இதய ஆரோக்கியத்துக்கு ஏற்ற 10 சுவையான உணவுப் பொருட்கள்

1. பீட்ரூட்

பீட்ரூட்டில் பல்வேறு வைட்டமின்களும் தாதுச்சத்துகளும் அடங்கியுள்ளன. இதயத்துக்கு உகந்த பொட்டாசியம் இதில் அதிகம் இருப்பதால் பீட்ரூட் சாப்பிட்டால் கலோரி குறைந்த நைட்ரேட் சத்தைப் பெறலாம். இந்த நைட்ரேட்கள் உடலில் நைட்ரிக் ஆக்ஸைடாக மாறி ரத்தக்குழாய்களை விரிவடையச் செய்யும். இதனால் உயர் ரத்த அழுத்தம் காரணமாக இதயத்துக்கு ஏற்படும் பாதிப்புகள் குறையும்.

பீட்ரூட்டை ஜூஸ் செய்து அருந்தலாம். பொரியல் செய்து சாப்பிடலாம். பீட்ரூட் பொடியை கடைகளில் வாங்கி இட்லி, சாதம், தோசை, சப்பாத்தியிலும் கலந்து சாப்பிட்டால் சுவையுடன் உடல் ஆரோக்கியமும் கிடைக்கும். ஓட் மீல்கள் மற்றும் ஸ்மூத்திகளிலும் பீட்ரூட்டை சேர்க்கலாம்.

2. டார்ட் செர்ரிகள்

டார்ட் செர்ரிகளில் பாலிஃபீனால் ஆன்டிஆக்சிடெண்ட்ஸ் மற்றும் ஆன்டி இன்பிளமேட்டரி குணங்கள் அடங்கியுள்ளதால் ரத்த நாளத்துக்கு ஏற்றதாகும்.

டார்ட் செர்ரி ஜூஸ் அருந்தினால் ரத்தத்தில் உள்ள கொலஸ்டிரால் அளவு வெகுவாகக் குறையும். ஜூஸ் செய்து குடிக்க விரும்பாவிட்டால் டார்ட் செர்ரிகளை ஸ்மூத்திகளில் அல்லது கொட்டைப்பருப்புகளுடன் சைடு ஸ்நாக்காகச் சாப்பிடலாம்.

இனிப்பூட்டப்பட்ட டார்ட் செர்ரிகள் கடைகளில் கிடைக்கின்றன. இதை சர்க்கரைக்கு பதில் ஆப்பிள் ஜூஸில் கலந்து குடிக்கலாம்.

3 பிஸ்தா பருப்பு

பிஸ்தா பருப்பில் நிறைந்துள்ள ஏறத்தாழ 90 சதவீத கொழுப்பு உடலுக்கு நன்மை பயக்கும் மோனோ மற்றும் பாலிஅன்சாச்சுரேட்டடு வகை கொழுப்பாகும். ஒரு பிஸ்தா பருப்பில் 3 கிராம் நார்ச்சத்து உள்ளது. மிளகாயில் தொய்த்த அல்லது தேனுடன் வறுத்த பிஸ்தா பருப்பு சாப்பிடுவதற்கு மிகவும் சுவையாக இருக்கும்.

4. முழு தானியங்கள்

முழு தானியங்கள் நிறைந்த உணவுப் பதார்த்தங்கள் இதய நோய் உண்டாகும் அபாயத்தைக் குறைக்கின்றன. தீட்டப்பட்ட தானியங்களுக்குப் பதிலாக முழு தானிய வகைகளை உட்கொண்டால் உடலில் உள்ள மொத்த கொலஸ்டிரால், எல்டிஎல் கொலஸ்டிரால் மற்றும் டிரைகிளைசரைட்ஸ் ஆகியவற்றை குறைக்கும். இவை இதயத்தை பாதிக்கக்கூடியவையாகும்.

5. உருளைக்கிழங்கு

இதயநலனைப் பொருத்தமட்டில் பொட்டாசியம் அதிகம் தேவையென்பதால் உயர் ரத்த அழுத்தத்தைக் குறைப்பதற்கு உருளைக்கிழங்கை சாப்பிட வேண்டும். வாழைப்பழங்களில் காணப்படுவதை விட மிக அதிக அளவில் உருளைக்கிழங்கில் பொட்டாசியம் நிறைந்துள்ளது.

அத்துடன் உருளைக்கிழங்கில் வைட்டமின் சியும் ஆன்டிஆக்சிடெண்டுகளும் நிறைந்துள்ளது. மைக்ரோவேவ் அவனில் சமைத்தால் உருளைக்கிழங்கை சீக்கிரம் வேக வைக்கலாம். அதை மசித்து மசாலா சீசனிங் பொருட்களை சேர்த்து சாப்பிட்டால் சுவையாக இருக்கும். ஆரோக்கியமும் அதிகரிக்கும்.

6. ஓட்ஸ்

முழு ஓட்ஸ் தானியம் மற்றும் ஓட்ஸ் தவிட்டில் எளிதில் கரையக்கூடிய நார்ச்சத்து நிறைந்திருப்பதால் இதயத்துக்கு ஆபத்து விளைவிக்கக்கூடிய கெட்ட கொலஸ்டிராலான எல்டிஎல்லை குறைக்க உதவும்.

அரை கப் ஓட்ஸ் சாப்பிட்டால் இரண்டு கிராம் கரையக்கூடிய நார்ச்சத்து கிடைக்கும். ஸ்மூத்தி அல்லது இரவில் தண்ணீரில் ஊறவைத்த ஓட்ஸ் சாப்பிட்டால் கூடுதல் நார்ச்சத்து கிடைக்கும்.

7.பட்டர்ஃப்ரூட் அல்லது அவகேடோ

நாம் சாப்பிடும் உணவில் முடிந்தளவுக்கு மோனோ மற்றும் பாலிசாச்சுரேட்டடு கொழுப்பை சேர்த்துக் கொள்ள வேண்டுமென அமெரிக்க இதயநலச் சங்கம் பரிந்துரைத்துள்ளது.

அவகேடோவில் மோனோ சாச்சுரேட்டடு கொழுப்பு நிறைந்திருப்பதால் இந்தப் பழத்தை சாப்பிட்டால் கொலஸ்டிரால் அளவுகளை ஆரோக்கியமான அளவில் பராமரிக்க உதவும்.

8. சால்மன் மீன்

வாரத்துக்கு இரண்டுமுறையாவது கொழுப்பு நிறைந்த மீன்களை சாப்பிடவேண்டும் என்று மருத்துவர்கள் அறிவுறுத்துகின்றனர். இதனால் பக்கவாதம் மற்றும் இதயக் கோளாறுகளில் இருந்து தப்பிக்கலாம் எனக் கூறுகின்றனர்.

சால்மன் மீனில் இதயத்துக்கு நலன் பயக்கும் ஒமேகா 3 அமிலம் நிறைந்துள்ளது. எனவே பேசாளை, அயிலா போன்ற மீன்களுடன் சால்மன் மீன்களையும் வாரம் இருமுறை சாப்பிடுவது நல்லது.

கிராக்கர் பிஸ்கட்களுடன் அவகேடோ பழ மசியல், பேசாளை மீன் துண்டை சேர்த்து எலுமிச்சை சாறுகலந்து சாப்பிட்டால் மிகவும் சுவையாக இருக்கும்.

9. பிளாக்ஸ் விதைகள்

பிளாக்ஸ் விதைகளை அப்படியே சாப்பிடலாம். அதில் அதிகளவு நார்ச்சத்து, ஒமேகா 3 அமிலம் மற்றும் ஃபைட்டோகெமிக்கல்கள் நிறைந்திருப்பதால் ரத்தத்தில் உள்ள கொலஸ்டிராலைக் குறைக்க உதவும். யோகர்ட், சீஸ், பாலாடைக் கட்டிகள், ஸ்மூத்திகள், பான்கேக்குகள், வேஃபிள்களுடன் சேர்த்து சாப்பிடலாம். இதனால் கூடுதல் நார்ச்சத்துடன் சிறிதளவு புரதமும் கிடைக்கும்.

10. பீன்ஸ்

பட்டர் பீன்ஸ், சிவப்பு கிட்னி பீன்ஸ், ரோஸ் கோகோ பீன்ஸ், முங்க் பீன்ஸ் உள்ளிட்ட பீன்ஸ் வகைகளை ஊட்டச்சத்து மையங்கள் என்றே அழைக்கலாம், அந்தளவுக்கு அதில் இதயத்துக்கு நல்லது செய்யும் ஃபோலேட், மெக்னீசியம், ஆன்டிஆக்சிடெண்டுகள் நிறைந்திருப்பதால் பீன்ஸ் சாப்பிட்டால் உயர் ரத்த அழுத்தம் கட்டுக்கு வரும்.

குழம்பு, கூட்டுப்பொரியல், சூப், சாலட்டுகளில் சேர்த்து பீன்ஸ்களை சாப்பிடலாம்.