உறவை சொல்ல முடியாமல் தவிக்கும் ஆனந்தி.. கட்டிப் பிடிக்கும் சமயத்தில் பார்த்த மகேஷ்.. சிங்கப்பெண்ணே இந்த வார ஸ்பெஷல்!

ஆனந்திக்காக போட்டி போடும் அன்பு, மகேஷ்

இருந்தாலும், அவரை பிரச்சனைகளில் இருந்து காப்பாற்ற அன்புவும், மகேஷும் போட்டிப் போட்டுக் கொண்டு வந்துவிடுவர். அப்படித்தான், ஹாஸ்டலில் இருந்து வெளியேறிய ஆனந்தியை மகேஷ் பத்திரமாக அழைத்து வந்தார். பின், ஆனந்தியை அவர் வீட்டில் தங்க வைத்தால் நல்லதல்ல என நினைத்து, அன்புவின் வீட்டில் தங்க வைத்து பார்த்துக் கொண்டு வருகிறார்.

அன்பு வீட்டை நேசிக்கும் ஆனந்தி

அன்பு மேல் உயிரையே வைத்திருக்கும் அவரது அம்மா, குறும்புத் தனமான அன்புவின் தங்கை யமுனா ஆகியோரைப் பார்த்து ஆனந்தி ஏங்குகிறார். தன் குடும்பத்தைப் போலவே, அன்புவின் குடும்பத்தை பார்த்த ஆனந்தி, அதனை கோயில் போல நேசிப்பதாக அவருக்குள்ளாகவே சொல்லிக் கொள்கிறார்.

மகேஷின் புடவை

இந்நிலையில் தான், தீபாவளி பண்டிகைக்காக தனது காதலி ஆனந்திக்காக புதிய சேலை ஒன்றை வாங்கித் தருவார். அதை அணிந்து வந்த ஆனந்தியை மகேஷ் பார்த்து ரசித்துக் கொண்டிருப்பார். அதுமட்டுமில்லாமல், ஆனந்தியுடன் தன்னை சேர்த்து போட்டை ஒன்று எடுத்துத் தருமாறு மகேஷ் அன்புவிடம் கேட்பார். அவரும் வேறு வழி இல்லாமல் போட்டோ எடுத்துத் தருவார்.

ஏக்கத்தில் அன்பு

இவை அனைத்தையும் பார்த்துக் கொண்டிருந்த அன்புவிற்கு அவர் மேலே கோபம் வரும். காரணம் ஆனந்தி மேல் வைத்திருக்கும் காதல் ஒருபுறமும், மகேஷிற்கு அளித்த வாக்கு ஒருபுறமும் அவரை நிம்மதி இல்லாமல் தவிக்க விடுகிறது. அந்த சமயத்தில் தான், தன்னைவிட மகேஷால் மட்டுமே ஆனந்திக்கு பிடித்தமானதை தர முடியும். நம்மால், ஆனந்திக்கு வேண்டியதையும், பிடித்தமானதையும் செய்ய முடியாது என மனம் நொந்தும் இருந்தார்.

மகேஷை விட அன்புவை பிடிச்சிருக்கு

அந்த சமயத்தில் , அன்பு ஆனந்திக்காக வாங்கிய புடவையை, அன்புவின் தங்கை ஆனந்தியிடமே கொடுப்பார். அதை வாங்கிக் கொள்ளுமாறும் கூறுவார். அப்போது, புடவை பிடித்திருக்கிறதா என அன்புவின் தங்கை கேட்க, மகேஷ் சார் எடுத்துக் கொடுத்த புடவையை விட எனக்கு இதுதான் பிடித்திருக்கிறது எனக் கூறுவார். இதைக் கேட்ட அன்புவிற்கு சந்சோஷம் தாங்க முடியாமல் இருக்கும்.

மொட்டை மாடியில் நீண்ட நேரம் பேசிக் கொண்டிருக்கும் சமயத்தில், ஆனந்தி, அன்புவின் தங்கைக்கு மருதாணி வைத்துவிடுவார். அதன் பின், ஆனந்திக்கு மருதாணி வைத்துவிடுமாறு அவரது தங்கை வற்புறுத்துவார்.

ஆனந்திக்கு மருதாணி வைத்த அன்பு

அன்பு, இதெல்லாம் வேண்டாம். அமைதியாக இருக்குமாறு கூறுவார். ஆனால், அவரது தங்கையோ, விடாப்பிடியாக இது நம்ம ஆனந்தி நீ மருதாணி வைத்துவிட்டால் எதுவும் சொல்ல மாட்டார்கள் எனக் கூறி இருவரையும் சமாதானப்படுத்துவார். இதனால், ஆனந்தியும் சந்தோஷத்தில் மருதாணி வைக்க தனது கைகளை அன்புவிடம் கொடுத்தார்,

ஆனந்தியின் ஆசை

மேலும், ஆனந்தி, அன்பு, அன்புவின் தங்கை ஆகிய 3 பேரும் இரவு மாடியில் அமர்ந்து பேசிக் கொண்டிருக்கும் போது, தனக்கு உங்கள் குடும்பத்துடன் சேர்ந்து தீபாவளி கொண்டாட வேண்டும் என்ற ஆசை இருப்பதாக தெரிவித்திருப்பார். இதைக்கேட்ட அன்புவின் தங்கை அதற்கான ஏற்பாட்டை செய்வதாக கூறியிருப்பார்.

முஸ்லீம் பெண்ணாக மாறி வந்த அன்பு

இந்நிலையில், தீபாவளி நாளன்று பர்கா அணிந்து அன்பு வீட்டிற்குள் நுழைகிறார் ஆனந்தி. பின், அவர் அன்பு வாங்கிக் கொடுத்த புடவையை அணிந்து கொண்டு, தீபாவளி பண்டிகைக்கு தயாராவார்.

கட்டிப் பிடித்த ஆனந்தி, கதிகலங்கிய அன்பு

மொட்டை மாடியில், அன்புவும் ஆனந்தியும் பட்டாசு வெடித்துக் கொண்டிருக்கும் போது, ஆனந்தி, தனக்கும் அன்புவிற்கும் இடையே இருக்கும் உறவு பேர் என்ன என்பது தெரியாமல் தவித்து வருகிறார். அந்த சமயத்தில் பட்டாசு ஒன்று ஆனந்தி அருகில் வந்ததால், அவர் பயத்தில் அன்புவைக் கட்டிப் பிடிப்பார். இதை சற்றும் எதிர்பார்க்காத அன்பு, செய்வதறியாது தவித்து நிற்பார். அந்த சமயத்தில் அன்புவையும் ஆனந்தியையும் பார்க்க மகேஷ் வருகிறார். அப்போது ஆனந்தி, அன்புவை கட்டிப் பிடித்து நிற்பதைப் பார்த்து திகைத்து நிற்கிறார். இதற்கடுத்து அன்பு, ஆனந்தி, மகேஷ் ஒருவரை ஒருவர் எப்படி நேராக பார்த்து சமாளிக்கப் போகிறார்கள் என்பதை இனிவரும் எபிசோடுகளில் காணலாம்.