அன்பு பெட்ரூமில் ஆனந்தி; தொக்காக தூக்கி தங்கை.. வீட்டிற்குள் ஊசலாடும் காதல்! - சிங்கப்பெண்ணே சீரியல் அப்டேட்

இதைப் பார்த்து அதிர்ச்சி அடைந்த அன்புவின் அம்மா, அன்பை அழைத்து இது யாருடையது? எப்படி இங்கே வந்தது என்று சரமாரியாக கேள்விகளை அடுக்குகிறார். அவன் எப்படி இதை சமாளிப்பது என்று தெரியாமல் திணற, ஆனந்தி இன்று நாம் நிச்சயம் மாட்டிக் கொள்வோம் என்று கலங்கி நின்றாள். இதற்கிடையே திடீரென்று உள்ளே வந்த அன்புவின் தங்கை அது என்னுடைய ஜாக்கெட்தான் என்றும் கல்லூரியில் கலை நிகழ்வுக்கு வாங்கிய ஜாக்கெட்டை நான் தான் துவைக்க வேண்டும் என்பதற்காக வாஷிங் மெஷினில் போட்டேன் என்றும் சொல்லி அன்புவை காப்பாற்றுகிறார். திடீரென்று இவள் நம்மை ஏன் காப்பாற்றுகிறாள் என்ற சந்தேகத்தோடு அன்பு சென்றாலும் தற்போது உள்ள பிரச்சினையில் இருந்து நாம் தப்பித்து விட்டோம் என்று நினைத்து நிம்மதி அடைந்தான் அன்பு

இன்னொரு பக்கம் மகேஷ் தன்னிடம் எதையோ மறைக்கிறான் என்று கண்டுபிடித்த அவரின் அம்மா, பவித்ராக்கு போன் செய்து இந்த வீட்டில் ஏதோ என்னிடம் மறைக்கப்படுகிறது; நான் தனியாக இருப்பது போல உணர்கிறேன்; ஆகையால் நீ உடனே கிளம்பி வா என்று கட்டளையிட்டாள். மற்றொரு பக்கம் தன்னுடைய காதலை அம்மாவிடம் சொல்லப்போனதால் மகேசை அடித்த அவரது அப்பா அவனை காபி கொடுத்து சமாதானப்படுத்தி, நிலைமையை புரிய வைத்தார்.

அப்போது மகேஷ், ஆனந்தி வேலைக்காரி என்பதால்தான் அம்மா இவ்வளவு கொடூரமாக நடந்து கொள்கிறார். ஆனந்தியை நான் காதலிக்கிறேன் என்று சொல்லிவிட்டால், அவர் இப்படி நடந்து கொள்ள மாட்டார் என்று மகேஷ் சொல்ல அவரது அப்பாவோ இப்பொழுது உன்னுடைய காதலை சொல்வதைவிட, உனது அம்மா காதலை ஏற்றுக் கொள்வது தான் இங்கு முக்கியமான விஷயம் ஆகையால், தற்போதைக்கு அமைதியாக இரு என்றார். இதற்கிடையே காலையில் ஃபேக்டரி செல்வதற்கு ஆனந்தி வழக்கம் போல அன்பு வீட்டு சுவரில் இருந்து ஏறி குதிக்க அன்புவின் தங்கை அதை பார்த்து விட்டார்.