தமிழ் செய்திகள்  /  Astrology  /  Ayodhya Ram Mandir Inauguration Full Schedule Of Temple Pran Pratishtha Today Read More Details

Ram Mandir inauguration: அயோத்தி ராமர் கோயில் திறப்பு விழா: முழு நிகழ்ச்சி நிரல் இதோ

Manigandan K T HT Tamil
Jan 22, 2024 09:38 AM IST

மதியம் 12:05 மணி முதல் 1 மணி வரை, அயோத்தியில் ராமர் கோயில் பிரதிஸ்டா அல்லது கும்பாபிஷேக விழா தொடங்கும்.

அயோத்தி: ஜன. 22, 2024 திங்கட்கிழமை, அயோத்தியில், அதன் கும்பாபிஷேக விழாவிற்கான ஏற்பாடுகளின் ஒரு பகுதியாக மலர்களால் அலங்கரிக்கப்பட்ட ராமர் கோயில். (PTI Photo/Vijay Joshi)
அயோத்தி: ஜன. 22, 2024 திங்கட்கிழமை, அயோத்தியில், அதன் கும்பாபிஷேக விழாவிற்கான ஏற்பாடுகளின் ஒரு பகுதியாக மலர்களால் அலங்கரிக்கப்பட்ட ராமர் கோயில். (PTI Photo/Vijay Joshi) (PTI)

ட்ரெண்டிங் செய்திகள்

பல்லாயிரக்கணக்கான பக்தர்கள் கொடிகளை அசைத்தும், ஒலி எழுப்பியும், மேளங்களை அடித்தும் அயோத்தியில் குவிந்துள்ளனர், ரயில்கள் நிரம்பி வழிகின்றன.

பாபர் மசூதி இருந்த இடத்தில் ராம் லல்லாவுக்கான 50 மீட்டர் உயர வழிபாட்டு இல்லம் கட்டப்பட்டது.

மதியம் 12.20 மணியளவில் தொடங்கும் இந்த பிரண பிரதிஷ்டை விழாவில் அரசியல்வாதிகள், தொழிலதிபர்கள், பிரபலங்கள் மற்றும் விளையாட்டு வீரர்கள் உட்பட கிட்டத்தட்ட 7,000 அழைப்பாளர்கள் கலந்து கொள்வார்கள் என்று எதிர்பார்க்கப்படுகிறது.

ஜனவரி 22 ஆம் தேதி திட்டமிடப்பட்ட நிகழ்வுகளின் முழு அட்டவணை இங்கே:

காலை 10:25 மணிக்கு, பிரதமர் நரேந்திர மோடி அயோத்திக்கு வருவார். அயோத்தி விமான நிலையத்தில் இருந்து ஹெலிகாப்டர் மூலம் மோடி நிகழ்ச்சி நடைபெறும் இடத்திற்கு வருவார்.

காலை 10:55 மணிக்கு மோடி ராமர் கோயில் வளாகத்தை அடைவார்.

காலை 11 மணி முதல் மதியம் 12 மணி வரை, பிரதமர் ராமர் கோயில் வளாகத்தை சுற்றிப் பார்ப்பார்.

மதியம் 12:05 மணி முதல் 1 மணி வரை, மோடி சடங்குகளுக்கு தலைமை தாங்க, பிராண-பிரதிஷ்டை விழா தொடங்கும்.

பிற்பகல் 1 மணியளவில் கோயில் வளாகத்தில் இருந்து புறப்படும் பிரதமர் மோடி, சுமார் 7,000 பேர் திரளும் பொதுக்கூட்டத்தில் உரையாற்றுகிறார்.

பிற்பகல் 2:10 மணிக்கு, பகவான் சிவனின் பழங்கால கோயிலான புதுப்பிக்கப்பட்ட குபேர கா திலாவை மோடி பார்வையிடுவார்.

அயோத்தியில் உள்ள ராமர் கோயிலின் முக்கிய அம்சங்கள்

  • பொதுவாக ராமர் கோயில் என்று அழைக்கப்படும் ராம் ஜென்மபூமி மந்திர் பாரம்பரிய நாகரா பாணியில் கட்டப்பட்டுள்ளது. இதன் நீளம் (கிழக்கு-மேற்கு) 380 அடி; அகலம் 250 அடி, உயரம் 161 அடி. இது மொத்தம் 392 தூண்களால் ஆதரிக்கப்படுகிறது மற்றும் 44 கதவுகளைக் கொண்டுள்ளது.
  • கோயிலின் தூண்கள் மற்றும் சுவர்கள் இந்து தெய்வங்கள், கடவுள்கள் மற்றும் தேவியர்களின் சிக்கலான சிற்பங்களை வெளிப்படுத்துகின்றன. ராமர் கோயிலின் தரை தளத்தில் உள்ள பிரதான கருவறையில், ராம் லல்லாவின் சிலை வைக்கப்பட்டுள்ளது.
  • ராம் லல்லாவின் புதிய 51 அங்குல சிலையின் 'பிரான்-பிரதிஷ்டா'வுக்கு நாட்டின் பல்வேறு பகுதிகளைச் சேர்ந்த பதினான்கு ஜோடிகள் 'யஜ்மான்' (புரவலர்கள்) இருப்பார்கள். மைசூருவைச் சேர்ந்த அருண் யோகிராஜ் என்பவரால் செதுக்கப்பட்ட இந்த சிலை கடந்த வியாழக்கிழமை கோயிலின் கருவறையில் வைக்கப்பட்டது.
  • ராம் மந்திர் பூக்கள் மற்றும் சிறப்பு விளக்குகளால் அலங்கரிக்கப்பட்டுள்ளது மற்றும் முழு நகரமும் உற்சாகத்தில் நனைந்துள்ளது.

ஜனவரி 16 ஆம் தேதி சடங்குகள் தொடங்கின

  • பிராண பிரதிஷ்டாவுக்கு' கும்பாபிஷேக சடங்குகள் ஜனவரி 16 ஆம் தேதி சரயு நதியில் தொடங்கி திங்கள்கிழமை பிற்பகல் 'அபிஜீத் முகூர்த்தத்தில்' நிறைவடையும் என்று கோயில் அறக்கட்டளை தெரிவித்துள்ளது.
  • ஜனவரி 22 ஆம் தேதி அரை நாள் விடுமுறையை அரசாங்கம் அறிவித்துள்ளதாலும், பல மாநிலங்கள் இதைப் பின்பற்றியதாலும் லட்சக்கணக்கான மக்கள் இந்த நிகழ்வை தொலைக்காட்சி மற்றும் ஆன்லைன் தளங்களில் நேரடியாகப் பார்ப்பார்கள் என்று எதிர்பார்க்கப்படுகிறது.
  • இந்த விழாவை முன்னிட்டு நாடு முழுவதும் உள்ள கோயில்கள் சிறப்பு விழாக்களை அறிவித்துள்ளன.

2024 ஜோதிட பலன்கள்

புத்தாண்டு ராசி பலன்கள், பண்டிகைகள், வாழ்த்துக்கள் மற்றும் பலவற்றை இங்கே படிக்கலாம்.

டாபிக்ஸ்