Arvind Kejriwal: மதுபான கொள்கை முறைகேடு வழக்கில் கெஜ்ரிவாலுக்கு இடைக்கால ஜாமீன்! முதல்வராக தொடர்வது குறித்தும் உத்தரவு
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  தேசம் மற்றும் உலகம்  /  Arvind Kejriwal: மதுபான கொள்கை முறைகேடு வழக்கில் கெஜ்ரிவாலுக்கு இடைக்கால ஜாமீன்! முதல்வராக தொடர்வது குறித்தும் உத்தரவு

Arvind Kejriwal: மதுபான கொள்கை முறைகேடு வழக்கில் கெஜ்ரிவாலுக்கு இடைக்கால ஜாமீன்! முதல்வராக தொடர்வது குறித்தும் உத்தரவு

Muthu Vinayagam Kosalairaman HT Tamil Published Jul 12, 2024 12:41 PM IST
Muthu Vinayagam Kosalairaman HT Tamil
Published Jul 12, 2024 12:41 PM IST

அரவிந்த் கெஜ்ரிவாலுக்கு இடைக்கால ஜாமீன் வழங்கிய உச்ச நீதிமன்றம், அமலாக்கத்துறை கைது தொடர்பான சட்ட கேள்விகளை பெரிய அமர்வுக்கு மாற்றியது. அவர் முதல்வராக தொடர்வது குறித்தும் உத்தரவு பிறபிக்கப்பட்டுள்ளது.

மதுபான கொள்கை முறைகேடு வழக்கில் கெஜ்ரிவாலுக்கு இடைக்கால ஜாமீன்
மதுபான கொள்கை முறைகேடு வழக்கில் கெஜ்ரிவாலுக்கு இடைக்கால ஜாமீன் (HT_PRINT)
Share on Whatsappஎங்களை பின் தொடரலாம்
  • Share on Twitter
  • Share on Facebook

கலால் கொள்கை ஊழல் வழக்கில், அமலாக்கத்துறை தொடர்ந்த பண மோசடி வழக்கில், டெல்லி முதலமைச்சர் அரவிந்த் கெஜ்ரிவாலுக்கு, உச்ச நீதிமன்றம் இடைக்கால ஜாமீன் வழங்கியது.

முதலமைச்சராக தொடர வேண்டுமா என்பதை கெஜ்ரிவால் தான் முடிவு செய்ய வேண்டும் என்று உச்ச நீதிமன்றம் கூறியுள்ளது.

இடைக்கால ஜாமீன்

இந்த மனுவை நீதிபதிகள் சஞ்சீவ் கன்னா, திபாங்கர் தத்தா அமர்வு விசாரித்தது. இந்த வழக்கில் கெஜ்ரிவால் சார்பில் ஆஜரான மூத்த வழக்கறிஞர் அபிஷேக் சிங்வி, நிதி மோசடி தடுப்பு சட்டத்தின் பிரிவு 19-ன் நிபந்தனைகளை பூர்த்தி செய்யாததன் மூலம் கெஜ்ரிவாலை கைது செய்ததில் அமலாக்கத்துறை தவறு செய்திருப்பதாக குற்றம் சாட்டினார்.

இந்த வழக்கின் விசாரணை கடந்த மே மாதம் முடிந்த நிலையில், தீர்ப்பு ஒத்திவைக்கப்பட்டது. இதையடுத்து இந்த வழக்கில் இன்று தீர்ப்பளித்த சுப்ரீம் கோர்ட்டு, கெஜ்ரிவாலுக்கு இடைக்கால ஜாமீன் அளித்து உத்தரவிட்டுள்ளது. 

மே 10ஆம் தேதி உத்தரவில் உள்ள நிபந்தனைகளின் அடிப்படையில் கெஜ்ரிவால் இடைக்கால ஜாமீனில் விடுவிக்கப்படுவார் என்று கூறப்பட்டுள்ளது.

ஜாமீன் கிடைத்தும் வெளியே வரமுடியாது

மதுபான கொள்கை வழக்கில் கெஜ்ரிவாலை சிபிஐயும் கைது செய்துள்ளது. இதனால் ஜாமீன் கிடைத்தும் அவரால் சிறையில் இருந்து வெளியே வரமுடியாத நிலை உருவாகியுள்ளது.

கலால் கொள்கை ஊழல் தொடர்பாக கெஜ்ரிவாலையும் ஜூன் 26 அன்று சிபிஐ கைது செய்தது. சிபிஐ கைதுக்கு எதிராக கெஜ்ரிவால் தாக்கல் செய்யப்பட்ட மனு டெல்லி உயர் நீதிமன்றத்தில் விசாரணையில் உள்ளது.

உச்சநீதிமன்றம் கருத்து

"அரவிந்த் கெஜ்ரிவால் ஒரு தேர்ந்தெடுக்கப்பட்ட தலைவர் என்பதை நாங்கள் அறிவோம்" என்று நீதிபதிகள் சஞ்சீவ் கன்னா மற்றும் தீபங்கர் தத்தா ஆகியோர் அடங்கிய பெஞ்ச் கூறியதுடன், கெஜ்ரிவால் 90 நாள்களுக்கும் மேலாக சிறைவாசத்தை அனுபவித்துள்ளார் என்பதையும் குறிப்பிட்டது.

அமலாக்க இயக்குநரக வழக்கில் அவர் கைது செய்யப்பட்டதன் சட்டபூர்வத்தன்மை தொடர்பான கேள்விகளும் பெரிய அமர்வுக்கு அனுப்பியது.

இந்த கைது விவகாரம் பெரிய அமர்வுக்கு பரிந்துரைக்கப்பட்டுள்ளதால், கெஜ்ரிவாலை இடைக்கால ஜாமீனில் விடுவிக்க நீதிமன்றம் உத்தரவிட்டது.

பணமோசடி தடுப்புச் சட்டத்தின் 19வது பிரிவின் கீழ் கைது செய்வதற்கான அவசியம் மற்றும் அமலாக்கத் துறையின் கைது கொள்கை தொடர்பான மூன்று கேள்விகளை உச்ச நீதிமன்றம் வடிவமைத்தது.

நிபந்தனைகளுடன் ஜாமீன்

சமீபத்தில் முடிவடைந்த நாடாளுமன்ற தேர்தலின் போது தேர்தல் பிரச்சாரத்துக்காக மே10 ஆம் தேதி கெஜ்ரிவாலை இடைக்கால ஜாமீனில் விடுவித்த உச்ச நீதிமன்றம், அவரது இடைக்கால ஜாமீன் காலத்தில் அவர் தனது அலுவலகத்துக்கோ அல்லது டெல்லி செயலகத்துக்கோ செல்லக்கூடாது என்று நிபந்தனைகளை விதித்தது.

பல நிபந்தனைகளை விதிப்பதைத் தவிர, 21 நாள் இடைக்கால ஜாமீன் காலத்தில் லெப்டினன்ட் கவர்னரின் ஒப்புதலைப் பெற மிகவும் அவசியமின்றி எந்தவொரு அதிகாரப்பூர்வ கோப்புகளிலும் கையெழுத்திடக்கூடாது எனவும் தெரிவிக்கப்பட்டது. முதலமைச்சராக தொடர்வது குறித்த முடிவை கெஜ்ரிவால் முடிவு செய்து கொள்ளுமாறும் தெரிவிக்கப்பட்டுள்ளது.

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன: