Vikatan awards 2022: ஜெய்பீம் படத்துக்கு 4, மாநாடு படத்துக்கு 3 விருதுகள்

பல்வேறு வார இதழ்களை வெளியிடும் விகடன் நிறுவனம் ஆண்டுதோறும் சிறந்த படங்கள் மற்றும் சினிமா கலைஞர்களுக்கு விகடன் சினிமா விருதுகளை வழங்கி வருகிறது. இதையடுத்து கடந்த ஆண்டில் வெளியான சிறந்த படம், சிறந்த நடிகர், சிறந்த நடிகை, சிறந்த இயக்குநர், உள்பட ஐந்து விருதுகள் ஜெய் பீம் படத்துக்கு கிடைத்துள்ளது.

அதன்படி சிறந்த நடிகராக சூர்யா (ஜெய் பீம், சூரரை போற்று), சிறந்த நடிகையாக லிஜோமோல் ஜோஸ், சிறந்த இயக்குநராக த.செ. ஞானவேல் ஆகியோர் வருதை பெற்றுள்ளனர். ஜெம் பீம் படத்தை தயாரித்த 2டி எண்டர்டெயின்மெண்ட் நிறுவனம் சிறந்த படத்துக்கான விருதை பெற்றது. 

ஜெய்பீம் படத்தின் இரண்டாம் பாகத்துக்கான ஆரம்பகட்ட பணிகள் நடைபெற்று வருவதாக பட தயாரிப்பாளர் ராஜசேகரபாண்டியன் சமீபத்தில் தெரிவித்திருந்தார். அப்போது ஓய்வு பெற்ற நீதிபதி சந்துரூ சந்தித்த பல்வேறு வழக்குகள் உள்ளன. அதுபற்றி உரிய ஆய்வு செய்து பின்னர் இரண்டாம் பாகம் படத்தை உருவாக்க இருப்பதாக குறிப்பிட்டார்.

ஏற்கனவே இந்தப் படம் பிலிம்பேர் விருதுகளில் சிறந்த படம், சிறந்த நடிகை என இரண்டு விருதுகளை வென்றது.

இதேபோல் வெங்கட் பிரபு இயக்கத்தில் சிம்பு நடித்து வெளியான மாநாடு திரைப்படம் தீபாவளி வெளியீடாக கடந்த ஆண்டில் ரிலீசானது. ரசிகர்களை கவர்ந்து சூப்பர் ஹிட்டான இந்தப் படம் விமர்சக ரீதியாகவும் பாராட்டை பெற்றது.

இந்தப் படத்துக்கு சிறந்த திரைக்கதை, சிறந்த படத்தொகுப்பு, சிறந்த வில்லன் ஆகிய மூன்று பிரிவுகளில் விருது கிடைத்துள்ளது.

இதையடுத்து சிறந்த திரைக்கதைக்கான விருதை இயக்குர் வெங்கட்பிரபு, சிறந்த படத்தொகுப்புக்கான விருதை பிரவீண் கேஎல், சிறந்த வில்லனுக்கான விருதை எஸ்.ஜே. சூர்யா ஆகியோர் பெற்றுள்ளனர்.

இந்த இரு படங்களும் பாக்ஸ் ஆபிஸ் வசூலையும் குவித்ததோடு, கடந்த ஆண்டில் வெளியாகி ஹிட்டான படங்களில் டாப் 10 லிஸ்டில் இடம்பிடித்துள்ளன.

பா. ரஞ்சித் இயக்கிய சார்பட்டா பரம்பரை, மாரிசெல்வராஜ் இயக்கிய கர்ணன், லோகேஷ் கனகராஜ் இயக்கிய மாஸ்டர் ஆகிய படங்களும் பல்வேறு விருதுகளை வென்றுள்ளன.