தமிழ் செய்திகள்  /  Entertainment  /  The Film Company Has Released The Poster Of His Character Uthiran In The Film Kanguva

Kanguva : மிரட்டும் பாபி டியோலின் உதிரன் கதாபாத்திரம்.. கங்குவா படக்குழு வெளியிட்ட மாஸ் போஸ்டர்!

Divya Sekar HT Tamil
Jan 27, 2024 12:04 PM IST

நடிகர் பாபி டியோலின் பிறந்தநாளையொட்டி, ‘கங்குவா’ படத்தில் அவர் நடித்துள்ள ‘உதிரன்’ கதாபாத்திர போஸ்டரை பட நிறுவனம் வெளியிட்டுள்ளது.

 கங்குவா
கங்குவா

ட்ரெண்டிங் செய்திகள்

இசையமைப்பாளர் தேவி ஸ்ரீபிரசாத் இந்தப்படத்திற்கு இசையமைக்கிறார். கங்குவா திரைப்படத்தின் டைட்டிலை, கடந்த ஏப்ரல் 16ஆம் தேதி படக்குழுவினர் அறிவித்தனர்.

இந்தப்படத்தின் படப்பிடிப்பு முற்றிலும் முடிந்து, போஸ்ட் புரொடக்‌ஷன் பணிகள் நடைபெற்றுவருகின்றன. படத்தின் ஷூட்டிங் கோவா, எண்ணூர் துறைமுகம், பிஜூ தீவுகள், கேரளா, கொடைக்கானல் ஆகிய இடங்களில் நடந்தது. இந்நிலையில் நடிகர் சூர்யாவின் பிறந்தநாளை முன்னிட்டு ஜூலை 23ஆம் தேதி இப்படத்தின் க்ளிம்ஸ் வீடியோ வெளியானது.

கங்குவா திரைப்படத்தை பிரபல ஓடிடி நிறுவனமான அமேசான் ஓடிடி தளம் 80 கோடி ரூபாய்க்கு வாங்கி உள்ளதாக தகவல்கள் தெரிவிக்கின்றன.

இந்நிலையில் கங்குவா படத்தில் ‘உதிரன்’கதாபாத்திரம் குறித்த முக்கிய அறிவிப்பு இன்று காலை 11 மணிக்கு வெளியாகும் என படத்தைத் தயாரிக்கும் ஸ்டூடியோ க்ரீன் தயாரிப்பு நிறுவனம் நேற்று தனது எக்ஸ் தளத்தில் பதிவுசெய்திருந்தது.

அதன்படி இன்று நடிகர் பாபி டியோலின் பிறந்தநாளையொட்டி, ‘கங்குவா’ படத்தில் அவர் நடித்துள்ள ‘உதிரன்’ கதாபாத்திர போஸ்டரை வெளியிட்டுள்ளது பட நிறுவனம்.

உலகளவில் 38 மொழிகளில் ‘கங்குவா’ வெளியாக இருப்பதாக படத்தின் தயாரிப்பாளர் ஞானவேல் ராஜா தெரிவித்திருந்தார். படத்தின் முதல் மற்றும் இரண்டாம் கட்ட படப்பிடிப்புகள் மும்பை, கொடைக்கானல் மற்றும் சென்னையில் விறுவிறுப்பாக நடந்து முடிந்தன. ஐதராபாத்தில் இறுதிக்கட்ட படப்பிடிப்பு நடைபெற்ற நிலையில், அடுத்தாண்டு மத்தியில் திரைப்படம் வெளிவரும் என எதிர்பார்க்கப்படுகிறது.

ஜமேக்ஸ் மற்றும் 3டி வடிவில் உருவாகி வரும் இத்திரைப்படத்தில், அண்மையில் வெளியான ‘அனிமல்’ திரைப்படத்தில் வில்லனாக நடித்து அனைவரின் கவனத்தை ஈர்த்த பாபி தியோல், ‘உதிரன்’ எனும் கதாபாத்திரத்தில் நடித்துள்ளார்.

பாபி தியோல் இன்று பிறந்தநாள் கொண்டாடும் நிலையில், அவரது ‘உதிரன்’ கதாபாத்திரத்தின் போஸ்டர் இன்று வெளியாகும் என்று அறிவிக்கப்பட்டது. அதன்படி பாபி தியோலுக்கு பிறந்தநாள் வாழ்த்து தெரிவித்து, அவரது கதாபாத்திரம் இடம்பெற்றுள்ள போஸ்டரை படக்குழு வெளியிட்டுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

WhatsApp channel
பொழுதுபோக்கு மற்றும் பிக்பாஸ் , கோலிவுட் தொடர்பான அப்டேட் செய்திகளை இந்துஸ்தான் டைம்ஸ் தமிழ் மூலம் உடனுக்குடன் அறியலாம்.