Tunnel Collapse: உத்தரகாண்ட் சுரங்கப்பாதை சரிவு: விரிசல் சத்தம் காரணமாக மீட்புப் பணிகள் நிறுத்தம்

உத்தரகாண்ட் அரசு நடத்தும் தேசிய நெடுஞ்சாலைகள் மற்றும் உள்கட்டமைப்பு மேம்பாட்டுக் கழகம் (NHIDCL) துளையிடும் இயந்திரத்தை மீண்டும் இயக்க  முயற்சித்தபோது "பெரிய அளவிலான விரிசல் ஒலி" கேட்டது. இந்த ஒலி சுரங்கப்பாதையில் ஒரு பீதி சூழ்நிலையை உருவாக்கியது. இதையடுத்து பணிகள் கைவிடப்பட்டன. இது போன்ற ஒலிகள் முன்னரே வந்துள்ளது. 

இந்நிலையில், இதுகுறித்து ஆய்வு செய்த வல்லுநர் குழு சரிவதற்கான வலுவான சாத்தியக்கூறுகள் இருப்பதாகத் தெரிவித்துள்ளது. இந்நிலையில் மீட்பு முயற்சி குறித்து விவாதிக்க ஒரு கூட்டத்திற்கு அழைப்பு விடுக்கப்பட்டுள்ளது.

உத்தர்காசி சுரங்கப்பாதை சரிவு: மீட்பு நடவடிக்கை குறித்த தகவல்கள்: 

1) இந்திய விமானப்படையின் C-17 போக்குவரத்து விமானம் கிட்டத்தட்ட 22 டன் முக்கியமான உபகரணங்களை இந்தூரில் இருந்து டேராடூனுக்கு ஏற்றிச் செல்ல அனுப்பப்பட்டுள்ளது என்று அதிகாரிகள் வெள்ளிக்கிழமை தெரிவித்தனர்.

2) நவம்பர் 17 வரை சில்க்யாரா சுரங்கப்பாதையில் 24 மீட்டர் வரை இடிபாடுகளை துளையிட்டு, ஐந்து நாட்களாக உள்ளே சிக்கியிருந்த 40 தொழிலாளர்களை நெருங்கிவிட்டனர், மீட்புப் பணியாளர்கள்.

3) சிக்கிய தொழிலாளர்கள் ஒளி, ஆக்ஸிஜன், உணவு, தண்ணீர் மற்றும் மருந்துகளை குழாய் வழியாகப் பெறுகிறார்கள். மேலும் அவர்களிடம் வாக்கி-டாக்கி மூலம் பேச்சுவார்த்தை நடைபெற்று வருகிறது. இதனால், அவர்களது குடும்பத்தினர் ஆவலுடன் காத்திருக்கின்றனர்.

4) உத்தர்காசியில் கட்டுமானப் பணியின் கீழ் உள்ள சுரங்கப்பாதை இடிந்து விழுந்ததில் சிக்கியவர்களிடம், மாநிலத்தைச் சேர்ந்த தொழிலாளர்களிடம் ஒடிசா அரசின் தொழிலாளர் துறை அதிகாரி ஒருவர் பேசியுள்ளார். அங்கு சிக்கிய 40 தொழிலாளர்களில் ஒடிசாவைச் சேர்ந்த 5 தொழிலாளர்கள் உள்ளனர்.

5) தொழிலாளர் துறை வெளியிட்ட அறிக்கையில், தொழிலாளர்களை பாதுகாப்பாக மீட்பதற்காக உள்ளூர் நிர்வாகம் மற்றும் லைன் ஏஜென்சிகளை ஒருங்கிணைக்க இரண்டு அதிகாரிகள் உத்தர்காசிக்கு அனுப்பப்பட்டுள்ளனர்.

6) ஒடிசாவைச் சேர்ந்த தொழிலாளர்கள் நாபரங்பூரைச் சேர்ந்த தபன் மண்டல் மற்றும் பாக்பன் பத்ரா என்றும், மயூர்பஞ்ச் மாவட்டத்தைச் சேர்ந்த பிசேஷ்வர் நாயக், திரேன் மற்றும் ராஜு நாயக் என்றும் அடையாளம் காணப்பட்டுள்ளனர்.

7) மீட்புப் பணிக்காக, இடிபாடுகளுக்குள் இயந்திரம் துளையிடும்போது, ஆறு மீட்டர் அளவிலான எஃகுக் குழாய்களை ஒன்றன் பின் ஒன்றாகச் செருகுவது திட்டம். ஒவ்வொரு குழாயும் 800 மி.மீ முதல் 900 மி.மீ.வரை விட்டம் கொண்டது. நவம்பர் 17 முதல் மதியம் ஐந்தாவது குழாய் பதிக்கப்பட்டது.

8) சிக்கிய தொழிலாளர்களின் உறவினர்கள் மற்றும் அவர்களது சொந்த மாநிலங்களில் இருந்து அதிகாரிகள் மீட்பு இடத்திற்கு வந்து, இடிபாடுகள் வழியாக செல்லும் குழாய் மூலம் அவர்களுடன் பேச அனுமதித்தனர்.

9) அமெரிக்க ஆஜர் இயந்திரம் நவம்பர் 15 முதல் டெல்லியில் இருந்து விமானப்படையின் சூப்பர் ஹெர்குலஸ் விமானங்களில் தனித்தனி பகுதிகளாக வந்திறங்கியது. 45 மீட்டர் வரை மட்டுமே இடிபாடுகளை ஊடுருவிச் செல்லும் திறன் கொண்டதாக இருந்ததால், முந்தைய துளையிடும் கருவிக்குப் பதிலாக இது மாற்றியமைக்கப்பட்டது என்று மீட்பு நடவடிக்கையில் ஈடுபட்டிருந்த நிபுணர் ஆதேஷ் ஜெயின் கூறினார்.

10) தேசிய பேரிடர் மீட்புப் படை, மாநில பேரிடர் மீட்புப் படை, எல்லைச் சாலைகள் அமைப்பு மற்றும் இந்தோ-திபெத்திய எல்லைக் காவல், மாநில அவசர நடவடிக்கை மையம் உள்ளிட்ட பல்வேறு அமைப்புகளைச் சேர்ந்த 165 பணியாளர்களால் 24 மணி நேரமும் மீட்புப் பணிகள் மேற்கொள்ளப்பட்டு வருகின்றன எனக் கூறினார்

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews  

https://www.youtube.com/@httamil 

Google News: https://bit.ly/3onGqm9  

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், ஆன்மிகம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.