பெருஞ்சீரகத்தில் இத்தனை அற்புதமான நன்மைகளா!

சோம்பு(பெருஞ்சீரகம் ) ஒரு இயற்கையான வாய் ப்ரெஷ்னர், அஞ்சறைப் பெட்டியில் உள்ள வாசனை மசாலாப் பொருட்களில் இதுவும் ஒன்று. 

இது நம்நாட்டின் உணவுகளின் சுவையை அதிகரிக்க பயன்படுகிறது. மேலும் செரிமானப் பிரச்சினைகளுக்கான பழங்கால தீர்வாக சோம்பு(பெருஞ்சீரகம் ) இருந்துள்ளன. கிட்டத்தட்ட ஒவ்வொரு சமையலறையிலும் இது காணப்படுகின்றன.

சோம்பு(பெருஞ்சீரகம் ) விதைகளின் இனிமையான மற்றும் சக்திவாய்ந்த சுவையை, நவீன பிரெஞ்சு மற்றும் இத்தாலிய சமையலில் மிகவும் பிரபலமாக பயன்படுத்துகிறது. அதன் தனித்துவமான வாசனை மற்றும் சுவை தவிர, இதில் மருத்துவ நன்மைகள் இருப்பதாக பண்டைய காலங்களிலிருந்து குறிப்பிடப்பட்டுள்ளன.

சோம்பு(பெருஞ்சீரகம் ) விதைகள் செரிமானத்தை அதிகரிக்கும் பண்புகளுக்காக நாட்டின் பல்வேறு பகுதிகளில் பயன்படுத்தப்படுகின்றன. ஆனால் உடல் பருமனைக் கட்டுப்படுத்த ரோமானியர்கள் இதைப் பயன்படுத்தியதாகக் கூறப்படுகிறது .

இந்தியாவில், உணவுக்குப் பிறகு வெற்று அல்லது சர்க்கரை பூசப்பட்ட மிட்டாய் போல மென்று சாப்பிடுவது இயல்பானது, உலகின் பல பகுதிகளில் மக்கள் அவற்றை சிறிது உப்பு அல்லது சர்க்கரையுடன் வறுத்து சிற்றுண்டியை உருவாக்குகிறார்கள்.

கால்சியம், வைட்டமின் சி, இரும்பு, மெக்னீசியம் மற்றும் பொட்டாசியம் நிறைந்த, சோம்பு(பெருஞ்சீரகம் ) விதைகள், எடையை குறைப்பது மட்டுமல்லாமல், புற்றுநோயைத் தடுக்கும் என்று கூறப்படுகிறது, ஏனெனில் அவற்றில் அனெத்தோல் என்ற கலவை உள்ளது. 

இது ஆராய்ச்சியின் படி மார்பக புற்றுநோய் செல்களை அழித்து பரவுவதை நிறுத்துகிறது. மேலும் இதிலுள்ள அனெத்தோல் பாலூட்டும் தாய்மார்களுக்கு பால் உற்பத்தியைத் தூண்டுவதாகவும் கூறப்படுகிறது.

ஆயுர்வேத நிபுணர் டாக்டர் டிக்சா பவ்சர் சமீபத்தில் தனது இன்ஸ்டாகிராம் பதிவில், சோம்பு(பெருஞ்சீரகம் ) ஒரு பழங்கால இந்திய மசாலா. பொதுவாக, மசாலா இயற்கையில் சூடாக இருக்கும் மற்றும் வயிற்றுக்கு இனிமையானவை அல்ல. 

ஆனால் சோம்பு(பெருஞ்சீரகம் ) மட்டும் அதில் விதிவிலக்கு. உணவுக்குப் பிறகு மெல்லும் விருப்பமான மசாலாவாகும். ஆயுர்வேதத்தில் சோம்பு(பெருஞ்சீரகம் ) செரிமானம் குறித்த பணியில் சிறப்புப் பங்கு வகிக்கிறது.

அதன் குளிர்ச்சி மற்றும் இனிப்பு பண்புகள் காரணமாக, அக்னியை (செரிமான நெருப்பை) வலுப்படுத்துகிறது மற்றும் சூடேற்றுகிறது. மேலும் ஒரு திரிடோஷிக் மூலிகையாக, சோம்பு(பெருஞ்சீரகம் ) வட்டா மற்றும் கபாவை சமநிலைப்படுத்துகிறது. 

அதனால் இது ஒரு சிறந்த செரிமான தேர்வாக அமைகிறது. அதிகப்படியான வாயுவால் செரிமானத்திற்குப் பிந்தைய பிரச்சனைகளை அனுபவிக்கும் எவருக்கும் சோம்பு(பெருஞ்சீரகம் ) உதவியாக இருக்கும்.

ஆயுர்வேத சத்துக்களின் படி இதன் நன்மைகள்;

* உடல் தளர்ச்சி, நாள்பட்ட சுவாசக் கோளாறுகளில் (காசநோயைப் போல) மருந்தாக இருக்கும்.

.* பால்யா - வலிமை மற்றும் நோய் எதிர்ப்பு சக்தியை மேம்படுத்துகிறது

* பிட்டாஸ்ரதோஷஜித் - பித்த தோற்றத்தின் இரத்தப்போக்கு கோளாறுகளுக்கு பயனுள்ளதாக இருக்கும்.

* அக்னிக்ருத் - செரிமான சக்தியை மேம்படுத்துகிறது

* ஹ்ருத்யா - இதயத்திற்கு நல்லது, கார்டியாக் டானிக்

* சுக்ரபாஹா, அவ்ருஷ்யா - இது பாலுணர்வை உண்டாக்கும் பொருள் அல்ல

* யோனிசூலனட் - மாதவிடாயின் போது வலியைப் போக்க பயனுள்ளதாக இருக்கும். பாலூட்டும் தாய்மார்களுக்கு தாய்ப்பாலின் ஓட்டத்தை ஊக்குவிக்கிறது.

இது, புழு தொல்லை, மலச்சிக்கல், வாத கோளாறுகள், எரியும் உணர்வு, பசியின்மை, உணவில் ஆர்வமின்மை, வாந்தி மற்றும் இருமல் மற்றும் சளி ஆகியவற்றிற்கும் உதவுகிறது என்று டாக்டர் பாவ்சர் கூறுகிறார்.

பெருஞ்சீரகம் விதைகளின் மனநல நன்மைகள்;

பெருஞ்சீரகம் விதைகளின் சாத்வீக குணங்கள் மனதை புத்துணர்ச்சியடையச் செய்வதாகவும், மன விழிப்புணர்வை மேம்படுத்துவதாகவும் கூறப்படுகிறது. பொதுவாக நறுமண மசாலாக்கள் கண்களுக்கு புத்துணர்ச்சி அளிப்பதாக கருதப்படுகிறது.