Kayal Serial: பத்திரிகை கொடுக்கப்போன இடத்தில் பஞ்சாயத்து.. விழியை பிதுக்கிய ராஜலட்சுமி.. கருவாடாகும் கயல்!

வெளுத்துவிட்ட கயல்

அப்போது அவளைத் தடுத்த தர்மலிங்கம், நீ என்ன சமாதானம் சொன்னாலும், நாங்கள் கல்யாணத்திற்கு வர மாட்டோம் என்று விடாப்பிடியாக சொன்னார். இதையடுத்து கடுப்பான கயல், நீங்கள் நிச்சயமாக கல்யாணத்திற்கு வருவீர்கள். நீங்கள் வரவில்லை என்றால், உங்களை நான் வர வைப்பேன். ஏனென்றால் என்னுடைய அம்மாவின் ஆசை அது என்று எச்சரித்து விட்டுச் சென்றாள்.

இதையடுத்து கயல் தரப்பு காரில் சென்று கொண்டிருக்கும் பொழுது, எப்போதும் தவறு என்றால் தவறு என்றும் சரி என்றால் சரி என்றும் முகத்திற்கு நேராக பேசும் நீ, உன்னுடைய குடும்பத்திற்காக இவ்வளவு தாழ்ந்து செல்வது, எனக்கு ஆச்சரியமாக இருக்கிறது என்றும், இருப்பினும் நீ அதில் அவமானப்படுவது தனக்கு கஷ்டமாக இருப்பதாகவும் எழில், கயலிடன் சொன்னான்.

ராணியாக மாறிய ராஜலட்சுமி

இதையடுத்து கயல் தரப்பு ராஜேஸ்வரி கடைக்கு செல்கிறது. அங்கு சென்ற அவர்கள், அங்கிருக்கும் மேனேஜரிடம் ராஜலட்சுமி அத்தையை பார்த்து பத்திரிக்கை கொடுக்க வேண்டும் என்று சொல்கிறார்கள். இதனையடுத்து அவர் ராஜலட்சுமியிடம் இந்த விஷயத்தை கொண்டு செல்கிறார்.

கயல் தன்னிடத்திற்கு வந்திருப்பதை சரியாக பயன்படுத்திக் கொள்ள வேண்டும் என்று நினைக்கும் ராஜலட்சுமி, அவர்களை வேண்டுமென்றே காக்க விட திட்டமிடுகிறார். அதன்படி, தன்னுடைய உதவியாளரிடம் மேடம் ஒரு முக்கியமான மீட்டிங்கில் இருப்பதாகவும், அவரை பார்ப்பதற்கு இன்னும் அரை மணி நேரம் ஆகும் என்று சொல்.. அவ்வளவு நேரம் காத்திருக்க முடியவில்லை என்றால், நீங்கள் செல்லலாம் என்றும் சொல்லிவிடு என்று சொல்லச்சொல்கிறாள்.

உதவியாளர் கயல் தரப்பிடம் இந்த விஷயத்தை சொல்ல கயல் தரப்போ பரவாயில்லை; நாங்கள் அரை மணி நேரம் காத்திருக்கிறோம் என்கிறார்கள். ஆனால் ஒரு கட்டத்தில் அரை மணி நேரத்திற்கும் மேலாக நேரம் கடந்து செல்ல, எழிலுக்கு போன் வர ஆரம்பிக்கிறது. இதையடுத்து கயல் உதவியாளரிடம், அரை மணி நேரத்திற்கும் மேலாகிறது நிலவரம் என்ன என்று கேட்க, அவரோ மேடம் மீட்டிங் இன்னும் முடியவில்லை என்று சொல்கிறார்.

ஆனாலும் கயல் தரப்பு எவ்வளவு நேரம் ஆனாலும் பரவாயில்லை, நாங்கள் ராஜலட்சுமி அத்தையை சந்தித்து விட்டே செல்கிறோம் என்று சொல்கிறார்கள். இதற்கிடையே அவர்களை வேண்டுமென்றே அவமானப்படுத்த வேண்டும் என்று நினைக்கும் ராஜலட்சுமி, மொய் பணமாக ஒரு குறிப்பிட்ட தொகையை ஒரு கவருக்குள் வைத்து கொடுத்து அனுப்புகிறாள். இதை அவரது உதவியாளர் கயலிடம் வந்து கொடுக்க, அதனை வாங்க மறுக்கும் கயல் எவ்வளவு நேரம் ஆனாலும் பரவாயில்லை. நாங்கள் அவரை சந்தித்து விட்டேன் செல்கிறோம் என்று சொல்கிறார். ஆனால் உதவியாளர் அவர் முக்கியமான மீட்டிங்கில் இருப்பதாக மீண்டும் சொல்ல, என்ன அவர் வெளியே வருவதற்கு ஒரு நான்கு நாட்கள் ஆகுமா என்று சொல்லி நக்கலாக பேசினாள்.

இதையடுத்து வெளியே வரும் ராஜலட்சுமி தாம்பூலத்தை கயலிடம் இருந்து வாங்குவார் என்று பார்த்தால், அவர் அவர்களை கண்டு கொள்ளாமல் கம்பெனி தொடர்பான வேலைகளை சாவகாசமாக கையாண்டு கொண்டிருந்தார். இது கயல் தரப்புக்கு எரிச்சலை ஏற்படுத்தியது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9