Homeopathy : இயற்கையிடம் இருந்து இனிப்பு மருந்துகள்… உலக ஹோமியோபதி தினம் இன்று
WorlD Homeopathy Day 2023 : உலக ஹோமியோபதி மருத்துவ தினமான இன்று அம்மருத்துவத்தின் பயன்கள் குறித்து இங்கு தெரிந்துகொள்ளலாம்.
அந்தக்காலத்தில் இயற்கையில் கிடைக்கும் பொருட்களை வைத்தே உடல் உபாதைகளுக்குத் தேவையான மருந்துகளையும் உருவாக்கினார்கள். இன்றும் சிலர் சித்த மருத்துவம், ஆயுர்வேத மருத்துவம், ஹோமியோபதி உள்ளிட்ட இன்னபிற இயற்கை மருத்துவ முறையை பின்பற்றுகிறார்கள். இயற்கை மருத்துவ முறையில் ஒன்றான ஹோமியோபதி மருத்துவ தினம் இன்று. இந்த மருத்துவமுறை 1700களின் பிற்பகுதியில் கண்பிடிக்கப்பட்டது. இதை ஜெர்மனியைச் சேர்ந்த மருத்துவர் கிறிஸ்டியன் ஃபிரடெரிக் சாமுவேல் ஹனிமன் என்பவர் கண்டுபிடித்தார். அவரது பிறந்த நாளை கொண்டாடும் வகையில் அவர் பிறந்த தினமான இன்று உலக ஹோமியோபதி தினம் கொண்டாடப்படுகிறது.
உலக ஹோமியோபதி தினத்தின் இந்தாண்டின் கருப்பொருள் ‘ஒரு ஆரோக்கியம் ஒரு குடும்பம்’ என்பதாகும். இது உடல் நலம் மற்றும் ஆரோக்கியத்தை உலகம் முழுவதுமே குடும்பமாக பாவித்து ஹோமியோபதி சிகிச்சையை வழங்குவது இதன் அர்த்தமாகும். ஒவ்வொரு வீட்டிலும் ஹோமியோபதி மருத்துவத்தை முக்கியமான சிகிச்சையாக மேற்கொள்வதை ஊக்குவிக்கும் வகையிலும் இந்த நாள் கொண்டாடப்படுகிறது.
ஒவ்வாமை, முகப்பரு, ஆட்டிசம், ஒற்றைத்தலைவலி போன்ற பிரச்னைகளை நன்றாகவே குணப்படுத்துகிறது. சில நாள்பட்ட நோய்களுக்கு இம்மருத்துவமுறை நிரந்தர தீர்வு கொடுக்கிறது.