HBD Pingali Venkayya: தேசிய கொடியை வடிவமைத்த பிங்கலி வெங்கையாவின் பிறந்த தினம் இன்று

வெங்கய்யா தனது 19 வயதில் பிரிட்டிஷ் இந்திய ராணுவத்தில் சேர்ந்தார். Second Boer War (1899-1902) சமயத்தில் தென்னாப்பிரிக்காவில் பணியமர்த்தப்பட்டார். போரின் போது, பிரிட்டனின் தேசியக் கொடியான யூனியன் ஜாக்கிற்கு வீரர்கள் வணக்கம் செலுத்த வேண்டியிருந்தபோது, இந்தியர்களுக்கு ஒரு கொடி இருக்க வேண்டியதன் அவசியத்தை வெங்கையா உணர்ந்தார்.

1906 ஆம் ஆண்டில் கல்கத்தாவில் நடந்த அகில இந்திய காங்கிரஸ் கமிட்டி கூட்டத்தில் வெங்கையா கலந்து கொண்டார். காங்கிரஸ் கூட்டங்களில் பிரிட்டிஷ் கொடியை ஏற்றுவதற்கான யோசனையை எதிர்த்ததால் இந்திய தேசிய காங்கிரசுக்கு ஒரு கொடியை வடிவமைக்க உத்வேகம் பெற்றார்.

1947 ஆம் ஆண்டில் சுதந்திரம் அடைவதற்கு முன்பு இந்திய சுதந்திர இயக்கத்தின் உறுப்பினர்களால் பல்வேறு கொடிகள் பயன்படுத்தப்பட்டன. 1921 ஆம் ஆண்டு ஏப்ரல் 1 ஆம் தேதி விஜயவாடா சென்ற மகாத்மா காந்தியின் தேசிய கொடியை பிங்கலி வெங்கய்யா வடிவமைத்து வழங்கினார்.

வெங்கய்யாவின் கொடியின் முதல் வரைவு சிவப்பு மற்றும் பச்சை நிறத்தில் இருந்தது - சிவப்பு இந்துக்களையும் பச்சை நாட்டில் வாழும் முஸ்லிம்களையும் குறிக்கிறது. காந்தியின் ஆலோசனையின் பேரில், வெங்கய்யா இந்தியாவில் உள்ள மற்ற அனைத்து பிரிவுகள் மற்றும் மதங்களைக் குறிக்க ஒரு வெள்ளை நிற பட்டையைச் சேர்த்தார்.

1921 முதல், வெங்கய்யாவின் கொடி அனைத்து காங்கிரஸ் கூட்டங்களிலும் முறைசாரா முறையில் பயன்படுத்தப்படுகிறது. ஜூலை 22, 1947 அன்று நடந்த அரசியல் நிர்ணய சபைக் கூட்டத்தில் கொடி அதன் தற்போதைய வடிவத்தில் ஏற்றுக்கொள்ளப்பட்டது.

வெங்கய்யா ஒரு விவசாயியாகவும், மச்சிலிப்பட்டினத்தில் ஒரு கல்வி நிறுவனத்தை நிறுவிய கல்வியாளராகவும் இருந்தார்.

1963 ஆம் ஆண்டில் ஒப்பீட்டளவில் வறுமையில் இறந்த அவர் சமூகத்தால் பெரும்பாலும் மறக்கப்பட்டார். 2009 ஆம் ஆண்டில் இவரது நினைவாக ஒரு தபால் தலை வெளியிடப்பட்டது. 2012 ஆம் ஆண்டில், அவரது பெயர் பாரத ரத்னா விருதுக்கு முன்மொழியப்பட்டது. இருப்பினும் இந்த முன்மொழிவு குறித்து மத்திய அரசிடமிருந்து எந்த பதிலும் இல்லை.

1963ம் ஆண்டு ஜூலை 4ம் தேதி அவர் காலமானார்.