Marumagal serial: அடித்து துவம்சம் செய்த ஆதிரை.. கதிகலங்கி போன பிரபு.. அதிர்ச்சியில் குடும்பம்.. மருமகள் சீரியலில் இன்று
Marumagal serial: இவ்வளவு நேரம் நான் பொறுமையாக இருந்தது என்னுடைய அப்பாவிற்காக மட்டும்தானே தவிர, உங்களுக்கு பதிலடி கொடுக்கத் தெரியாமல் இல்லை. நாங்கள் உண்மையாக உழைத்து சம்பாதித்து மேலே வருகிறோம். - மருமகள் சீரியலில் இன்று
மருமகள் சீரியல் தொடர்பாக வெளியான இன்றைய பிரமோவில் ஆதிரை தனது அப்பாவை இழுத்துச் சென்ற ரவுடிகளை அடி வெளுத்து துவம்சம் செய்கிறாள். இதை தில்லை குடும்பத்தினரும் பார்த்துக் கொண்டு அதிர்ந்து போய் நின்றார்கள். குறிப்பாக பிரபு இவள் இப்போதே இந்த வாங்கு வாங்குகிறாள். எதிர்காலத்தில் எப்படியெல்லாம் அடிப்பாளீ என்ற ரீதியில் பயந்து போய் நிற்கிறான்
கடந்த எபிசோடில் நடந்தது என்ன?
நேற்றைய மருமகள் சீரியலில் ஆதிரைக்கும், பிரபுவுக்கும் இடையே நிச்சயதார்த்தம் நடப்பதற்கான வேலைகள் மும்முரமாக நடந்து கொண்டிருந்தன. இந்த நிலையில் குறுக்கே வந்த ஏகாம்பரம் எதையெதையோ சொல்லி, நிச்சயதார்த்தத்தை நிறுத்துவதற்கு முயற்சிகளை எடுத்துக் கொண்டிருந்தார். இதை பார்த்து கொந்தளித்த பிரபு, இவ்வளவு நாள் நீங்கள் எங்கே சென்றீர்கள். எங்களை ஏமாற்றிப் பிழைத்தவர்கள் சொல்லும் முறையெல்லாம் இங்கு செல்லுபடியாகாது என்று சொல்லி பதிலடி கொடுத்தான்.
இதையடுத்து ஏகாம்பரம் அப்படியே சிவப்பிரகாசத்தின் பக்கம் திரும்பினான். என்னுடைய வீட்டில், தண்ணி கேன் போட்டுப் பிழைப்பு நடத்தும் நீ, எனக்கு சரி சமமாக சம்பந்தியாக உட்கார முடியுமா என்று கேட்டான். அது மட்டும் இல்லாமல் அவர்களது வாழ்க்கையை குறிப்பிட்டு, தரக்குறைவாகவும் வார்த்தைகளை விட்டான். இதையடுத்து பேச ஆரம்பித்த சிவப்பிரகாசம், நீங்கள் சொல்வதெல்லாம் அந்த காலத்து மூடநம்பிக்கைகள். அதையெல்லாம் நான் பொருட்படுத்துவதே கிடையாது. காலம் மாறிவிட்டது, உலகம் மாறிவிட்டது.
நீங்கள் சொல்வதைக் கேட்க முடியாது.
அதனால், நீங்கள் சொல்வதைக் கேட்க முடியாது. இந்த நிச்சயதார்த்தம் நடந்தே தீரும் என்று கூறினார். இதைப் பார்த்த பிரபு சந்தோஷம் அடைந்தான். இந்த பதிலை எதிர்பார்க்காத ஏகாம்பரம் சிவப்பிரகாசத்தை அடிக்க வந்தார். அதுவரை பொறுமையாக இருந்த ஆதிரை, அப்பாவை அடிக்க வந்ததும், ஏகாம்பரத்தின் கையைப் எதிர்த்து பிடித்து விட்டாள்.
இதையடுத்து பேசிய ஆதிரை, இவ்வளவு நேரம் நான் பொறுமையாக இருந்தது என்னுடைய அப்பாவிற்காக மட்டும்தானே தவிர, உங்களுக்கு பதிலடி கொடுக்கத் தெரியாமல் இல்லை. நாங்கள் உண்மையாக உழைத்து சம்பாதித்து மேலே வருகிறோம். உங்களை போல ஊரை அடித்து புடுங்கி மேலே வரவில்லை. அதனால் எங்களைப் பற்றி பேசுவதற்கு உங்களுக்கு எந்த தகுதியும் இல்லை என பேசினாள்
இதற்கு வேல்விழி கேன் போட வந்த இடத்தில், பிரபுவை மயக்கி விட்டு, நீ பேசுகிறாயா என்று கேட்டதும், கொந்தளித்த ஆதிரை அவளுக்கு கன்னத்தில் பளார் என்று ஒன்று வைத்தாள். இதை பார்த்த அனைவரும் அதிர்ச்சி அடைந்தனர். இதையடுத்து அவர்கள் வெளியே சென்றுவிட, அவர்கள் அமர்த்திய அடியாட்கள் சிவப்பிரகாசத்தை கடத்திக் கொண்டு சென்று விட்டார்கள். இதை தெரிந்து கொண்ட அதிரை அவர்களிடம் மல்லுக்கட்டி சண்டையிட்டாள்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
டாபிக்ஸ்