Science and Technology : சூழலை காக்க லித்தியத்தை மறுசுழற்சி செய்யும் தேவை உள்ளது – நிபுணர்கள் விளக்கம்
Published Sep 11, 2023 01:30 PM IST
Science and Technology : லித்தியம், ஜெர்மானியம் போன்ற முக்கிய வேதிப்பொருட்களை திரும்பபெறும் தொழில்நுட்பங்களை வடிவமைப்பதுடன், உலோகங்களை சுத்தப்படுத்தும் தொழில்நுட்பங்களையும் திறம்பட செயல்படுத்த வேண்டிய தேவை உள்ளது.
லித்தியத்தின் தேவை மற்றும் பயன்பாடு
புவி வெப்பமடைதல் பாதிப்பு அதிகரித்துவரும் நிலையில், மின்னணு வாகனங்களை பயன்படுத்துவது புவிவெப்பமடைதல் பாதிப்புகளை குறைக்க உதவும். ஆனால், மின்னணு வாகனங்களுக்கு லித்திய மின்கலங்கள் தேவை.
இந்நிலையில், ஒரு டன் லித்தியத்தை தோண்டி எடுக்கும்போது 15 டன் கரியமிலவாயு வெளியாகி கார்பன் உமிழ்வை அதிகமாக்குகிறது. மேலும், லித்தியத்தை தோண்டி எடுப்பதற்கு அதிக ஆற்றல் தேவைப்படுகிறது. சுற்றுச்சூழல் பாதிப்புகளும், நிலம், நீர், காற்று, நிலத்தடி நீர் என அனைத்தும் வெகுவாக பாதிக்கப்படுகிறது.
இந்தியாவில் 2019ம் ஆண்டு 3.2 மில்லியன் டன் மின்னணுக் கழிவுகள் உற்பத்தி செய்யப்பட்டுள்ளது. எனினும், கழிவில் 17 சதவீதம் மட்டுமே, மறுசுழற்சி செய்யப்பட்டுள்ளது.