Top 10 Cinema: துட்டு அள்ளும் தங்கலான்.. நித்யா கொடுத்த பதிலடி.. உள்குத்து குத்திய இமான்! - டாப் 10 சினிமா!
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  Top 10 Cinema: துட்டு அள்ளும் தங்கலான்.. நித்யா கொடுத்த பதிலடி.. உள்குத்து குத்திய இமான்! - டாப் 10 சினிமா!

Top 10 Cinema: துட்டு அள்ளும் தங்கலான்.. நித்யா கொடுத்த பதிலடி.. உள்குத்து குத்திய இமான்! - டாப் 10 சினிமா!

Kalyani Pandiyan S HT Tamil Published Aug 18, 2024 08:50 PM IST
Kalyani Pandiyan S HT Tamil
Published Aug 18, 2024 08:50 PM IST

Top 10 Cinema: தங்கலான் பாக்ஸ் ஆபீஸ் கலெக்‌ஷன் முதல் டி. இமானின் சர்ச்சை பேச்சு வரை - இன்றைய டாப் 10 சினிமா செய்திகள்!

Top 10 Cinema: துட்டு அள்ளும் தங்கலான்.. நித்யா கொடுத்த பதிலடி.. உள்குத்து குத்திய இமான்! - டாப் 10 சினிமா!
Top 10 Cinema: துட்டு அள்ளும் தங்கலான்.. நித்யா கொடுத்த பதிலடி.. உள்குத்து குத்திய இமான்! - டாப் 10 சினிமா!
Share on Whatsappஎங்களை பின் தொடரலாம்
  • Share on Twitter
  • Share on Facebook

1. இயக்குநர் அஜய் ஞானமுத்து இயக்கத்தில் ஆகஸ்ட் 15ஆம் தேதி ரிலீஸ் ஆகியிருக்கும் புதிய திரைப்படம் 'டிமான்ட்டி காலனி 2'. இதில் நடிகர் அருள்நிதி, நடிகை பிரியா பவானி சங்கர் முதன்மை கதாபாத்திரங்களில் நடித்திருக்கிறார்கள்.

டிமான்ட்டி காலனி 2 படமானது இந்தியாவில் மூன்று நாட்களில் ரூ.10.2 கோடி வசூல் செய்து சாதனைப் புரிந்துள்ளது. குறிப்பாக, ரிலீஸான முதல் நாளான ஆகஸ்ட் 15ஆம் தேதி இந்தியாவில் ரூ.3.55 கோடியும், ஆகஸ்ட் 16ஆம் தேதி ரூ.2.35 கோடியும், ஆகஸ்ட் 17ஆம் தேதி ரூ.4.3 கோடியும் வசூலித்துள்ளது. உலகளவில் ரூ.15.5 கோடி வரை வசூல் செய்துள்ளதாகத் தெரியவருகிறது. இதனால், படக்குழுவினர் மகிழ்ச்சியில் உள்ளனர்.

2. இயக்குநர் பா.இரஞ்சித் இயக்கத்தில் நடிகர் விக்ரம், நடிகை பார்வதி, நடிகை மாளவிகா மோகனன், பசுபதி உள்ளிட்ட பல நட்சத்திரங்கள் நடித்து, ஆகஸ்ட் 15ஆம் தேதி வெளியாகி இருக்கும் திரைப்படம், தங்கலான். இந்தத் திரைப்படத்திற்கு பிரபல இசையமைப்பாளரான ஜி வி பிரகாஷ் குமார் இசையமைத்திருக்கிறார். ஆகஸ்ட் 15ஆம் தேதி ரிலீஸான தங்கலான் திரைப்படம் உலகளவில் ரூ.40 கோடி வசூல் செய்ததாகக் கூறப்படுகிறது.

ஆகஸ்ட் 15ஆம் தேதி ரூ.13.3 கோடியும், ஆகஸ்ட் 16ஆம் தேதி இரண்டாவது நாளில் ரூ.4.75 கோடியும், ஆகஸ்ட் 17ஆம் தேதி மூன்றாவது நாளில் ரூ.5.88 கோடியும், ஆகஸ்ட் 18ஆம் தேதி காலை ஷோவின் கணக்கீட்டின்படி, ரூ.0.34 கோடியும் வசூலித்துள்ளது. எனவே, இந்தியாவில் மட்டும் ரூ.24.27 கோடியும், மொத்தமாக உலகளவில் ரூ.40 கோடி வரை வசூல் செய்ததாகத் தெரிகிறது.

ரிஷப் ஷெட்டி உருக்கம்

3. 70ஆவது தேசிய திரைப்பட விருதுகளில் சிறந்த நடிகருக்கான விருதை வென்ற இயக்குநர் மற்றும் கன்னட நடிகர் ரிஷப் ஷெட்டி, முக்கிய ஓடிடி தளங்கள் பொதுவாக ஸ்ட்ரீமிங்கிற்காக கன்னடத் திரைப்படங்களை வாங்காததால் இனி ஃபெஸ்டிவலுக்கான படங்களை உருவாக்கமாட்டேன் என்று உருக்கமாகக் கூறினார்.

அதில்,"நாங்கள் திரைப்பட விழாக்களில் திரையிடுகிறோம். திரைப்பட விருதுகளை வெல்கிறோம். ஆனால், அதன்பின் எந்த ஒரு ஓடிடி தளமும் படத்தை வெளியிட எங்களுக்கு கிடைக்கவில்லை. ஓடிடி தளங்கள் கன்னட மொழித்திரைப்படங்களை வாங்குவதில்லை. எனவே, அதை யூடியூப் சேனல்களில் போட வேண்டிய கட்டாயத்தில் இருக்கிறோம். எனவே, அந்த வரலாற்றை நான் முடித்துவிட்டேன். திரைப்பட விழாக்களுக்கு எடுக்கப்படும் படத்தால் எங்களுக்கு எதுவும் மீண்டும் கிடைப்பதில்லை" என்று ரிஷப் ஷெட்டி கூறினார்.

4. 20 லட்சம் வரை வாடகை பாக்கி வைத்திருப்பதாக யுவன் ஷங்கர் ராஜா மீது புகார் அளிக்கப்பட்டு இருக்கும் நிலையில், அது குறித்து அவர் அறிக்கை ஒன்றை வெளியிட்டு இருக்கிறார். அதில் தன்னைப் பற்றி அவதூறாக தொலைகாட்சி மற்றும் யூடியூப் சேனல்களில் ஃபஸீலத்துல் ஜமீலா அளித்துள்ள பேட்டி தனக்கு மிகுந்த மன உளைச்சலை ஏற்படுத்தி இருக்கிறது. அதற்கு நஷ்ட ஈடாக 5 கோடி தர வேண்டும்

நித்யா கொடுத்த பதிலடி

5. திருச்சிற்றம்பலம் படத்தில் நடித்த நடிகை நித்யா மேனனுக்கு சிறந்த நடிகைக்கான தேசிய விருது அண்மையில் அறிவிக்கப்பட்டது. இதற்கு அவருக்கு வாழ்த்துகள் ஒரு பக்கம் குவிந்தாலும், இன்னொரு பக்கம் விமர்சனங்களும் வைக்கப்பட்டன. இந்த நிலையில் நித்யாமேனன் தன்னுடைய இன்ஸ்டாகிராம் பக்கத்தில் பதிவு ஒன்றை வெளியிட்டு இருக்கிறார்.

அதில், “என்னை தேசிய விருதிற்கு தேர்வு செய்த தேசிய விருது நடுவர்களுக்கு என்னுடைய உளமார்ந்த நன்றியை தெரிவித்துக்கொள்கிறேன். வெளியே எளிமையாக தெரியும் வேலையை கூட அவ்வளவு எளிமையாக செய்ய முடியாது என்பதை ஒப்புக்கொண்டதற்கு நன்றி” என்று பதிவிட்டு இருக்கிறார்.

6. கோட் திரைப்படத்தில் யுவனின் பாடல்களுக்கு கலவையான விமர்சனங்கள் வந்த நிலையில், அதற்கு வெங்கட் பிரபு பதில் கொடுத்திருக்கிறார். இது குறித்து அவர் பேசும் போது, “கோட் படத்தில் யுவன் இசையமைத்த பாடல்களைப் பொறுத்தவரை, அதற்கு கலவையான விமர்சனங்கள் வந்ததை நாங்கள் கவனித்தோம். ஆனால், நீங்கள் படம் பார்த்து விட்டு வெளியே வரும் பொழுது பாடல்கள் அனைத்தும் உங்களுக்கு விஷுவல் ட்ரீட் ஆக அமைந்து பிடித்துதான் வெளியே வருவீர்கள் என்று நாங்கள் நம்புகிறோம்.” என்றார்.

7. நடிகர் தனுஷ் இயக்கி நடித்திருந்த 'ராயன்' திரைப்படம் கடந்த மாதம் 26-ம் தேதி திரையரங்குகளில் வெளியானது. ஏ.ஆர்.ரகுமான் இசையமைத்திருந்த இந்த படத்தில் தனுஷ் நடித்து இயக்கி இருந்தார். இப்படமானது உலகளவில் ரூ.150 கோடிக்கும் அதிகமாக வசூலித்திருப்பதாகவும் தகவல்கள் வெளியாகின.

இந்தப்படம் குறித்து பேசிய வெற்றிமாறன் "இது ஒரு இயல்பான முன்னேற்றம். ஏனென்றால் தனுஷ் இயக்குநர்களைச் சுற்றி வளர்ந்தவர். அவரது தந்தை ஒரு இயக்குநர், அவரது சகோதரர் ஒரு இயக்குநர், அவருக்கும் வேகமாக கற்கும் புத்திசாலித்தனம் உள்ளது. எனவே, அவர் இயக்குநராக மாறுவது மிகவும் இயல்பானது என்று நான் நினைக்கிறேன்.” என்று பேசினார்.

8. இயக்குநர் வெங்கட்பிரபு இயக்கத்தில் நடிகர் விஜய் நடித்துள்ள திரைப்படம், 'தி கிரேட்டஸ்ட் ஆப் ஆல் டைம்' (தி கோட்). தி கோட்' படத்தில் விஜய் இரட்டை வேடங்களில் நடித்துள்ளார். இதன் படப்பிடிப்பு நிறைவடைந்த நிலையில், தற்போது பின்னணி வேலைகள் நடைபெற்று வருகின்றன. நேற்று வெளியான இந்தப்படத்தின் டிரெய்லர், யூடியூபில் தற்போது வரை தமிழில் 33 மில்லியன் பார்வைகளை கடந்து, டிரெண்டிங்கில் முதல் இடத்தில் உள்ளது.

9. வைபவின் 25-வது படமான 'ரணம் அறம் தவறேல்' படத்தை ஷெரிப் இயக்கினார். இந்தப்படம் மக்களிடம் நல்ல வரவேற்பை பெற்றது. இதைத்தொடர்ந்து வைபவ் 'சென்னை சிட்டி கேங்ஸ்டர்' திரைப்படத்தில் நடித்துள்ளார். இந்தப்படத்தின் ட்ரெய்லர் இன்று வெளியாகி இருக்கிறது.

10. சென்னை சிட்டி கேங்ஸ்டர் திரைப்பட விழாவில் பேசிய டி இமான் பொதுவாகப் படங்களில் நடிகர், நடிகைகளை பாட வைத்தாக வேண்டும் என்று அழுத்தம் கொடுப்பார்கள். அந்த அழுத்தமெல்லாம் இப்படத்தில் எனக்கில்லை.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன: