கார்த்திக் காரில் கஞ்சா..தீபாவை கொடுத்த முருகன்.. போலீஸ் துப்பாக்கியில் கைவைத்த ஐஸ்வர்யா! - கார்த்திகை தீபம் அப்டேட்!

தமிழ் சின்னத்திரையில், ஜீ தமிழ் தொலைக்காட்சியில் திங்கள் முதல் சனி வரை தினமும் இரவு 9 மணிக்கு ஒளிபரப்பாகி வரும் பிரபலமான சீரியல் கார்த்திகை தீபம். இந்த சீரியலின் நேற்றைய எபிசோடில், கார்த்திக்கின் காரில் போதை பொருள் வைக்கப்பட்ட நிலையில், இன்று நடக்க போவது என்ன என்பது குறித்து பார்க்கலாம் வாங்க.

போதை பொருட்கள்

அதாவது, கார்த்திக் காரை சுற்றி வளைத்து சோதனை செய்யும் போதை பொருள் தடுப்புத் துறையினர், காரில் இருந்து போதை பொருட்களை கைப்பற்றினர். அதனை தொடர்ந்து, கார்த்தியை விசாரணைக்கு அழைக்கின்றனர். கார்த்திக் இதுக்கும் எனக்கும் எந்த சம்மந்தமும் இல்லை என்று சொல்லியும் அவர்கள் கேட்க மறுக்கின்றனர்.

மறுபக்கம் ஐஸ்வர்யாவை வேறொரு செல்லுக்கு மாற்ற முடிவெடுக்கும் போலீஸ், அவளை வண்டியில் ஏற்றிச்செல்கின்றனர். போலிஸிடம் இருந்து தப்பிக்க திட்டமிடும் ஐஸ்வர்யா மயங்கி விழுந்தது போல் நடிக்கிறாள். இதனால் அவளை பக்கத்தில் இருக்கும் ஹாஸ்பிடலுக்கு அழைத்து சென்று போலீசார் அட்மிட் செய்தனர்.

போலீஸ் துப்பாக்கியில் கைவைத்த ஐஸ்வர்யா

சந்தர்ப்பம் பார்த்து போலீசின் துப்பாக்கியை திருடும் ஐஸ்வர்யா அதை வைத்து போலீசின் பிடியில் இருந்து தப்பிக்கிறாள். இன்னொரு பக்கம் ஆசிரமத்தில் இருப்பவர்கள் வேனில் கச்சேரி நடக்கும் இடத்தை நோக்கி வருகின்றனர்.

இப்படியான நிலையில் அடுத்து நடக்க போவது என்ன என்பது குறித்து அறிய கார்த்திகை தீபம் சீரியலை உங்கள் ஜீ தமிழ் தொலைக்காட்சியில் காண தவறாதீர்கள்.

கடந்த எபிசோடில் நடந்தது என்ன?

கார்த்திக், கீதா ஆகியோர் காரில் வந்து கொண்டிருக்கும் போது, முருகன் வேடத்தில் வந்த சிறுவன் பைக் ரிப்பேராகி நின்று கொண்டிருந்தான். கார்த்திக் இதைப் பார்த்து விட்டு என்னாச்சு என்று கேட்க, பைக் ரிப்பேர் ஆகி விட்டதாக கூறினான்.

கார்த்திக் பக்கத்தில் கீதாவும் நிற்க, இதை பார்த்த சிறுவன் பிரச்சினை தீர்ந்து விட்டதா என்று கேட்டான். இதை பார்த்து கார்த்திக் புரியாமல் நிற்க, இவங்கள மாதிரியே ஒருத்தங்களை ஒரு முறை பார்த்ததாகவும், அவரை ஆசிரமத்தில் விட்டதாகவும் கூறினான். உடனே கார்த்திக் அது தீபா தான் என்று புரிந்து கொண்டு, எந்த இடம் என்று விசாரிக்க, அந்த சிறுவன் இடம் எதுன்னு தெரியல, ஆனால் எப்படி போகணும்னு தெரியும் வா கூட்டிட்டு போறேன் என்று காரில் ஏறி வழி காட்டினான்.

கார்த்திக்கை போலீசில் சிக்க வைக்கும் ரூபாஸ்ரீ

மறுபக்கம் ரூபஸ்ரீ, ஐஸ்வர்யாவை சந்திக்க ஸ்டேஷனுக்கு வர, அப்போது போதை பொருள் கடத்தலில் ஈடுபட்டவர்களை போலீஸ் கைது செய்து அழைத்து வந்தனர். அவர்களிடம் இருந்து பறிமுதல் செய்த பொருட்களை மேஜை மீது வைக்க, ஐஸ்வர்யா அதில் இருந்து இரண்டு பாக்கெட்டை ரூபஸ்ரீ மூலமாக எடுத்து அதை கார்த்திக் காரில் வைக்கச் சொன்னாள்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.