழைவு அனுமதியை வெளியிடும் நான்காவது நாடாக மலேசியா மாறியுள்ளது.

நவம்பர் 10 முதல், தாய்லாந்து அரசு இந்தியர்களுக்கான விசா தேவையை நீக்கியது, 30 நாட்கள் வரை தங்குவதற்கு தாய்லாந்து அனுமதி வழங்குகிறது. தாய்லாந்து அரசாங்கம் சுட்டிக்காட்டியுள்ளபடி, தேவையின் அடிப்படையில் விசாவை நீட்டிக்கப்படுவதற்கான சாத்தியக்கூறுடன், இந்தக் கொள்கை அடுத்த ஆண்டு மே 10 வரை நடைமுறையில் இருக்கும்.

இந்தியா, சீனா மற்றும் ரஷ்யா உட்பட ஏழு நாடுகளைச் சேர்ந்தவர்களுக்கு விசா இல்லாத நுழைவு முயற்சியை இலங்கையும் ஏற்றுக்கொண்டது. முன்னோடித் திட்டமாகத் தொடங்கப்பட்ட இந்த முயற்சி உடனடியாக அமலுக்கு வந்தது. மார்ச் 31, 2024 வரை இலங்கை விசா இல்லாமல் இந்தியர்களை அனுமதிக்க முடிவு செய்தது குறிப்பிடத்தக்கது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.