ISRO: ’இஸ்ரோ விஞ்ஞானிகள் யாரும் கோடீஸ்வரர்கள் இல்லை’ 5இல் ஒரு பங்கு ஊதியம் தான் பெருகிறார்கள்! மாதவன் நாயர் வேதனை!

இஸ்ரோ விஞ்ஞானிகளிடையே கோடீஸ்வரர்கள் இல்லை என்றும், அவர்கள் எப்போதும் மிகவும் சாதாரணமான மற்றும் அடக்கமான வாழ்க்கை வாழ்கிறார்கள் என்ற அவர், உண்மையில் அவர்கள் பணத்தைப் பற்றி கவலைப்படவில்லை, ஆனால் தங்கள் பணியில் ஆர்வமும் அர்ப்பணிப்பும் கொண்டவர்கள். அதனால்தான் நாங்கள் பெரிய உயரங்களை அடைந்தோம் என கூறினார்.

இஸ்ரோவின் விஞ்ஞானிகள் கவனமாக திட்டமிடல் மற்றும் நீண்ட கால தொலைநோக்கு பார்வை மூலம் இதை அடைய முடியும் என்ற நாயர், நாங்கள் ஒன்றன் மீது ஒன்றாக உருவாக்க முயற்சித்தோம். கடந்த காலத்தில் நாங்கள் கற்றுக்கொண்டதை, அடுத்தடுத்த பணிகளுக்குப் பயன்படுத்தினோம். உண்மையில், 30 ஆண்டுகளுக்கு முன்பு போலார் செயற்கைக்கோள் ஏவுதல் வாகனத்திற்காக நாங்கள் உருவாக்கிய அதே இயந்திரம்தான். ஜி.எஸ்.எல்.வி.,என்று மாதவன் நாயர் கூறினார்.

இந்தியா தனது விண்வெளிப் பயணங்களுக்கு உள்நாட்டிலேயே வளர்ந்த தொழில்நுட்பத்தைப் பயன்படுத்துகிறது, மேலும் இது செலவைக் கணிசமாகக் குறைக்க உதவியது என்ற அவர். மற்ற நாடுகளின் விண்வெளிப் பயணங்களுடன் ஒப்பிடுகையில் இந்தியாவின் விண்வெளிப் பயணச் செலவு 50 முதல் 60 சதவீதம் குறைவானது என்று குறிப்பிட்டார்.

சந்திரயான் -3 இன் வெற்றி இந்தியாவின் கிரக ஆய்வுகளைத் தொடங்குவதற்கான முதல் படி. நாங்கள் உண்மையில் ஒரு நல்ல தொடக்கத்தை உருவாக்கியுள்ளோம்.நிச்சயமாக உலக மக்கள் நமது தொழில்நுட்பத் திறன் மற்றும் எங்கள் ஏவுதள அமைப்பு மற்றும் விண்கலங்களின் தரத்தை ஏற்றுக்கொள்வார்கள் என்றார்.

நிலவில் வெற்றிகரமாக ஏவப்பட்ட சந்திரயான் - 3 விண்கலத்தின் மொத்த செலவு 615 கோடி என இஸ்ரோ தெரிவித்துள்ளது. இது இது பாலிவுட் திரைப்படத்தை தயாரிப்பு பட்ஜெட்டுக்கு கிட்டத்தட்ட சமம் என்பது குறிப்பிடத்தக்கது.