Hair Fall Prevention: தலைமுடி உதிர்வை தடுத்து, முடி வளர்ச்சியை பேனி காக்கும் தாவர உணவுகள் பற்றி தெரியுமா?
சில தாவர வகை உணவுகளை தொடர்ச்சியாக சாப்பிடுவதை வழக்கமாக்கி கொண்டால் தலைமுடி உதிர்வு பாதிப்பு ஏற்படாமல் தவிர்க்கலாம். தலைமுடியை பேனி பாதுகாக்கும் உணவு வகைகள் பற்றி தெரிந்து கொள்ளலாம்.
முடி உதிர்வை தடுப்பதற்கு அனைத்து விதமான முயற்சிகளும் மேற்கொண்ட பிறகு எதிர்பார்த்த பலன் கிடைக்காமல் கவலைப்படுகிறீர்களா? என்னதான் அதற்கான மருந்துகள், மாத்திரைகள், மூலிகை எண்ணெய் வகைகளை தலைமுடியில் தேய்த்தாலும், மோசமான அளவில் ஊட்டச்சத்துகள் இருப்பது தலைமுடி உதிர்வுக்கு முக்கிய காரணமாக உள்ளது. எனவே நீங்கள் ஊட்டச்சத்துகள் மிகுந்த சரியான உணவை சாப்பிடுவதன் மூலம் தலை முடி ஆரோக்கியத்தை பேனி பாதுகாக்கலாம்.
தலைமுடி உதிர்வுக்கான காரணங்கள்
தலைமுடி உதிர்வுக்கு பொதுவான காரணமாக ஆண்ட்ரோஜெனிக் அலோபீசியா என்ற பரம்பரை நிலை உள்ளது. வயதான பின்பு இவை ஏற்படுகிறது. இதேபோல் தலைமுடி உதிர்வு, அடர்த்தி குறைவதற்கு பல்வேறு காரணங்கள் உள்ளன. சில சமயங்களில் தலை முடி பராமரிப்பு என்ற பெயரில் அவற்றுக்கு அதிகப்படியான அழுத்தங்கள் கொடுப்பது, உச்சந்தலை பகுதியில் ஏற்படும் தொற்று, ஹார்மோன் மாற்றங்கள் அல்லது மருந்துகளை பயன்படுத்துவதால் நிகழும் எதிர்வினை, ரசாயண சிகிச்சை போன்றவற்றாலும் இவ்வாறு நிகழ்கிறது.
எனவே தலைமுடி உதிர்வு காரணமாக தூக்கத்தை இழப்பவர்கள், அதிகமாக சிந்திப்பதையும், பயத்தையும் விட்டு விலக வேண்டும். உங்கள் தலைமுடி உதிர்வுக்கு கீழ்காணும் காரணங்களில் ஏதாவது ஒன்றாக இருப்பதற்காகவும் வாய்ப்பு உள்ளது. அதை ஆராய்ந்து தலைமுடிகளில் பாதிப்பு ஏற்படுவதை தவிர்க்க முயற்சி செய்யுங்கள்.