Foods for Stress: பதட்டத்தை குறைக்க உதவும் உணவு வகைகள்! பக்கா லிஸ்ட் தயார்!

மன பதட்டத்தில் இருந்து விடுபட உதவும் உணவுகளின் லிஸ்டை இங்கு பார்க்கலாம். மேலும் இதன் வழியாக முழுமையாக மன பதட்டத்தை குறைத்து விட முடியாது. மாற்றாக தாங்கள் அதிக பதட்டத்துடன்  இருப்பதை ஆரம்ப கட்டத்திலேயே கண்டறிந்தவர்கள் இந்த உணவுகளை சாப்பிட்டு பயன் அடையலாம்.   

மஞ்சள்

மஞ்சள் என்பது குர்குமின் என்ற ஒரு வேதிப்பொருளை கொண்டுள்ளது. இது  மூளை ஆரோக்கியத்தை மேம்படுத்துவதிலும், பதட்டமான மனநிலை கோளாறுகளைத் தடுப்பதிலும் பங்காற்றுகிறது. அதிக ஆக்ஸிஜனேற்ற மற்றும் அழற்சி எதிர்ப்பு பண்புகளுக்கு பெயர் பெற்ற குர்குமின், நாள்பட்ட அழற்சி மற்றும் ஆக்ஸிஜனேற்ற அழுத்தத்துடன் தொடர்புடைய மூளை செல்கள் சேதமடைவதைத் தடுக்க உதவும்.

டார்க் சாக்லேட்

டார்க் சாக்லேட்டில் எபிகாடெசின் மற்றும் கேடசின் போன்றவை உள்ளன, அவை ஆன்டிஆக்ஸிடன்ட்களாக செயல்படுகின்றன.  டார்க் சாக்லேட்டில் காணப்படும் இவை மூளையின் செயல்பாட்டிற்கு நன்மை பயக்கும். குறிப்பாக சாக்கலேட்டில் இருக்கும் ஃபிளாவனால்கள் எனும் வேதிப்பொருள்  மூளையின் இரத்த ஓட்டத்தை அதிகரிக்கும்.  இருப்பினும் சில ஆராய்ச்சியாளர்கள் மூளை ஆரோக்கியத்தில் டார்க் சாக்லேட்டின் பங்கு அதன் சுவையின் காரணமாக இருக்கலாம் என தெரிவிக்கின்றனர். 

தயிர்

தயிரில் காணப்படும் புரோபயாடிக்குகள் அல்லது ஆரோக்கியமான பாக்டீரியா, மன ஆரோக்கியம் உட்பட உடலின் பல அம்சங்களை மேம்படுத்தும். புரோபயாடிக்குகள் குடல் மற்றும் மூளைக்கு இருக்கும் பாக்டீரியவை வளர்க்கிறன. மேலும், தயிர் போன்ற புரோபயாடிக் உணவுகள் வீக்கத்தைக் குறைப்பதன் மூலமும், செரோடோனின் போன்ற மனநிலையை அதிகரிக்கும் நரம்பியக்கடத்திகளின் உற்பத்தியை அதிகரிப்பதன் மூலமும் மன ஆரோக்கியத்தையும் மூளையின் செயல்பாட்டையும் ஊக்குவிக்கும். மாதவிடாய் கால நிலையில் பெண்களின் பதட்டத்தை குறைக்க தயிர் உதவுகிறது. 

க்ரீன் டீ

க்ரீன் டீயில் எல்-தியானைன் என்ற அமினோ அமிலம் உள்ளது, இது மூளை ஆரோக்கியம் மற்றும் பதட்டத்தில் ஏற்படக்கூடிய நேர்மறையான விளைவுகளுக்கு பயன்படுகிறது. மேலும், கிரீன் டீயில் எபிகல்லோகேடசின் கேலேட் (EGCG) உள்ளது, இது மூளையின் ஆரோக்கியத்தை மேம்படுத்த பரிந்துரைக்கப்படும் ஒரு ஆக்ஸிஜனேற்றியாகும்.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒரு போதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக்குறிப்புக்களை பின்பற்றி பயன்பெறுங்கள்.