Exclusive : குளித்துவிட்டு, ஈரத்தலையுடன் உறங்கச் செல்லும் நபரா நீங்கள்? காத்திருக்கும் ஆபத்து என்ன-விளக்கும் மருத்துவர்!

டாக்டர் ஆம்னா அடேல என்ற சரும நோய் நிபுணர் தனது இன்ஸ்டாகிராம் பக்கத்தில் ஒரு வீடியோவைப் பகிர்ந்துள்ளார். அதில் நீங்கள் தலைக்கு குளித்துவிட்டு, முடியை காயவிடாமல் ஈரத்துடன் உறங்கச் சென்றுவிட்டால் என்னவாகும் என்று கூறியுள்ளார். அதில், அடேல் ஒரு விஷயத்தை அழுத்தி கூறுகிறார். நீங்கள் ஈரத்தலையுடன் உறங்கச்சென்றால், அது உங்கள் தலையில் பூஞ்ஜைகள் ஏற்பட வாய்ப்பாக இருந்துவிடும் என்கிறார். உங்கள் தலையில் இயற்கை ஈஸ்ட் இருந்தாலும், ஈரத்தலை, இந்த ஈஸ்ட் அதிகம் உங்கள் தலையில் வளர்வதற்கு சிறந்த சூழலை அமைத்துவிடும். இதனால் உங்கள் தலையில் பூஞ்ஜை தொற்றுக்களும், நாடாபுழுக்களும் உருவாக காரணமாகிவிடும். 

ஈரத்தலையுடன் உறங்காதீர்கள்!

அந்த வீடியோவில் அவர் மேலும் கூறுகையில், நாம் தலைக்கு குளித்துவிட்டு, நமது தலைமுடியை அலசாவிட்டால், அதனால் நமது தலையில் தொற்றுகள் ஏற்படுவதுடன், நம்மை வேறு விதமாக மக்கள் பார்க்கத் துவங்கிவிடுவார்கள். எனவே நமது தலையில் இயற்கையான ஈஸ்ட் அதிகம் உள்ளது என்பதை நாம் உணரவேண்டும். அது நமது சருமத்திலும் இருக்கும். வாடகையில்லாமல் தங்கும் ஒட்டுண்ணியாகும். பூஞ்ஜையும் நமது உடலில் ஒட்டிக்கொண்டு வாழும் ஒட்டுண்ணியாகும். அதற்கு மலாசெஸ்யா என்று பெயர். இதற்கு ஈரம் மிகவும் பிடிக்கும். கொஞ்சம் ஈரம் கிடைத்தால் கூட இது பல்கிப்பெருகிவிடும். 

நீங்கள் தலைக்கு குளித்துவிட்டு, அதை காயவைக்க சோம்பேறிப்படும் நபர் என்றாலும், அதை அப்படியே விட்டுவிடுபவர் என்றாலும், பல மணி நேரங்கள் ஈரத்தலையுடன் வாழ்பவர் எள்றால், நீங்கள் உங்கள் தலையில் ஈஸ்ட் அதிகம் வளரும் சூழலை உருவாக்குகிறீர்கள். இதனால் உங்களுக்கு பொடுகு ஏற்படும். அது செப்ரோஹோயிக் டெர்மடிட்டிஸ் என்று அழைக்கப்படும்.

தொற்று முதல் காய்ச்சல் வரை

ஈரத்தலையுடனே உறங்கச் செல்லும்போது, உங்களுக்கு தலையில் பூஞ்ஜை தொற்றுகள் ஏற்படும் வாய்ப்பு அதிகம் இருக்கும். அந்த பூஞ்ஜை டினியா கெபிடிஸ் என்ற நாடாப்புழுவாகும். நீங்கள் உங்கள் தலையில் இந்த பிரச்னை ஏற்படவேண்டாம் என்று எண்ணினால் தலையை நன்றாக உலர்த்தவேண்டும். உலர்த்தாமல் உறங்கச் செல்லக்கூடாது. இந்த தொற்றால் உங்கள் தலைமுடி உதிர்ந்துவிடும். எனவே நீங்கள் அலசியவுடன் உங்கள் தலையை நன்றாக உலர்த்தவேண்டும். காய்ந்த தலையில் பூஞ்ஜைகள் வளராது. ஈரத்தலையுடன் உறங்கச் செல்வது சிலருக்கு சளி, இருமல், காய்ச்சல், தலைவலி போன்ற உடல் உபாதைகளைக் கூட ஏற்படுத்திவிடும். எனவே கவனம் தேவை.

பொறுப்பு துறப்பு

இங்கு பகிரப்பட்டுள்ள தகவல்கள் அனைத்தும் முற்றிலும் உண்மை என்றும், இதனால் தீர்வு நிச்சயம் என்றும் கூற முடியாது. ஆனாலும், அனுபவங்களின் அடிப்படையில் தேர்ந்தெடுத்து ஆய்ந்தறிந்தே வழங்கப்படுகிறது. இவையனைத்தும் தீர்வு என்று நாங்கள் ஒருபோதும் கூறமாட்டோம்.

எனவே, நாள்பட்ட அல்லது தீவிரமான பிரச்னைகளுக்கு மருத்துவரை அணுகுவதுதான் சிறந்த வழி. எனவே தேவையான பிரச்னைகளுக்கு மருத்துவரை அணுகி பலன்பெறுவதே சிறந்தது. இவையெல்லாம் முதலுதவி போல் உதவக்கூடும். இங்கு கொடுக்கப்படும் மருத்துவக் குறிப்புக்களை பின்பற்றி பயன்பெறுங்கள்.