வசூல் வேட்டையில் வேட்டையன்! 4 ஆவது நாள் வசூலே இவ்வளவா!
சூப்பர் ஸ்டார் ரஜினிகாந்த் நடிப்பில் கடந்த அக்டோபர் 10 அன்று வெளியான வேட்டையன் திரைப்படத்தின் நான்காவது நாள் வசூல் குறித்து தகவல் வெளியாகியுள்ளது.
சூப்பர் ஸ்டார் ரஜினிகாந்த் நடிப்பில் கடந்த அக்டோபர் 10 அன்று வெளியான வேட்டையன் திரைப்படத்தின் நான்காவது நாள் வசூல் குறித்து தகவல் வெளியாகியுள்ளது. ஜெய்பீம் பட இயக்குநர் த. செ.ஞானவேல் இயக்கத்தில் ரஜினி நடித்த படம் வேட்டையன். நீட் தேர்வுக்கு பயிற்ச்சி அளிக்கும் தனியார் பயிற்சி நிறுவனங்களையும், தெளிவான விசாரணை இல்லாமல் காவல் துறையால் நடத்தப்பட்ட என்கவுண்டர்களையும் இப்படம் விமர்சித்து இருந்தது. மேலும் இப்படம் விமர்சன ரீதியாகவும், மக்களின் கருத்து ரீதியாகவும் பரவலான நேர்மறை கருத்துக்களை பெற்று வருகிறது.
ரஜினியின் 'வேட்டையன்' அக்டோபர் 10 ஆம் தேதி ஆயுத பூஜை, விஜயதசமி என தொடர் விடுமுறையை ஒட்டி திரையரங்குகளில் வெளியிடப்பட்டது. வேட்டையன் வெளியான முதல் நாளில் இருந்தே பாக்ஸ் ஆபிஸில் நல்ல வசூலை தொடங்கி உள்ளது. பின்னர் அக்டோபர் 11 அன்று இரண்டாவது நாளில் சரிவைக் கண்டது. இப்படம் சனிக்கிழமையில் மட்டும் உலகம் முழுவதும் ரூ 35 கோடியை வசூலித்தது. மேலும் ஞாயிற்றுக் கிழமையான நேற்று மட்டும் 22. 25 கோடி வசூலித்துள்ளது.
Sacnilk.com படி, சூப்பர் ஸ்டார் ரஜினிகாந்த் நடிப்பில் வெளியான வேட்டையன் படம் ரிலீஸ் ஆன வியாழக்கிழமை பாக்ஸ் ஆபிஸில் சிறப்பாக செயல்பட்டுள்ளதாக கூறப்படுகிறது. படம் இந்தியாவில் அனைத்து மொழிகளிலும் முதல் நாளில் சுமார் 25.27 கோடி ரூபாய் வசூலித்துள்ளதாக கூறப்படுகிறது. திரையரங்கு ஆக்கிரமிப்புக்கு வரும்போது, தமிழில் 53.96% ஆகவும், தெலுங்கில் 34.15%, இந்தியில் 8.11% மற்றும் கன்னடத்தில் துறையில் 10.79% என இருந்துள்ளது.