Uttarakhand: உத்தரகண்ட்டில் மின் மாற்றி வெடித்த கோர விபத்தில் 10 பேர் பலி!
காயம் அடைந்தவர்கள் மீட்கப்பட்டு மாவட்ட மருத்துவமனையில் அனுமதிக்கப்பட்டுள்ளனர். இதில் சிலரது நிலைமை கவலைக்கிடமாக உள்ளதால் பலி எண்ணிக்கை அதிகரிக்கக் கூடும் என்ற அச்சம் ஏற்பட்டுள்ளது.
உத்தரகண்ட் மாநிலம் சமோலி மாவட்டத்தில் மின்மாற்றி வெடித்து சிதறிய கோர விபத்தில் 10 பேர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தி உள்ளது-
உத்தரகண்ட் மாநிலம் சமோலி மாவட்டத்தில் அலக்நத்தா ஆற்றின் கரையில் நவாமி கங்கை திட்ட தளத்தின் பணிகள் நடை பெற்று வருகிறது. இந்நிலையில் இன்று அதிகாலை 20 க்கும் மேற்பட்ட பணியாளர்கள் அந்த பணியில் ஈடுபட்டிருந்தனர். இந்நிலையில் எதிர்பாராத விதமாக மின்மாற்றி வெடித்து சிதறியது. இதில் 10 பேர் சம்பவ இடத்திலேயே பலியாகி உள்ளனர். மேலும் பலர் காயம் அடைந்துள்ளனர்.
இதையடுத்து காயம் அடைந்தவர்கள் மீட்கப்பட்டு மாவட்ட மருத்துவமனையில் அனுமதிக்கப்பட்டுள்ளனர். இதில் சிலரது நிலைமை கவலைக்கிடமாக உள்ளதால் பலி எண்ணிக்கை அதிகரிக்கக் கூடும் என்ற அச்சம் ஏற்பட்டுள்ளது. இந்நிலையில் இந்த விபத்துக்கான காரணம் குறித்து சமோலி மாவட்ட காவல்துறையினர் வழக்கு பதிவு செய்து விசாரணை மேற்கொண்டு வருகின்றனர்.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்