Hypertension: உயர் இரத்த அழுத்தம் எனும் ‘சைலண்ட் கில்லர்’.. இப்படி கையாளுங்க.. - மருத்துவர் பேட்டி!

பெரிதான எந்த அறிகுறியையும் காட்டாமல் இருக்கும் இந்த நோயினை ‘ சைலண்ட் கில்லர்’ என்று அழைக்கிறார்கள். இந்த பிரச்சினையை முறையாக கவனிக்க தவறும் பட்சத்தில் உடலின் பல்வேறு பாகங்களில் நாம் பிரச்சினைகளை எதிர்கொள்ள வேண்டிய சூழ்நிலை உருவாகும்.

ஆகையால் உயர் இரத்த அழுத்தத்தை கவனிப்பது இன்றியமையாத ஒன்றாக இருக்கிறது. சின்ன சின்ன மாற்றங்களை மேற்கொள்ளும் பட்சத்திலேயே நாம் இதனை வெற்றிகரமாக கையாள முடியும். ஆரோக்கியமான உணவு முறை, சத்தான உணவுகளில் கவனம் செலுத்தி எடுத்துக்கொள்ளுதல், நாள் ஒன்றிற்கு 5 கிராமிற்கு மேல் உப்பு உண்பதை தவிர்த்தல் உள்ளிட்டவை இரத்த அழுத்தத்தை கையாளுதலில் முக்கியப்பங்கு வகிக்கின்றன. 

வாரத்திற்கு 150 நிமிடங்கள் ஏரோபிக் உடற் பயிற்சிகளில் ஈடுபடுவது இரத்த அழுத்தம் சீராக இருக்க உதவிகரமாக இருக்கிறது. அதே போல உடலின் இரத்த அழுத்தம் குறித்த சோதனையையும் முறையாக செய்து கொள்ளுதல் நலம். குறிப்பாக குடும்ப உறுப்பினர்களுக்கு பரம்பரை பரம்பரையாக உயர் இரத்த அழுத்த பிரச்சினை இருக்கும் பட்சத்தில் இன்னும் நாம் கவனமாக இருக்க வேண்டும்” என்றார்.

அதே போல புகைப்பிடித்தலை தவிர்த்தல், சைக்கிளிங் செல்லுதல், 8 முதல் 10 மணி நேர வரை தூங்குதல், அதிகப்படியாக காஃபி எடுத்துக்கொள்ளாமல் இருத்தல், அலுவலத்தில் அதிக நேரம் வேலை செய்தலை தவிர்த்தல் உள்ளிட்டவையும் உயர் இரத்த அழுத்தத்தில் நம்மை பாதுகாக்கும்.