Karnataka Election Results: தோல்வி வசம் சிக்கிய சி.டி.ரவி: பாஜக கோட்டையை தகர்த்தது காங்கிரஸ்!
Published May 13, 2023 05:12 PM IST
CT Ravi: தமிழக பாஜக மேலிடப் பொறுப்பாளர் சி.டி. ரவி கர்நாடகாவின் சிக்மகளூர் தொகுதியில் காங்கிரஸ் வேட்பாளரிடம் படுதோல்வி அடைந்துள்ளார்.
சி.டி. ரவி
தமிழக பாஜக மேலிட பொறுப்பாளரும், தேசிய பொதுச் செயலாளரும், முன்னாள் அமைச்சருமான சி.டி.ரவி கர்நாடகாவின் சிக்மகளூர் தொகுதியில் படுதோல்வி அடைந்துள்ளார்.
கர்நாடகவில் மொத்தமுள்ள 224 சட்டமன்றத் தொகுதிகளுக்கும் ஒரே கட்டமாக கடந்த 10 ஆம் தேதி தேர்தல் நடைபெற்றது. இத் தேர்தலில் பதிவான வாக்குகள் மாநிலம் முழுவதும் உள்ள 36 மையங்களில் எண்ணப்பட்டு வருகிறது. தற்போதைய நிலவரப்படி காங்கிரஸ் கட்சி - 136, பாஜக - 64, மஜத - 19, மற்றவை- 5 இடங்களில் முன்னிலையில் இருந்து வருகின்றன.
அதிகாரப்பூர்வமாக தேர்தல் முடிவு அறிவிக்கப்பட்ட 173 தொகுதிகளில் காங்கிரஸ் கட்சி 103 தொகுதிகளில் வெற்றி பெற்றிருக்கிறது. பாஜக 50 தொகுதிகளையும், மஜத 16 இடங்களிலும், மற்றவை 4 தொகுதிகளையும் கைப்பற்றியுள்ளன.