தமிழ் செய்திகள்  /  லைஃப்ஸ்டைல்  /  Herbal Medicine: நீரிழிவு, வயிற்றுப்புழு, மஞ்சள்காமாலையை போக்கும் அதலக்காய் மருத்துவ பயன்கள்

Herbal medicine: நீரிழிவு, வயிற்றுப்புழு, மஞ்சள்காமாலையை போக்கும் அதலக்காய் மருத்துவ பயன்கள்

I Jayachandran HT Tamil
May 18, 2023 09:00 PM IST

நீரிழிவு, வயிற்றுப்புழு, மஞ்சள்காமாலையை போக்கும் அதலக்காயின் பிற மருத்துவ பயன்கள் குறித்து இங்கு அறிந்து கொள்ளுங்கள்.

அதலக்காய் மருத்துவ பயன்கள்
அதலக்காய் மருத்துவ பயன்கள்

ட்ரெண்டிங் செய்திகள்

கார்த்திகை மறறும் மார்கழி மாதப் பருவத்தில் மட்டும் விளையும் காய் என்பதால், இதை வற்றல் போட்டு வைத்தும் பயன்படுத்துகிறார்கள்.

இன்றைய சூழலில் நிறைய பேர் பாதிக்கப்படும் பிரச்னைகளில் ஒன்று நீரிழிவு நோய். நீரிழிவு நோய் வருவதற்கு மிக முக்கியமான காரணமே நமது உணவு முறைதான். நமது தமிழ் பாரம்பரியம் என்று மறக்கப்பட்டதோ, அன்றே பல நோய்கள் வந்துவிட்டது.

மேலை நாட்டு உணவு முறைகளை நாம் என்று நாகரிகமாக கருதினோமோ, அன்றே பல நோய்களுக்கு நாம் அடிமையாகிவிட்டோம். இன்று பலரையும் அடிமைப்படுத்தி தன கட்டுக்குள் வைத்திருக்கும் நோய்களில் முதன்மையான நோயாக உள்ளது நீரிழிவு எனப்படும் சர்க்கரை நோய். இதற்கு அதலக்காய் அருமருந்தாக உள்ளது. அதலக்காயின் நன்மைகள் பற்றி விரிவாகப் பார்ப்போம்.

மருத்துவப் பயன்கள்

அதலகாயை பொறுத்தவரையில், உலகத்தில் எந்த நாட்டிலும் விளையாத ஒரு காய். ஆனால், இந்த காய் நம் தமிழ்நாட்டில் மட்டும் விளையக்கூடியது. இது, தமிழ்நாட்டில் தூத்துக்குடி, விருதுநகர், மதுரை, விருதுநகர், சிவகங்கை போன்ற மாவட்டங்களில் அதிகமாக கிடைக்கும். இந்தக் காயில் பல வகையான மருத்துவக் குணங்கள் உள்ளது.

இந்தக் காயில், துத்தநாகம், வைட்டமின்சி, பாஸ்பரஸ் போன்ற சத்துக்கள் அதிகமாக உள்ளது. இந்தக்காய் அதிகமாக மழைக்காலங்களில் மட்டுமே விளையக் கூடியது. அதலக்காய் மூலிகை செடி கொடிகளில் ஒன்றாகும். இதன் விதையை எடுத்து நாம் வைத்தாலும் இந்த செடி வளராது. ஏனென்றால் இந்தச் செடி மழைக்காலங்களில் தானாக வளரக் கூடிய ஒரு செடி.

நீரிழிவு நோய்

நீரிழிவு நோய் உள்ளவர்களுக்கு அதலைக்காய் ஒரு சிறந்த மருந்தாகக் கருதப்படுகிறது. இதில் உள்ள சத்துக்கள் ரத்தத்தில் சர்க்கரையின் அளவை கட்டுப்படுத்தி, சர்க்கரை நோயின் தாக்கத்தை குறைக்கிறது.

மஞ்சள் காமாலை

மஞ்சள்காமாலை பிரச்னை உள்ளவர்களுக்கு அதலைக்காய் ஒரு சிறந்த மருந்தாகும். மஞ்சள் காமாலை நோய் உள்ளவர்கள் இந்த காயை தினந்தோறும் அவர்களது உணவில் சேர்த்துக் கொண்டால் மஞ்சள் காமாலை பிரச்னையில் இருந்து விடுபடலாம்.

உடல் எரிச்சல்

உடல் எரிச்சல் பிரச்னை உள்ளவர்கள் அதலக்காயை தினந்தோறும் தங்களது உணவில் சேர்த்து வந்தால், உடல் எரிச்சல் பிரச்னையில் இருந்து விடுபடலாம்.

குடற்புழு

குடற்புழு பிரச்னை உள்ளவர்களுக்கு இந்த காய் ஒரு சிறந்த மருந்தாகும். இதில் உள்ள சத்துக்கள் நமது வயிற்று பிரச்னையை தீர்ப்பதில் மிக முக்கியமான பங்கை வகிக்கிறது. இது வயிற்றில் காணப்படும் கிருமிகளை அழிப்பதோடு, குடற்புழு பிரச்னைகளையும் சரி செய்கிறது.

பாகற்காயைப் எப்படி பொரியல் மறறும குழம்பு வைத்து சாப்பிடுகிறோமோ, அப்படி இந்தக் காயை சாப்பிட வேண்டும்.

WhatsApp channel

டாபிக்ஸ்