Women Health: பளு தூக்குதலால் மெனோபாஸ் காலத்தில் கிடைக்கும் 9 நன்மைகள்

மெனோபாஸ் ஒவ்வொரு பெண்ணையும் வித்தியாசமாக பாதிக்கிறது. சிலரின் அறிகுறிகள் சிறியவை மற்றும் குறுகிய காலத்துக்கு இருக்கும். மற்றவர்கள் சூடான ஃப்ளாஷ்கள், சீரற்ற மனநிலை மாற்றங்களை அனுபவிக்கிறார்கள். இதில் நல்ல செய்தி என்னவென்றால், உங்கள் உடலில் ஏற்படும் மாற்றங்களை சிறப்பாக நிர்வகிக்க உங்கள் வாழ்க்கை முறையை மாற்றியமைக்கலாம்.

வழக்கமான உடற்பயிற்சிகள் மாதவிடாய் நின்ற அறிகுறிகளைக் குறைப்பதாக சொல்லப்படவில்லை என்றாலும், மன அழுத்தத்தைக் குறைப்பதன் மூலமும், உங்கள் பொதுவான வாழ்க்கைத் தரத்தை மேம்படுத்துவதன் மூலமும் இது உதவும்.

உடல் எடை அதிகரிப்பு அல்லது தசை இழப்பு போன்ற மாதவிடாய் நின்ற அறிகுறிகளைத் தடுக்க வழக்கமான உடற்பயிற்சியும் ஒரு சிறந்த முறையாகும்.

குறிப்பாக பளு தூக்குதல் மெனோபாஸ் காலத்தில் இருக்கும் பெண்களுக்கு மிகவும் உதவிகரமாகவும் பயனுள்ளதாகவும் இருக்கும்.

மெனோபாஸ் காலத்தில் பெண்களுக்கு பளு தூக்குதல் பலனளிக்கும் 9 வழிகள்:

1. எலும்பு அடர்த்தியை அதிகரிக்கிறது

பெண்களுக்கு மெனோபாஸ் நெருங்கும்போது, ​​அவர்களின் ஈஸ்ட்ரோஜன் அளவு குறையத் தொடங்குகிறது, இது எலும்பின் அடர்த்தி குறைவதற்கு வழிவகுக்கும். பளு தூக்குதல் எலும்பின் அடர்த்தியை அதிகரிப்பதோடு, பலவீனமான எலும்புகளால் ஏற்படும் ஆஸ்டியோபோரோசிஸ் அபாயத்தைக் குறைப்பதாகவும் கண்டறியப்பட்டுள்ளது. பளு தூக்குதல் எலும்பின் சுமை தாங்கும் திறனை அதிகரிக்கிறது. எலும்பு வளர்ச்சி மற்றும் அடர்த்தியை ஊக்குவிக்கிறது.

2. வளர்சிதை மாற்றத்தை அதிகரிக்கிறது

பெண்களுக்கு வயதாகும்போது, ​​அவர்களின் வளர்சிதை மாற்றம் குறைந்து, எடை அதிகரிப்பதற்கும், எடை குறைப்பதில் சிரமத்துக்கும் வழிவகுக்கும். பளு தூக்குதல் தசை பெருக்கத்தை அதிகரிக்கும். இது உடலின் வளர்சிதை மாற்ற விகிதத்தை அதிகரிக்கிறது. அதிக கலோரிகளை எரிக்கிறது. எடை மேலாண்மைக்கு உதவுகிறது.

3. மனநிலையை மேம்படுத்துகிறது

மாதவிடாய் நிறுத்தம் ஹார்மோன் மாற்றங்களைக் கொண்டு வரலாம், இது மனநிலை மாற்றங்கள், மனச்சோர்வு, பதற்றம் ஆகியவற்றுக்கு வழிவகுக்கும். உடற்பயிற்சி மன ஆரோக்கியத்தில் நேர்மறையான தாக்கத்தை ஏற்படுத்துவதாக கண்டறியப்பட்டுள்ளது. பளு தூக்குதல் இதற்கு விதிவிலக்கல்ல. பளு தூக்குதல் எண்டோர்பின்களை வெளியிடலாம். இவை இயற்கை ரசாயனங்கள் அதிகரித்து நல்வாழ்வு மற்றும் மகிழ்ச்சியை உருவாக்குகின்றன.

4. சூடான ஃப்ளாஷ்களை குறைக்கிறது

மாதவிடாய் நிறுத்தத்தின் பொதுவான அறிகுறியான சூடான ஃப்ளாஷ்கள் ஒரு பெண்ணின் வாழ்க்கையை கணிசமாக சீர்குலைக்கும். சூடான ஃப்ளாஷ்கள் என்றால் திடீரென்று உடலில் தீ பட்டது போன்ற எரிச்சல் உணர்வு பரவுதல். பளுதூக்குதல் இந்த சூடான ஃப்ளாஷ்களின் நிகழ்வு மற்றும் தீவிரத்தை குறைக்கும் என்று ஆய்வுகள் காட்டுகின்றன.

5. தூக்கத்தை அதிகரிக்கிறது

மாதவிடாய் நிறுத்தத்தை அனுபவிக்கும் பெண்களிடையே தூக்கமின்மை ஒரு பொதுவான பிரச்னையாகும். பளு தூக்குதல் தூக்கத்தின் தரத்தை மேம்படுத்துகிறது. சிறந்த ஓய்வை அளிக்கிறது. தூக்கம் தொடர்புடைய மருத்துவ நிலைமைகளின் அபாயத்தைக் குறைக்க உதவுகிறது.

6. இதய ஆரோக்கியத்தை மேம்படுத்துகிறது

ஹார்மோன்களில் ஏற்படும் மாற்றங்கள் காரணமாக மாதவிடாய் நின்ற பிறகு இதய நோய் அபாயம் அதிகரிக்கிறது. இந்த ஆபத்தை குறைக்க உடல் செயல்பாடு பரிந்துரைக்கப்படுகிறது. பளு தூக்குதல் ரத்த அழுத்தம் மற்றும் கொலஸ்ட்ரால் அளவைக் குறைப்பதன் மூலம் இதய ஆரோக்கியத்தை மேம்படுத்தலாம், இவை இரண்டும் இதய நோயுடன் தொடர்புடையவை.

7. வலிமை மற்றும் சகிப்புத்தன்மையை அதிகரிக்கிறது

மாதவிடாய் தொடர்பான தசை இழப்பு காரணமாக உடல் வலிமை, ஆற்றல் மற்றும் சகிப்புத்தன்மை குறைவதற்கு வழிவகுக்கும். பளு தூக்குதல் தசை பெருக்கத்தை மேம்படுத்துகிறது. தசை இழப்பைத் தடுக்கிறது. இது வலிமை மற்றும் ஆற்றல் மட்டங்களை அதிகரிக்க வழிவகுக்கிறது.

8. மூட்டு வலியைக் குறைக்கிறது

மாதவிடாய் காலத்தில் பெண்களுக்கு மூட்டு வலி ஒரு பொதுவான பிரச்னையாகும், ஆனால் பளு தூக்குதல் மூட்டுகளைச் சுற்றியுள்ள தசைகளை வலுப்படுத்தவும், சரியான மூட்டு சீரமைப்பை மேம்படுத்தவும், வலி ​​மற்றும் வீக்கத்தைக் குறைக்கவும் உதவும்.

9. அறிவாற்றல் செயல்பாட்டை மேம்படுத்துகிறது

அறிவாற்றல் வீழ்ச்சி பலருக்கு வயதாகும்போது ஒரு கவலையாக இருக்கிறது, ஆனால் பளு தூக்குதல் அறிவாற்றல் செயல்பாட்டை மேம்படுத்தவும் வயது தொடர்பான நினைவாற்றல் இழப்பைத் தடுக்கவும் உதவும். பளு தூக்குதல் மூளைக்கு ரத்த ஓட்டத்தை மேம்படுத்துகிறது, புதிய நரம்பியல் இணைப்புகளின் வளர்ச்சியை ஊக்குவிக்கிறது. அறிவாற்றல் குறைவதன் அபாயத்தைக் குறைக்கிறது.

இறுதியாக, மெனோபாஸ் ஆண்டுகளில் தினசரி உடற்பயிற்சியில் பளுதூக்குதலை இணைத்துக்கொள்வது, உடல் ரீதியாகவும் உளவியல் ரீதியாகவும் பலவிதமான நன்மைகளை அளிக்கும். இருப்பினும், சரியான வழிகாட்டுதல் மற்றும் பயிற்சியுடன், பளு தூக்குதல் என்பது மாதவிடாய் காலத்தில் ஆரோக்கியமான வாழ்க்கை முறைக்கு ஒரு சிறந்த கூடுதலாக இருக்கும்.