தமிழ் செய்திகள்  /  தேசம் மற்றும் உலகம்  /  Pawan Kalyan: ஆந்திர துணை முதல்வரானார் பவன் கல்யாண்; சந்திரபாபு நாயுடு மகனுக்கு ஐ.டி. துறை - முழு விபரம்!

Pawan Kalyan: ஆந்திர துணை முதல்வரானார் பவன் கல்யாண்; சந்திரபாபு நாயுடு மகனுக்கு ஐ.டி. துறை - முழு விபரம்!

Karthikeyan S HT Tamil
Jun 14, 2024 05:22 PM IST

Pawan Kalyan: சந்திரபாபு நாயுடு அமைச்சரவையில் பஞ்சாயத்து ராஜ் அமைச்சராக பவன் கல்யாணும், ஆந்திர உள்துறை அமைச்சராக அனிதா வாங்கலபுடியும் நியமிக்கப்பட்டுள்ளனர்

Pawan Kalyan: ஆந்திர துணை முதல்வரானார் பவன் கல்யாண்; சந்திரபாபு நாயுடு மகனுக்கு ஐ.டி. துறை - முழு விபரம்!
Pawan Kalyan: ஆந்திர துணை முதல்வரானார் பவன் கல்யாண்; சந்திரபாபு நாயுடு மகனுக்கு ஐ.டி. துறை - முழு விபரம்!

சந்திரபாபு நாயுடு மகனுக்கு ஐ.டி. துறை

சந்திரபாபு நாயுடுவின் மகன் நாரா லோகேஷ் (41) மனிதவள மேம்பாடு, தகவல் தொழில்நுட்பம் மற்றும் தகவல் தொடர்பு இலாகாக்கள் வழங்கப்பட்டுள்ளதாக தெலுங்கு தேசம் கட்சி வட்டாரங்கள் தெரிவித்தன.  ஸ்டான்போர்டு பல்கலைக்கழக எம்பிஏ பட்டதாரியும், உலக வங்கியின் முன்னாள் அதிகாரியுமான லோகேஷ், மங்களகிரி தொகுதியில் 91,413 வாக்குகள் வித்தியாசத்தில் வெற்றி பெற்றுள்ளார்.

அமைச்சர்களுக்கு இலாகா ஒதுக்கீடு

கொல்லு ரவீந்திராவுக்கு சுரங்கம் மற்றும் புவியியல் மற்றும் கலால் துறை ஒதுக்கீடு செய்யப்பட்டுள்ளது. நடந்திலா மனோகருக்கு உணவு மற்றும் நுகர்பொருள் விநியோகம், நுகர்வோர் விவகாரத்துறையும், பொங்குரு நாராயணாவுக்கு நகராட்சி நிர்வாகம் மற்றும் நகர்ப்புற வளர்ச்சித்துறையும், அனிதா வங்கலப்புடிக்கு உள்துறை மற்றும் பேரிடர் மேலாண்மை துறையும் வழங்கப்பட்டுள்ளது. சட்டம் ஒழுங்கு இலாகாவை நாயுடு தக்க வைத்துக் கொள்வார். 

ட்ரெண்டிங் செய்திகள்

சந்திரபாபு நாயுடுவுடன் சேர்த்து 24 அமைச்சர்கள் புதன்கிழமை பதவியேற்றனர். பதவியேற்ற 24 அமைச்சர்களில் 17 பேர் முதல் முறையும், 3 பேர் பெண்களும், 8 பேர் பிற்படுத்தப்பட்ட வகுப்பைச் சேர்ந்தவர்களும், ஒருவர் முஸ்லிம், 2 பேர் தாழ்த்தப்பட்டோரும், ஒருவர் பழங்குடியினரும் பதவிப் பிரமாணம் செய்து கொண்டுள்ளனர்.

சந்திரபாபு நாயுடு தவிர, தெலுங்கு தேசம் கட்சியைச் சேர்ந்த 20 அமைச்சர்கள், ஜனசேனாவைச் சேர்ந்த மூன்று அமைச்சர்கள் மற்றும் பாஜகவைச் சேர்ந்த ஒருவர் பதவியேற்றனர்.

பவன் கல்யாணுக்கு முக்கியத்துவம் கொடுத்த சந்திரபாபு நாயுடு

தெலுங்கு தேசம் கட்சியின் தலைவர் என்.சந்திரபாபு நாயுடு நான்காவது முறையாக ஆந்திர முதல்வராக நேற்று முன்தினம் பதவியேற்றார். ஜன சேனா கட்சித் தலைவர் பவன் கல்யாண், சந்திரபாபு நாயுடு மகன் நாரா லோகேஷ் உள்பட 25 பேர் அடங்கிய அமைச்சரவையும் அவருடன் பதவியேற்றது. பதவியேற்பு விழாவில் முதல்வர் சந்திரபாபு நாயுடுக்கு அடுத்தபடியாக பவன் கல்யாண் அமைச்சராக பதவியேற்றார். தெலுங்கு தேசம் - ஜன சேனா கட்சி கட்டணியை வலுப்படுத்த மேற்கொண்ட முயற்சிகளைப் பாராட்டி, பவன் கல்யாண் துணை முதல்வராக நியமிக்கப்படலாம் என்று அப்போதே பரவிய செய்திகள் தற்போது உறுதிப்படுத்தப்பட்டுள்ளது.

இறுதி வடிவம் எட்டாத தலைநகர்

அமராவதி தலைநகர் பகுதியின் வளர்ச்சிக்கு பொறுப்பான முக்கிய துறைகளில் ஒன்றான நகராட்சி நிர்வாகம் பி.நாராயணாவுக்கு ஒதுக்கப்பட்டது. அமராவதி திட்டத்திற்கான அடிக்கல் 2015 ஆம் ஆண்டு போடப்பட்டது. ஆனால், 2019 சட்டமன்றத் தேர்தலுக்குப் பிறகு ஒய்.எஸ்.ஆர்.சி.பி மாநில அரசாங்கத்தை அமைத்ததால் அரசியல் அதிகார மாற்றம் காரணமாக அது இறுதி வடிவத்தை எட்டவில்லை.

ஆந்திர சட்டமன்றத் தேர்தல் 2024

இந்த நிலையில், அண்மையில் நடைபெற்ற ஆந்திர சட்டப்பேரவைத் தேர்தலில் மொத்தமுள்ள 175 தொகுதிகளில் 164 தொகுதிகளில் தெலுங்கு தேசம் - ஜனசேனா-பாஜக கூட்டணி வெற்றி பெற்று ஆட்சியைப் பிடித்துள்ளது. பவன் கல்யாணின் ஜன சேனா கட்சி 21 இடங்களையும், ஒரே நேரத்தில் நடைபெற்ற மக்களவைத் தேர்தலில் இரண்டு இடங்களையும் வென்றது. இது 100 சதவீத ஸ்ட்ரைக் ரேட்டைக் கொடுத்தது. ஆந்திராவில் மொத்தமுள்ள 25 மக்களவைத் தொகுதிகளில் 21 தொகுதிகளில் இந்தக் கூட்டணி வெற்றி பெற்றது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

 

WhatsApp channel

டாபிக்ஸ்