நவராத்திரி கொண்டாட்டம்; உங்கள் ஊருக்கு வரும் விஜய் டிவி! - குவியும் சீரியல் பிரபலங்கள்; அனுமதி இலவசம்! - முழு விபரம்!

இந்த வருட நிகழ்ச்சியில் பெண்களை முன்னிறுத்தி, பெண்கள், குழந்தைகள் மற்றும் மூத்த குடிமக்கள் அனைவருக்கும் ஏற்றவாறு பலவிதமான பொழுதுபோக்கு நிகழ்ச்சிகள் ஏற்பாடு செய்யப்பட்டுள்ளது. மதுரை, திருநெல்வேலி, திருச்சி, ஈரோடு, தஞ்சாவூர், காஞ்சிபுரம் மற்றும் சென்னை ஆகிய நகரங்களில் மிகுந்த உற்சாகத்துடன் இந்த விருந்தினரை வரவேற்கவுள்ளது.

‘நவராத்திரி கொண்டாட்டம் 2024’ நிகழ்ச்சியின் சிறப்பம்சங்கள்:

• அலங்காரத் திட்டங்கள் & பிரபலங்களின் செல்பி ஸ்பாட்கள்: விழா நடைபெறும் இடங்களில் ஆடம்பரமான வளைவுகள், செந்தை மேளம் போன்ற பாரம்பரிய வரவேற்பு ஏற்பாடுகள், ரசிகர்கள் தங்கள் விருப்பமான பிரபலங்களின் காட்சிகளைப் பார்த்து செல்பி எடுக்க நிறையக் கட்அவுட்கள் அமைக்கப்பட்டுள்ளன. குறிப்பாக சிறகடிக்க ஆசை மற்றும் பாண்டியன் ஸ்டோர்ஸ் புகழ் கதாபாத்திரங்களின் புகைப்படங்களுடன் ரசிகர்கள் மகிழ்ச்சி அடையலாம்!

• பூக்கடை: சிறகடிக்க ஆசை தொடரின் மீனா கதாபாத்திரத்தை நினைவுபடுத்தும் விதமாக, நிகழ்ச்சி இடங்களில் பூக்கடைகள் அமைக்கப்பட்டுள்ளன, அங்கு ரசிகர்கள் பூ வாங்கி மகிழலாம்.

• 'தேவியின் கோவில் வேன்': இந்த ஆண்டின் இன்றியமையாத சிறப்பம்சமாக இருக்கும் 'தேவியின் கோவில் வேன்', நகரத்திலுள்ள முக்கிய இடங்களுக்குச் சென்று, பக்தர்களுக்கு பூஜை சேவைகளை வழங்கும். நிகழ்வு நடைபெறும் மாலையில் இதுவே நிகழ்வு இடத்திற்கு வந்து வெற்றிகரமாக நிறைவடையும்.

• விளக்கு பூஜை & கொலு: பெண்களுக்கு சிறப்பு விளக்கு பூஜை ஏற்பாடு செய்யப்பட்டுள்ளதால், அவர்கள் விளக்கை மட்டும் கொண்டு வந்தால் போதும், பூஜை பொருட்கள் நிகழ்விடத்தில் வழங்கப்படும். பாரம்பரிய கொலு கண்காட்சியும் இடத்தை அழகுபடுத்தும்.

• சூப்பர் சிங்கர் நிகழ்ச்சி: சூப்பர் சிங்கர் நிகழ்ச்சியின் பிரபலங்கள் சிலர், நிகழ்ச்சியில் மெய்சிலிர்க்க வைக்கும் இசை நிகழ்ச்சியை வழங்கவுள்ளனர்.

• மகிழ்வுத் தரும் விளையாட்டுகள் & பிரசாதம்: ஆர்வமுள்ள ரசிகர்களுக்கான கலந்துரையாடல், விளையாட்டு நிகழ்ச்சிகள், பரிசுகள் என நிறைந்தது. மேலும் சேஃப் டாமு தயாரிக்கும் சிறப்பு பிரசாதம், நிகழ்வில் கலந்து கொள்ளும் அனைவருக்கும் வழங்கப்படும்.

• விஜய் டிவியின் பிரபல நிகழ்ச்சிகளில் இருந்து, வி.ஜே தீபிகா, வினுஷா, சுவேதா, ஜீவிதா, ஸ்ரீநிதா, ஹர்ஷினி, மற்றும் யோகதர்ஷினி ஆகிய பலர் நிகழ்வின் பொழுதுபோக்கு நிகழ்ச்சிகளில் பங்கேற்று, விழாவிற்கு சிறப்பு சேர்க்கவுள்ளனர். மற்றும் விஜய் டிவி யின் பிரபல தொடர்களில் இருந்து முக்கிய கதாபாத்திரங்கள் வருகை தரவிருக்கின்றனர்

நிகழ்ச்சி விபரங்கள் & இடம்

• 05 அக்டோபர்: திருநெல்வேலி – கவின் மஹால், ஈபா கார்டன், பொதிகை நகர், பெருமாள்புரம், திருநெல்வேலி.

• 06 அக்டோபர்: திருச்சி – தாஜ்மஹால், கரூர் பைபாஸ் சாலை, கில்லா சிந்தாமணி, திருச்சி.

• 07 அக்டோபர்: ஈரோடு – விவாக லட்சுமி மஹால், பெரிய சேமூர் கிராமம், ஈரோடு.

• 08 அக்டோபர்: தஞ்சாவூர் – பிரகதமணி மஹால், வண்ணக்கார தெரு, மஹர்ணொன் சாவடி, தஞ்சாவூர்.

• 09 அக்டோபர்: காஞ்சிபுரம் – என்.ஜி. பேலஸ், வந்தவாசி சாலை, செவிலிமேடு, காஞ்சிபுரம்.

• 10 அக்டோபர்: சென்னை – ஸ்ரீ கஜலட்சுமி கல்யாண மண்டபம், பூனமல்லி ஹை ரோடு, வேலப்பன்சாவடி, திருவேற்காடு, சென்னை.

நவராத்திரி கொண்டாட்டம், திருவிழா, கலாசாரம் மற்றும் மகிழ்ச்சியுடன் கூடிய நிகழ்வாக, உங்கள் குடும்பத்தினருடன் கலந்து கொண்டு, இந்த நவராத்திரியை மறக்க முடியாத அனுபவமாக்குங்கள்!