இந்திய அரசியலமைப்பு தினம் இன்று! இந்த நாள் குறித்து தெரிந்து கொள்ள வேண்டிய அம்சங்கள்!

இந்திய விடுதலை அடைந்த பிறகு 1950 ஆம் ஆண்டு ஜனவரி 26 தேதி அன்று அரசியலமைப்பு ஏற்றுக் கொள்ளப்பட்டு நடைமுறைக்கு வந்தது. இது விடுதலை பெற்ற இந்தியாவை இறையாண்மை கொண்ட ஜனநாயக குடியரசாக பறைசாற்றிக் கொண்டது. 

இந்த நாள் அரசியலமைப்பில் பொதிந்துள்ள நீதி, சுதந்திரம், சமத்துவம், சகோதரத்துவம் ஆகியவற்றின் மதிப்புகளை கொண்டாடுகிறது. அரசியல் அமைப்பு சட்ட வரைவுக் குழு தலைவரான டாக்டர் பி.ஆர்.அம்பேத்கர், அரசியலமைப்பின் தலைமை சிற்பி என்று போற்றப்படுகிறார். 2015 ஆம் ஆண்டில் அரசியலமைப்பு தினம் அதிகாரப்பூர்வமாக அறிவிக்கப்பட்டது. 1949ஆம் ஆண்டு நவம்பர் 26ஆம் தேதி அன்று இந்திய அரசியலமைப்பை ஏற்றுக்கொண்டதைக் குறிக்கும் வகையில் இது கொண்டாடப்படுகின்றது.

அரசியலமைப்பு தினத்தின் முக்கியத்துவம்

அரசியலமைப்பு தினம் டாக்டர் பி.ஆர்.அம்பேத்கரை கௌரவிப்பதோடு, அரசியலமைப்பு மதிப்புகள், உரிமைகள் மற்றும் கடமைகள் பற்றிய விழிப்புணர்வை ஊக்குவிக்கிறது.

தேசிய ஒற்றுமையை வளர்க்கும் வகையில் நீதி, சுதந்திரம், சமத்துவம் மற்றும் சகோதரத்துவத்தின் முக்கியத்துவத்தை இந்த நாள் அடிக்கோடிட்டுக் காட்டுகிறது. இதுநாள் வரை தேசம் கடந்து வந்த பாதை குறித்தும், இந்தியாவின் பலதரப்பட்ட கட்டமைப்பை இணைக்கும் கொள்கைகளுக்கான அர்ப்பணிப்பை கொண்டாடும் நாளாக இது விளங்குகின்றது. 

இந்திய அரசியலமைப்பு வரலாறு

இந்தியா விடுதலை போராட்டம் ஆனது அனைத்து குடிமக்களுக்கும் நீதி, சமத்துவம் மற்றும் சுதந்திரத்தை உறுதி செய்து ஆட்சி செய்ய வேண்டியதன் அவசியத்தை வலியுறுத்துகின்றது. எனவே, இந்திய அரசாங்கச் சட்டம், 1935 இந்தியாவின் ஆளுகைக்கு ஒரு அடித்தளமாக செயல்பட்டது, ஆனால் இறையாண்மை கொண்ட ஜனநாயகக் குடியருக்கான ஏற்பாடுகள் இந்த சட்டங்களில் இல்லை.

1946 ஆம் ஆண்டு டிசம்பரில் கேபினட் மிஷன் திட்டத்தின் கீழ் நடைபெற்ற தேர்தல்கள் மூலம் அரசியலமைப்பு சபை உருவாக்கப்பட்டது.

இதில் டாக்டர் பி.ஆர்.அம்பேத்கர், ஜவஹர்லால் நேரு, சர்தார் படேல் உள்ளிட்ட முக்கிய தலைவர்கள் உட்பட 389 உறுப்பினர்கள் இருந்தனர். நாட்டின் பிரிவினைக்குப் பிறகு, இதில் இருந்த உறுப்பினர் எண்ணிக்கை 299 ஆகக் குறைக்கப்பட்டது. 1946ஆம் ஆண்டு டிசம்பர் 9ஆம் தேதி அன்று கூடிய முதல் கூட்டத்தின் தலைவராக டாக்டர் ராஜேந்திர பிரசாத் இருந்தார். 

டாக்டர் பி.ஆர்.அம்பேத்கர் தலைமையிலான வரைவுக் குழு, வரைவைத் தயாரிக்கும் பணியை மேற்கொண்டது. இந்த வரைவு 2 ஆண்டுகள், 11 மாதங்கள் 18 நாட்களில் 11 அமர்வுகளாக கூடி விவாதங்களை முன்னெடுத்தன.

நவம்பர் 26 1949ஆம் ஆண்டு அன்று, அரசியலமைப்புச் சபை இந்திய அரசியல் அமைப்பை ஏற்றுக் கொண்டது. இது ஜனவரி 26, 1950ஆம் ஆண்டு நடைமுறைக்கு வந்தது. இந்த நடைமுறை விடுதலை பெற்ற இந்தியாவை ஜனநாயக குடியரசாக மாறியதை பறைசாற்றியது. 

நமது அரசியலமைப்பு சட்டம் உலகின் மிக நீண்ட எழுதப்பட்ட அரசியலமைப்பாகும். அதன் தொடக்கத்தில் 395 கட்டுரைகள் மற்றும் 8 அட்டவணைகள் இடம்பெற்று உள்ளன. 

அரசியலமைப்பு குறித்து ஊக்கமளிக்கும் மேற்கோள்கள்

அரசியலமைப்பு என்பது வெறும் வழக்கறிஞர் ஆவணம் அல்ல; அது வாழ்க்கையின் வாகனம். – டாக்டர் பி.ஆர்.அம்பேத்கர்

ஒவ்வொரு குடிமகனுக்கும் சம அந்தஸ்து மற்றும் வாய்ப்பை வழங்குவதே அரசியலமைப்பின் நோக்கம். - சர்தார் வல்லபாய் படேல்

"சுதந்திரம், சமத்துவம் மற்றும் சகோதரத்துவம் ஆகியவை மும்மூர்த்திகளின் தனித்தனி பொருட்களாக கருதப்படக்கூடாது. அவை ஒருவரையொருவர் விவாகரத்து செய்வது ஜனநாயகத்தின் நோக்கத்தை தோற்கடிக்கும். - டாக்டர் பி.ஆர். அம்பேத்கர்.

அரசியலமைப்பு என்பது வெறும் கருப்பு மற்றும் வெள்ளை ஆவணம் அல்ல. இது தேசத்துடன் உருவாகும் ஒரு உயிருள்ள ஆவணம். – நீதிபதி பி.என்.பகவதி

ஜனநாயகம் என்பது அரசாங்கத்தின் ஒரு வடிவம் மட்டுமல்ல. இது முதன்மையாக தொடர்புடைய வாழ்க்கை முறை – டாக்டர் பி.ஆர்.அம்பேத்கர்

ஒரு தேசத்தின் மகத்துவம் அதன் அரசியலமைப்பு மற்றும் சட்டத்தின் ஆட்சியைக் கடைப்பிடிப்பதில் உள்ளது. – பிரணாப் முகர்ஜி

பெரிய கனவுகளை காணவும், அந்த கனவுகளை அடைவதற்கு உழைக்கவும் அரசியலமைப்பு சுதந்திரம் அளிக்கிறது. – நரேந்திர மோடி

எந்தவொரு அரசாங்கத்திற்கும் மக்களின் விருப்பம் மட்டுமே நியாயமான அடித்தளமாகும், அதன் சுதந்திரமான வெளிப்பாட்டைப் பாதுகாப்பதே நமது முதல் நோக்கமாக இருக்க வேண்டும். - டாக்டர் ராஜேந்திர பிரசாத்

அரசியலமைப்பு தினத்தை கொண்டாடுவதற்கான வழிமுறைகள்

முகவுரையைப் படித்தல்

பள்ளிகள், கல்லூரிகள், அலுவலகங்கள் அல்லது பொதுக்கூட்டங்களில் இந்திய அரசியலமைப்புச் சட்டத்தின் முகப்புரையை கூட்டாகப் படிப்பதன் அரசமைப்பு தினத்தை கொண்டாடலாம். 

கல்வித் திட்டங்கள்

அரசியலமைப்பின் முக்கியத்துவம், அதன் வரலாறு மற்றும் நவீன இந்தியாவில் அதன் தாக்கம் ஆகியவற்றை மையமாகக் கொண்டு விவாதங்கள், வினாடி வினாக்கள், கட்டுரைப் போட்டிகளை ஏற்பாடு செய்யலாம். 

விழிப்புணர்வு பிரச்சாரங்கள் 

பயிலரங்குகள், சுவரொட்டிகள், சமூக ஊடக பிரச்சாரங்கள், விழிப்புணர்வு பேரணிகள் மூலம் நமது அரசியலமைப்பு சட்டம் கூறும் அடிப்படை உரிமைகள் மற்றும் கடமைகள் பற்றிய விழிப்புணர்வை பரப்பலாம். 

அரசியலமைப்பு கருப்பொருள் கலாச்சார நடவடிக்கைகள்

சமத்துவம், நீதி மற்றும் சுதந்திரம் போன்ற அரசியலமைப்பு கருப்பொருள்களை மையமாகக் கொண்ட குறும்படங்கள், நாடகங்கள் அல்லது கவிதை நிகழ்ச்சிகளை ஏற்பாடு செய்யலாம்.